اسعار وانواع الحاجات ديه ؟؟

[bigbibo]

السلام عليكم ورحمة الله وبركاته ...
شباب انا هشترى الحاجات ديه لعربيتى فييستا 99 .. غايز اعرف اسعارها ايه واشترى انواع ايه يا ريت تفيدونى ...
1. سير إدارة .
2. بلية ثابتة .
3. طرمبة مياه .

ويا ريت تقولولى منين اضمن حد اشترى منه الحاجات ديه

[ahmed p880]

السير تقريبا في حدود 80 يزيد او يقل
والبليه نفس الوضع
والطرومبه ب200 ل 250 والله اعلم ممكن تكون الاسعار اتغيرت
وعندك بدروسيان في التوفيقيه والحرفين
لو لقيت الماني يبقي تمام بس السعر اغلي يا اما تركي يا اللي موجود متنمش عليهم هيبوظو حاجات تانيه

[bigbibo]

السير تقريبا في حدود 80 يزيد او يقل
والبليه نفس الوضع
والطرومبه ب200 ل 250 والله اعلم ممكن تكون الاسعار اتغيرت
وعندك بدروسيان في التوفيقيه والحرفين
لو لقيت الماني يبقي تمام بس السعر اغلي يا اما تركي يا اللي موجود متنمش عليهم هيبوظو حاجات تانيه

شكرا جزيلا على ردك .. فى الحقيقة من بعد ما الميكانيكى قاللى على الحاجات ديه ممشتش على العربية كتير .. بس ممكن اعرف تأثيرها يكون على ايه بالظبط .. علشان يكون عندى خلفية ؟؟

[aYaBooY]

اولا سير الادارة في حدود 100 جنيه
البليتين الثابتين ( هما اتنين مع بعض مش واحدة ) عاملين 130 جنيه و تجيبهم من عند يافا في شارع دمشق التركي كويسين جدا و ممكن يعدوا فترة كويسة
موضوع طرمبة المياه
تشوف الاول مالها لان الاصلى ممكن تكون في حدود 800 او 1000 دلوقتي كانت زمان ب 650 من الوكيل
و اعتقد تشوف بدايل اوروبي و تبعد عن التركي في القطعة ديه بالذات بس تتاكد الاول انها فيها مشكلة لان عمرها عادتا عالي

[bigbibo]

اولا سير الادارة في حدود 100 جنيه
البليتين الثابتين ( هما اتنين مع بعض مش واحدة ) عاملين 130 جنيه و تجيبهم من عند يافا في شارع دمشق التركي كويسين جدا و ممكن يعدوا فترة كويسة
موضوع طرمبة المياه
تشوف الاول مالها لان الاصلى ممكن تكون في حدود 800 او 1000 دلوقتي كانت زمان ب 650 من الوكيل
و اعتقد تشوف بدايل اوروبي و تبعد عن التركي في القطعة ديه بالذات بس تتاكد الاول انها فيها مشكلة لان عمرها عادتا عالي

استاذ ايوبى .. انا سألت فعلا عند ابراهيم سليمان التوفيقية على طرمبة المياه قاللى 280 ولما سألته على صناعتها قاللى اوروبى .. ده اللى تقصده ولا ايه ؟؟

[ahmed p880]

الاضرار اللي ممكن تحصل
البليه لو جايبه اخرها هتقفش وفي الحاله دي السير هيتقطع
ولما يتقطع هيوقف الدينمو وطرمبه المايه والحراره تزيد ده في الاول
الطرمبه هي المسوله عن ضغط المياه داخل الموتور

[ahmed p880]

وعلي راي الاستاذ ايوب شوف الطرمبه الاول
او ايه اللي بيحصل يخليك تقول انها بايظه ممكن يكون ترمستات الحراره اللي في الكوعه هو اللي قافش

[bigbibo]

هو كلام الميكانيكى ليا قاللى ان الطرمبة بايشة وبتقفش ولما بتقف وترجع تشغل السير بيتقطع .. معرفش هو عرف الكلام ده ازاى قبل ما يفكها اثناء مهو بيكشف على العربية وبيبص على السير والبلية .. انا هرفع صورها وممكن تقولولى اذا كانت احتاجت تتغير ولا لأ ...
عموما انا غيرت الحاجات ديه امبارح بما فيهم طرمبة المياه .
الجديد بأه ان علبة الريدياتير مختاجة تتغير لأنها بتسرب مياه مخرومة او مشروخة .. فيا ريت تقولولى رأيكم من الاختيارات ديه :
1. اغير علبة الريدياتير .. ودى تقريبا هتتكلف من 150 لـ 180 جنيه حسب كلام بتاع الريدياتير .
2. اغير الريدياتير كله .. وده هيتكلف فى حدود 500 جنيه (معرفش الرقم ده دقيق ولا لأ) يار يت تقولولى الاحسن جديد ولا استيراد وسعره بكام واشترى منين .
3. امكانية لحام الجزء اللى بيسرب وده حل عملى ولا لأ وهيتكلف كام تقريبا .

[ahmed p880]

التصليح او التغير علي حسب الحاله لما تفك وتشوف ماقدرش افيدك
وللعلم
طرمبه المايه مش هتحس انها شغاله غير لما العربيه ترفع حراره
لان ترمستات الكوعه بيبقي قافل الدوره
ولو هي عندك بتقلب علي طول والعربيه بارده يبقي الترمستات بايظ او متشال