سحب الفوكاس 2008

[vooooo]

عندي مشكله في سحب العربيه علي الطريق السريع. العربيه فوكاس 2008 الشكل القديم.
العربيه مش بعرف اجيب اكتر من 140 لو الهوا في وشي و لازم دوس كيك داون علشان العربيه تجيب ال 150 و بعديم اكيك داون يفصل و ترجع تاني ل 140 و بكون دايس للاخر
و لو الهوا معايا مش بعرف ازود عن 160 و برضه دايس للاخر.
مع العلم اني غيرت فلتر الهوا و البوجيهات و برضه نفس الشئ
العربيه جوه البلد حلوه مش حاسس انها مكتومه لكن طريق السفر برضه مهم بالنسبالي

لو حد يقدر يفيدني علشان الميكانيكي بيقولي عادي علشان العربيه تقيله و انا مش مقتنع

[MohamedSotohy]

فيه عندك حاجه غلط
او السرعه مقفوله

[kiroo85]

اولا لازم تكشف بالكمبيوتر علشان نطمن ان الحساسات سليمة ومفيش حاجة مبرجلة العربية.

ثانيا نكشف علي الفرامل وممكن تجرب تجربة بسيطة انك تعمل العربية عل n وتشوف هتتحرك بسهولة ولا لأ

ثالثا التأكد من البنزين اللي بتحطه علشان في غش في البنزين وبيزودوه مياه شرب

رابعا ممكن تحط محسنات اداء في دورة البنزين زي الاوكتان ومنظف دورة البنزين والرشاشات

بالتوفيق

[vooooo]

فيه عندك حاجه غلط
او السرعه مقفوله

مافتكرش ان السرعه مقفوله. لاني مش عامل تحديد للسرعه

[vooooo]

اولا لازم تكشف بالكمبيوتر علشان نطمن ان الحساسات سليمة ومفيش حاجة مبرجلة العربية.

ثانيا نكشف علي الفرامل وممكن تجرب تجربة بسيطة انك تعمل العربية عل n وتشوف هتتحرك بسهولة ولا لأ

ثالثا التأكد من البنزين اللي بتحطه علشان في غش في البنزين وبيزودوه مياه شرب

رابعا ممكن تحط محسنات اداء في دورة البنزين زي الاوكتان ومنظف دورة البنزين والرشاشات

بالتوفيق

الفرامل تمام
و بحط بنزين من بنزينة واثق انها محترمه
حطيت كل انواع منظف دوره البنزين و الاوكتين بوستر و برضه نفس الشئ
اللي غايظني ان الميكانيكي بيقولي عادي ( احمد فرج) علشان ماحدش بقولي روح لميكانيكي فورد

مش فاضل اني اروح التوكيل و اكشف علي العربيه

[janjon1978]

اولا لو متاكد من البوجيهات اصلية يبقي كدة شوف دورة البنزين و دول حاجتين طرمبة البنزين و لو دي الاصلية بتاعة العربية يبقي فعلا ممكن تكون ضغفت شوية.. الحاجة التانية فلتر البنزين و انا معرفش اذا الموديل بتاعاك في و لا لا.. بس نصحتي ماتغيرش طرمبة البنزين الا لما تضعف اوي
تانيا ممكن تجرب تنظف بوابة الهواء ..
اختها المازدا 3 2008 عاملة 150 الف كم و بجيب 190 في سهولة تامة.. just kick down

[vooooo]

الموديل ده مافهوش فلتر بنزين. و انا شاكك في الطرمبه بس برضه مش عايز اغيرها. هي فعلا الاصلي فمكن تكون ضعفت.
الماذدا 3 كنت بجيب ال 210 بسهوله. لكن العربيه دي بطه مع انها نفس الماذدا

[vooooo]

مفيش حد من ملاك الفوكاس يقولنا ان كان بيواجهه نفس المشكله ولا لأ

[Ahmed Koller]

نفس المشكله عندي في فوكاس 2009 اخرها 165 ولو الطريق فيه نازله بتوصل ل 180 بالعافيه . لاكن اخر الدواسه 165
مش عارف ممكن اظبط حاجه قي الموتور تخليه يشد عن كده وال لا . وكان معايا فوكاس 2007 كانت اخرها 170 برده
تقريباً العربيات دي مابتعديش ال 180 علشان وزنها زي الاوكتافيا كده

[vooooo]

الاوكتافيا مع صديق ليا بيقولي بتجيب ال 200 و 220 بسهوله
كل العربيات تقيله و بتجري
انا هبقي اروح التوكيل و اكشف عليها

[Ahmed Koller]

صعب الاوكتافيا تجيب ال 200 . كان معايا ميجان مانيوال كانت بتجيب 200 دواسه والاتوماتيك جابت معايا 190 بالعافيه .
فالإكتافيا صعب تجيب 200 علي ما أعتقد .
واحد صاحبي معاه فلوانس بتجيب 190 بالعافيه برده

[vooooo]

لو 190 انا موافق بس عربيتي اخرها 140 لو الهوا في وشي و 160 و الهوا معايا فكده معناه ان فيه حاجه غلط بس لسه ماعرفتش سببها ايه

[mido_72]

ازاي مافيهوش فلتر بنزين , يعني من ساعه ما اشتريت العربيه مغيرتش فلتر ؟؟؟؟؟

الموديل ده مافهوش فلتر بنزين. و انا شاكك في الطرمبه بس برضه مش عايز اغيرها. هي فعلا الاصلي فمكن تكون ضعفت.
الماذدا 3 كنت بجيب ال 210 بسهوله. لكن العربيه دي بطه مع انها نفس الماذدا

[nokiauser]

كانت معى بتجيب 160 بسهولة ، بس لم احاول اجيب بعد كده لان صوت الماتور بيكون عالى اوى معرفشى ليه بس هيه على ما اعتقد مش هتجيب معاك اكثر من 170 بالعفيه لان وزنها كبير ، مره قبل ما اغير زيت فتيس جبت 165 كم و بعد كده طلعتلى ان درجة حرارة زيت الفتيس عالى ، و غيرته بس لم احاول اننى ازود عن 150 بعد كده