جديد في الفوكاس محتاج مساعده

[eng.mtalaat]

بسم الله الرحمن الرحيم
انا الحمد لله ربنا وفقنى وجبت فوكاس 2008 فبريكا بره وجوه هاي لاين جيا بفتحه سقف طاره مالتي.. الحمد لله عجبانى جداً بس عندي كام سؤال
هل فيه ف 2008 موديلين انا بتاعتى مش الفيس ليفت لأ الشكل القديم..
انا جبتها ب82 هل كده كويس ولا كتير حالتها حلوه شركه بره وجوه
هل المفاتيح بتعتها شفره يعنى متدورش من غيرهم
اعرف اركبلها انذار فين
فيها كام اير باج علشان كنت عايز احطلها فرش واحد قالى لا علشان الكرسى فيها ايرباجز هل الكلام ده مزبوط
حد معاه كتالوج ليها
شكراً جداً مقدما

[eng.mtalaat]

اه معلش ولو حد عنده فكره عن اسعار قطع الغيار فوانيس مرايات سيور فلاتر الكلام ده

[vooooo]

فيه شكلين ل 2008. شكل قديم نفس شكل 2007 و شكل جديد بتاع 2009 لكن كل حاجه من جوه زي بعض

هتلاقي 6 اير باجز. 2 قدام و 2 في قوايم الباب و 2 في الكراسي.
اسعار قطع الغيار مش فاكرها بالظبط بس اعتقد انها غليت كتير لاني كنت اشتريت تيل فرامل ب 450 جنيه و بعدين اشتريته بعد كده ب 700 جنيه. ده الاصلي.
زيت الفيتيس ب 750. فلتر زيت الفتيس 400
بوجيهات 220. فلتر هوا 120
سير اداره 250. طقم كاتينه سير و بليه و شداد ب 800
الاسعار دي ممكن تكون زادت لان عملت الصيانه من سنتين. و كمان انا بجيب الاصلي.
علي فكره لو قارنتها باسعار عربيات تانيه هتلاقيها معقوله و ماتنساش انت راكب فورد.