هى ليه الفورد موستانج ما بتنزلش مصر

[youssefmustang]

هى ليه الفورد موستانج ما بتنزلش مصر انا شوفت منها حوالى اربع عربيات بس اللى فى مصر بس واحدة فى الهرم وواحدة الاسكندرية واتنين فى بورسعيد وكان فى واحدة فى معرض اوتوماك وكلهم جمرك.... يا ترى ليه
انا من اشد المعجبين جدا جدا جدا بالعربية دى غوووول يا اخونا .....
اخوكم يوسف

[sa3dawy]

علشان مش بتنزل غير ب670 الف :d:d

[ouba2]

بسيطة !!!!

[youssefmustang]

طب ما البورش واللاند كروزر والميرسيدس s500 و bmw الفئة السابعة والجاجور كلهم اسعارهم تتراوح ما بين 500 الف ومليون ونص ومغرقين الشوارع..

[link7200]

الموستانغ قطع غيارها نااااااار ( دا بالنسبه فى مصر )
استهلاك بنزين غير طبيعى

[wkisho2005]

طب ما البورش واللاند كروزر والميرسيدس s500 و bmw الفئة السابعة والجاجور كلهم اسعارهم تتراوح ما بين 500 الف ومليون ونص ومغرقين الشوارع..

بس مشكلة الناس في مصر ان في عداوة بينهم وبين الفورد مش عارف ليه

[MoDyBeNz2008]

انا شفت واحدة ملاكي قبل كدة على طريق مصر اسكندرية الصحراوي


و اسباب عدم انتشارها ان اللي هيدفع المبلغ دة هيروح للالماني عدل زي بي ام و مرسيدس و بورش و خلافه

[Abdo_Eldesokey]

شوفوا يا جماعة اللنك ده

http://www.kbb.com/KBB/NewCars/2009_Ford_Mustang.aspx

دي أسعار الموستانج في أمريكا موديل 2009
بتتراوح من 20 ألف إلى 54 ألف دولار حسب الكماليات والموتور

فأنا شايف إنه حرام العربية تكون برة بـ 250 ألف جنيه مصري ، وآجي أنا أشتريها هنا بـ 670 ألف جنيه

كده أبقى برمي فلوسي في الأرض

ربنا يكرمنا ونسافر أمريكا في يوم من الأيام وهناك إن شاء الله نبقى نشتري واحدة

[ahmad--ezzat]

الموستنج تعتبر اقوة واسرع من البى ام دابليو بس للاسف الشديد
مصر ضد فورد معرفش لية

[KHALED AYMAN]

انا لسه شايف واحده حمرا النهارده فى المحله (طبعا مش من عندنا دى كانت ملاكى القاهره) فعلا عربيه تفوق الخيال .
حرااااااااااااام الجمارك دى العربيه بيندفع اكتر من ضعف تمنها جمارك و احنا هنفضل كده عمالين نركب فى ال 1600 سى سى.

[youssefmustang]

العربية دى ملهاش حل يا اخونا اتعرفت على واحد عربى عندنا فى المعهد بتاعنا فى الهرم وكانت معاه الواد ده كويتى اصلا فكان ورايا فى اللجنة فى الامتحانات طبعا عشان عرب وكده وفلوس ما بيجوش غير اخر شهر فى الدراسة وطبعا بيدفع 66000 جنيه فى السنة فا ماشية معاهم كوسة المهم الواد مش عارف حاجة فى الامتحان رحت مغششه بعض الاسئلة المراقب المحترم راح قالى انت بتغششه ليه قوم اديله ورقة الاجابة بتعتاك وراح ناقلنى جنبه (تقريبا الواد كان مظبطه فلوس) الواد خد منى ورقة الاجابة وقعد يحرت من الاجابة قولت عنب رحت مطلع البرشام واشتغلنا مع بعض والمراقب يقولنا بسرعة ياض انت وهو قبل ما حد يجى من بره ... المهم خلصنا ونزلنا الواد قابلنى وقعد يشكر فيا يجى ساعة المهم قالى اوصلك معايا قولتلو شكرا همشى مع اصحابى قعد يحلف والله ما تمشى على رجليك قالى تعالى رحت معاه الاقيه بيفتح الفورد موستانج انا جسمى قشعر منها قولتلو دى بتاعتك قالى اه قلتلو ربنا يستر المهم ركبت العربية من هنا ومحستش بالدنيا العربية نازل معها 2 تيربو وموتور 5400 سى سى بقوة 850 حصان العربية 6 غيار الواد بيحرق الغيار الاول جاب 60 كيلو والتانى جاب 95 وشغل التكييف على 2 انا اتجمد بصراحة ونازل معاها عدة صوت بنت حراااااام 10 سماعات فى العربية يبطلعو صوت عمرى ما سمعتو ونازل معاها Gps المهم الراجل وصلنى وقالى ابقى ذاكر كويس عشان المادة التانية ....
بصراحة يا جدعان المفروض العربية دى تنزل مصر بسعر كويس العربية دى احسن من الجيب واحسن الجولف واحسن من البى ام دبليو.
اخوكم يوسف

[ahmad--ezzat]

ادينى نمرتو بسرعة هههههههههه
على فكرة عادى موضوع التانى 95
انا بجيب بالنوبيرا 100 على التانى وبتفصل

[wkisho2005]

نمرتوا ايه دانا لو مكان يوسف كنت قتلت الواد واخدت العربية ههههههههه
او اقوله لو عايزني اغششك الامتحان الجاي اسوق العربية شوية بس بصراحة الواحد يخاف يسوقها احسن يحصلها حاجة ولا بتاع

ومبروك يااحمد باشا علي النوبيرا بس متقساش عليها كدا ياعم العربية لسة بتلين وربنا يباركلك فيها يارب

[ahmad--ezzat]

كنت بجربها بس مش اكتر انا على بنقل عند 2 ونص

[youssefmustang]

والله من ساعتها وانا كاره كل العربيات بالذات البى ام والمرسيدس فعلا اللى يركب الموستانج يكره اى عربية حتى لو بوجاتى