استهلاك البنزين في فورد فوكاس

[Ahmed Koller]

[center]السلام عليكم
اعضاء نايل موتورز المحترمين

انا معايا فوكس 2009 وحاسس ان معدل استهلاك البنزين عالي شويه عن اي عربيه ركبتها
يعني بفول التانك بيكتبلي رينج 468 كيلو بالتانك وانا شايف انه استهلاك

عالي
وعندي في ترشيح زيت من اويل السيل الكرانك فهل ده ممكن ينقص الزيت . علشان لقيت الزيت عندي ناقص حوالي كيلو إلا ربع
ولو ممكن اعرف السرعه القصوي المفروض تبقي كام علشان دي تاني فورد اركبها كان معايا 2007 واكتر سرعه جبتها بالعربيتين كانت 170 بالعافيه


اسف الاسئله كتير بس اتمني انه يكون حوار للمناقشه علشان نستفيد

[vooooo]

انا شايف ان الاستهلاك عالي بس لو رحت التوكيل و سالت المهندس هيقولك ده عادي.
ترشيح الزيت لازم تعالجه.
السرعه القصوي للعربيه متفاوته من عربيه لعربيه و السبب ماعرفوش
بس اكيد فيه اسباب كتير. اولا العربيه تقيله فمش هتجري معاك بس برضه مش سبب قوي
الاوكتافيا اتقل منها و بتجري اكتر منها. السبب ممكن يكون فلتر الهوا. الحساسات. طلمبة البنزين
انا عامل موضوع عن سحب الفوكاس 2008 و لسه مش لاقي حل.

[nokiauser]

معى فورد فوكس 2008 عند التفويل الكمبيوتر بيعطى لى حوالى 604 كم معدل الاستهلاك 1 لتر / 10 كيلو فى عز الزحمة و الحر و على الطريق السريع 0.8 لتر / 10 كيلو ، العربيه عاملة 80 الف كيلو ، و اقصى سرعه جبتها بيها حوالى 160 ك/م بس اعطى لى عطل ان الفتيس (هيه اوتو) درجه حرارته عاليه ، لانها كانت ساعتها عامله 72 الف كيلوا و الصراحة لم اكن متأكد من ان زيت الفتيس اتعير فلم اخاطر، الان غيرت فلتر الهواء و التيل و الطنابير و زيت الماتور و فلتر الزيت و فلتر الفتيس و زيت الفتيس و البوجيهات و لكن لم اجرب السرعه لان العجل الخلفى شكله عاوز يتغير بس هيه عند 3000 لفه السرعه بتكون من 120 الى 130 كم و معدل الاستهلاك من 6.7 الى 7.0 لتر/100 كم

[TOOLA]

بص يا باشا، بالنسبه للاستهلاك انا مبعتمدش على الكمبيوتر، انا بعمل حاجه تانيه، بفول العربيه و اقول للراجل افصل التفويله مع اول تكه، و اصفر العداد.

بعد ماقرب من ٤٠٠ كيلو افول العربيه تانى و بردو افصلها مع اول تكه.

و احسب مونت قد ايه و مشيت اد ايه، متوسط الاستهلاك من ٣٦٠ الى ٤٠٠ ك فى ال ٤٠ لتر تقريبا، بيعتمد على ظروف مشى بالعربيه من قرص على الماتور شويه ولا بنقل فى الهادى و مشغل تكييف ولا لا و الزحمه.

فى الطريق السريع متوسط السحب ٤٠٠ ك لل ٤٠ لتر و يزيدوا او يقلوا مع العلم ان اغلب سفرى سرعات عاليه بمتوسط ١٦٠ ك فى الساعه.

بالنسبه للسرعه القصوى، بتتراوح بين ١٨٠ ل ١٩٠، على حسب ظروفًالطريق و ممكن تزيد لو الطريق خادم او فيه منازل.

المره الوحيده الظهرت الرساله القلت عليها كنت طالع الغردقه و الجو حر و الساعه ١ الظهر و مشغل التكييف و محمل شويه و الطريق خادم و العربيه كانت ماشيه على ٢٠٠ تقريبا، روحت مهدى و مبطل العربيه.

عموما سافرت بعديها كتير فى ظروف مختلفه و على سرعات عمرها ما ظهرت الرساله تانى الحمد لله.