الحقوني يا ولاد الحلال

[nourseen]

عربيتي فورد اسكورت 1300\98 المشكله ان العربيه بدأت تتطلع دخان بشكل غبي في يوم راجع من القاهره سمعت صوت حاجه فرقعت و خربطه في الماكينه زي ما يكون حاجات بتتكسر المهم ركنت و نزلت اشوف فيه ايه لقيت البوجيه الاول من ناحية اليمين مش في مكانه و الزيت مغرق المكينه و الحوض معرفتش اعمل ايه المهم لقيت معايا بوجيه و ركبته و دورت العربيه الكلام ده بعد نفق العاشر و قبل العلوي الجديد في اتجاه اسماعيليه المهم لقيت لمبه الزيت عماله تنور و مش عايزة تطفي كملت عليها و طلعت الكوبري و عديت الكارته لحد لما وصلت لبنزينة التعاون ملقتش و لا نقطة زيت في العربيه المهم حطيت زيت و مشيت دلوقتي بقي يا حضرات الدخان اللي طالع م العربيه بيفكرني بعربية الناموس بتاعة زمان و كنت بقاوح و امشي بالعربيه دلوقتي وقفت خالص ناس بتقولي عايزه طقم شنبر و ناس بتقولي عايزه شورت بلوك ايه رايكم يا حضرات اعمل ايه

[nourseen]

متابع

[ahmedamgad18]

طول ما الدخان بدء يطلع ابيض معناه ان الشنبر بدء يعدى الزيت داخل غرفة الاحتراق .. اى ان الزيت بدء يحترق
وبالتالى انت دخلت فى طقم شنبر يعنى عمرة كاملة وكمان تبص على الشنابر لتكون اتسلخت .

[mido51eg]

معرفش اذا كان فيه مواتير استيراد 1300 ولا لأ ، لأن الـ 1300 دي مكنتش بتنزل غير في مصر ، بره مايعرفوش غير الـ 1600 والـ 1800 بس
شوف الميكانيكي هيقولك ايه وقولنا واحنا معاك.

[nourseen]

طول ما الدخان بدء يطلع ابيض معناه ان الشنبر بدء يعدى الزيت داخل غرفة الاحتراق .. اى ان الزيت بدء يحترق
وبالتالى انت دخلت فى طقم شنبر يعنى عمرة كاملة وكمان تبص على الشنابر لتكون اتسلخت .

أولا اشكرك علي اهتمامك بالرد mido51eg بس انا كنت عايز اسأل لو الموضوع طقم شنبر هيتكلف كام كله علي بعضه بالمصنعيه و حكاية عمره كامله تتكلف ايه برضو و طقم الشنبر عامل كام عشان واحد عارض عليا شورت بلوك و قاللي انه هيحتاج شنبر و شكرا ليك يا برنس

[nourseen]

معرفش اذا كان فيه مواتير استيراد 1300 ولا لأ ، لأن الـ 1300 دي مكنتش بتنزل غير في مصر ، بره مايعرفوش غير الـ 1600 والـ 1800 بس
شوف الميكانيكي هيقولك ايه وقولنا واحنا معاك.

المواتير 1300 موجوده عندنا في اسماعيليه في ناس بتقول 3500 و ناس بتقول 4000 بس انا كنت عايز اعرف لو في الحرفيين بكام و بورسعيد بكام و شاكر افضالك

[nourseen]

إللي عارض عليا الشورت بلوك كان مطلعه من عربيته و قال لي انه هيحاسبني عليه ب 900 جنيه و انه هيحتاج طقم شنبر ب 700 جنيه مع المصاريف و المصنعيه العمليه يعني توصل 2300 تقريبا ايه رأيكم هو مستني مني رد و انا مستني ردكم بسرعه لان العربيه عامله زي القتيل قدام البيت

[nourseen]

أين انتم يا فورداويه دا انا حتي قلت ألحقوني يا ولاد الحلال حد يرد يا حضرات طيب مين ميكانيكي فورد كويس في اسماعيليه

[Abo_Mazen]

إللي عارض عليا الشورت بلوك كان مطلعه من عربيته و قال لي انه هيحاسبني عليه ب 900 جنيه و انه هيحتاج طقم شنبر ب 700 جنيه مع المصاريف و المصنعيه العمليه يعني توصل 2300 تقريبا ايه رأيكم هو مستني مني رد و انا مستني ردكم بسرعه لان العربيه عامله زي القتيل قدام البيت

هو مش رقم الموتور موجود على الشورت بلوك؟؟...الله ..طيب هتثبت الرقم الجديد ازاي في المرور والشورت بلوك ده خليع ..يعني طالع من عربيه وملوش ورق...حد يوضحها دي

[nourseen]

السلام عليكم انا سألته ع الموضوع بتاع اثباته ع الرخصه و ان لازم يكون فيه افراج جمركي قاللي عادي الورق (جواب الافراج )ده بيتعمل ب 50 جنيه هل الكلام ده صحيح ؟؟

[nourseen]

السلام عليكم انا سألته ع الموضوع بتاع اثباته ع الرخصه و ان لازم يكون فيه افراج جمركي قاللي عادي الورق (جواب الافراج )ده بيتعمل ب 50 جنيه هل الكلام ده صحيح ؟؟

و يا ريت حضراتكم حد يفيدني عربيتي محتاجه ايه بالظبط حضرتك الميكانيكي من 3 شهور قال لي في بستم قافش و انا بصراحه استهبلت و مشيت بالعربيه يمكن شهرين و نص علي كده و كان الدخان بيزيد كل يوم عن اللي قبله لحد ما جابت اخرها و حاسس ان فيه بستم تاني قفش ارجووووووووووكم الحقوني و فيدوني اعمل ايه

[nourseen]

[nourseen]

متااااااااااااااابع حد يرد عليا يا ناااااااااااااااااس

[mohamede002e]

ياباشا علي كلامك كدا الموتور جاب اخره مادخلش نفسك في حوارات عمرة ويالميكانيكي عرف يظبطها ولا لا غير الوقت والمشاوير والمناهدة مع الصنايعية استنظف شورت بلوك واشتري دماغك الي اعرفه ان الشورت بلوك بتاع الزيتك بيعمل 2500 ماعرفش 1300 بكام

[mido51eg]

اولاً الأخ اللي بيبيع شورت بلوك خلع من عربيته ومحتاج طقم شنبر ، طيب ليه ماعملش هو طقم الشنبر ده لعربيته ؟! ابعد عن الحوار ده حتى لو هيديهولك ببلاش.
ثانياً انت ماقولتش من الأول على حكاية انك مشيت شهرين ونص وعندك بستم قافش ، مين قالك دلوقتي ان موتورك محتاج طقم شنبر بس ، مايمكن الموتور محتاج عمرة وده مش هيبان غير لو فكيته
خليك في شراء شورت بلوك احسن ، خد الميكانيكي واستنضف شورت بلوك وركبه وريح دماغك