فورد كوجا

[bahaa_salloum]

انا عندي سبورتاج 2012 و بفكر جديا اني اغير لاي عربي suv تانية لان حسيت ان السبورتاج مش سيارة معمرة.. فعلا الكوري غير الاوروبي او الياباني..
فكرت في القاشقاي 2015 بس المشكلة ان مفيش حجز لغاية اخر السنة !! و لو عايز ادفع بقي 25000 جنيه اوفر برايس و استلم.. و بما اني مش بحب الابتزاز.. قررت اشوف بدايل تانية
مش لاقي غير الفورد كوجا و كمان اوبل هتنزل موديل suv اسمه موكا
كوجا وهمية من ناحية الاوبشنز دا غير انها عربية قوية يعتمد عليها.. بس خايف من الانتشار.. يعني اجيبها و في الاخر الاقي انا و 5 تانيين بس اللي جايبنها في مصر و ساعتها هتكون سوااااد في قطع الغيار و اعادة البيع..
فعلا محتار و مش لاقي حاجة مناسبة suv في حدود ال 250000 !!

[mouhyee]

العربيه اللى ماشفهاش من برة ومن جوة ما يحكمش عليها اولا هى فيها دفع رباعى زكى . توقف للمخرك اوتوماتيك فى الاشارات المرورية وبتشتغل بدوسة بنزين عدد 7 ايرباج تقريبا . تابلوة غير عادى .وحدات رفع للزجاج . زجاج تاتش للكل . مرايات جانبية تعتيم وزاوية ميته . اضاءة داخلية ليد اشارات فى المرايا جانبية وسفلية . رووف ريلز. الكرسى الخلفى قابل للرجوع للخلف والطى . دريكسيون تعديل تليسكوبى. تحكم فى زاوية الاضاءة الرئيسية عمودى . تصفيح للموتور والكورونا . دلايات . وحاجات كتير مش فاكرها عيبها الوحيد ان مافيهاش استبن . اضف ارتفع 20 سم عن الارض وحجم اسطورى للكراسى والشنطة اكبر من الكيا كارينز والاسبورتاج والاى اكس 35 مع ان الحجم مش اكبر بكتير . هى عربية فخمة فعلا خسارة ان الناس بتسيبها وتدور على الكورى مفيش وجه مقارنة اصلا . انا باتكلم بعد ما حجزتها بعد اقتناع شديد من اول ما شوفتها وركبتها وشوفت امكانياتها

[abdo.samir]

مبروك مقدما و قولنا على الاداء لما تستلم ان شاء الله

[hugan]

العربيه اللى ماشفهاش من برة ومن جوة ما يحكمش عليها اولا هى فيها دفع رباعى زكى . توقف للمخرك اوتوماتيك فى الاشارات المرورية وبتشتغل بدوسة بنزين عدد 7 ايرباج تقريبا . تابلوة غير عادى .وحدات رفع للزجاج . زجاج تاتش للكل . مرايات جانبية تعتيم وزاوية ميته . اضاءة داخلية ليد اشارات فى المرايا جانبية وسفلية . رووف ريلز. الكرسى الخلفى قابل للرجوع للخلف والطى . دريكسيون تعديل تليسكوبى. تحكم فى زاوية الاضاءة الرئيسية عمودى . تصفيح للموتور والكورونا . دلايات . وحاجات كتير مش فاكرها عيبها الوحيد ان مافيهاش استبن . اضف ارتفع 20 سم عن الارض وحجم اسطورى للكراسى والشنطة اكبر من الكيا كارينز والاسبورتاج والاى اكس 35 مع ان الحجم مش اكبر بكتير . هى عربية فخمة فعلا خسارة ان الناس بتسيبها وتدور على الكورى مفيش وجه مقارنة اصلا . انا باتكلم بعد ما حجزتها بعد اقتناع شديد من اول ما شوفتها وركبتها وشوفت امكانياتها

وصف رائع
بس مشكله ا ﻻستبن تتحل ازاي

[abdo.samir]

بالنسبه للاستبن لما روحت المعرض قالو ان الكوتش فى ماده لما تتخرم بتلحم لوحدها او العربيه فيها حاجه علشان لما الهوا يقل فى الكاوتش يزيد لوحده
و برده راجع الوكيل هيقولك بتفصيل اكتر

[mouhyee]

مفيش استبن عايز اشترى مع نفسك ولا كوريك ولا مفتاح للعجل والبديل كيت مادة لحام بتحقن من البلف ومعاها كومبريسور صغير بس فضيحة لو الكاوتش فرقع او قطع يبقى ونش ان شاء الله لما استلم هصورها لسه شهرين بإذن الله

[KareemSafwat]

أنا و أخويا حاجزين عربيتين. إحنا كان بألنا سنة بندور على عربية تستاهل و أول ماشوفناها حجازنا 2.
بالنسبة للإستبن, فعلا مافيش, بس مكانه موجود و ممكن تشتري إستبن صغير زي بتاع الإبيزا و الجولف بس مناسب لوزنها.

[mouhyee]

للاسف الشديد بعد بحث على منتديات اجنبية وريفيوهات لقيت ان الفتيس من نوع power shift وده فيه منه مشاكل اسطورية على مستوى العالم فى سيارات فورد وفولكس بشكل عام بداية من اول اصدار 2012 تقريبا بيرجرج العربيه وصوته عالى وبيسخن الجيربوكس بعد عدد قليل من الكيلومترات للعربيات الزيرو فقررت الغى الحجز وكلى حزن على اجمل عربية اخترت انى اشتريها يا خسارة الحلو ما يكملش ونفسى حد يقنعنى ان الجيربوكس فيها مختلف ولكن للاسف مفيش

[janjon1978]

للاسف الشديد بعد بحث على منتديات اجنبية وريفيوهات لقيت ان الفتيس من نوع power shift وده فيه منه مشاكل اسطورية على مستوى العالم فى سيارات فورد وفولكس بشكل عام بداية من اول اصدار 2012 تقريبا بيرجرج العربيه وصوته عالى وبيسخن الجيربوكس بعد عدد قليل من الكيلومترات للعربيات الزيرو فقررت الغى الحجز وكلى حزن على اجمل عربية اخترت انى اشتريها يا خسارة الحلو ما يكملش ونفسى حد يقنعنى ان الجيربوكس فيها مختلف ولكن للاسف مفيش

الفتيس اللي نازل في الكوجا و الفيوجن.. فتيس اوتوماتيك عادي ب محول العزم العادي.. مش البور شفيت.. البور شفيت دة فتيس مانيوال في الاصل .. و دة كلام مش بس الشركة في مصر.. لا ده علي مستوي العالم.. البور شفيت نازل في الكوجا الديزل خارج مصر

[janjon1978]

ممكن تدخل علي موقع فورد uk او فورد استراليا و تتاكد من كلامي و تنزل البورشور بتاع الكوجا لان عندهم بينزل نفس الموتور و الفتيس اللي نازل مصر.. انا عندي البورشوز بتاعة العربية و متاكد من كلامي 100 100 لاني بفكر اشتري العربية

[yassermahmmoud]

عربية رائعة بكل ما تحمل الكلمة من معنى وأتمنى من الله أن تنتشر أكثر في مصر لأنها عربية محترمة جداً وأحسن من الكوري مليون مرة .

[KareemSafwat]

للاسف الشديد بعد بحث على منتديات اجنبية وريفيوهات لقيت ان الفتيس من نوع power shift وده فيه منه مشاكل اسطورية على مستوى العالم فى سيارات فورد وفولكس بشكل عام بداية من اول اصدار 2012 تقريبا بيرجرج العربيه وصوته عالى وبيسخن الجيربوكس بعد عدد قليل من الكيلومترات للعربيات الزيرو فقررت الغى الحجز وكلى حزن على اجمل عربية اخترت انى اشتريها يا خسارة الحلو ما يكملش ونفسى حد يقنعنى ان الجيربوكس فيها مختلف ولكن للاسف مفيش

الفتيس اللي نازل في الكوجا و الفيوجن.. فتيس اوتوماتيك عادي ب محول العزم العادي.. مش البور شفيت.. البور شفيت دة فتيس مانيوال في الاصل .. و دة كلام مش بس الشركة في مصر.. لا ده علي مستوي العالم.. البور شفيت نازل في الكوجا الديزل خارج مصر

أعتقد فعلا ان الففتيس عادي مش باورشيفت لان أغلب المواقع ذكرته مع المواتير الديزل ماعادا عدد قليل ذكره مع البنزين.
ولكن حتى مع فرض إنه باورشيفت, الناس كلها بتأكد إنه من 2014 المشاكل أصبحت قليلة جدا و في تحسن ملحوظ و إن أداءه أحسن كتير من العادي.

[mouhyee]

انا تواصلت مع احد مسؤلى الشركة على الفيس بوك ومع جروب معملول مخصوص لشكاوى فورد والباور شيفت واكدوا كلام حضرتك انه اوتوماتيك عادى وانا اقتنعت ومش هسحب حجزى وربنا المستعان ويقدم مافيه الخير ويدينا خيرها ويكفينا شرها
بس فيه سؤال اى نوع من الفتيس بتاعنا هنا فى مصر لانى هاتجنن واجيب معلومه مش عارف غير انه عادى ... بس عادى ازاى مش عارف و السيلز مان قال لى انه CVTفزاد حيرتى لانى معتقدش خالص مش عارف الصح فين بس الحمد لله انه مطلعش الفتيس محل الخلاف

[KareemSafwat]

انا تواصلت مع احد مسؤلى الشركة على الفيس بوك ومع جروب معملول مخصوص لشكاوى فورد والباور شيفت واكدوا كلام حضرتك انه اوتوماتيك عادى وانا اقتنعت ومش هسحب حجزى وربنا المستعان ويقدم مافيه الخير ويدينا خيرها ويكفينا شرها
بس فيه سؤال اى نوع من الفتيس بتاعنا هنا فى مصر لانى هاتجنن واجيب معلومه مش عارف غير انه عادى ... بس عادى ازاى مش عارف و السيلز مان قال لى انه CVTفزاد حيرتى لانى معتقدش خالص مش عارف الصح فين بس الحمد لله انه مطلعش الفتيس محل الخلاف

اعتقد العادي اللي هو زي 90% من العربيات، هيدروليك تورك كونفيرتر hydraulic torque coverter.
عموماً مبروك مقدما. أنا إن شاء الله هستلم ال شهر اللي جاي و اخويا اللي بعده، لو إستلمت قبل كده يا ريت تطمني.

و ربنا يبارك للجميع.

[اسامه نور الدي]

ربنا يبارك لك فيها بس فعلا الناس فاهمه الفرق بين الكوري و الاوربي غلط عشان كده بتجري ع الكوري استرخاص لسعر قطع غياره رغم انها قربت الاسعار في قطع الغيار من بعض و ده الي مقلل الريسيل بتاع الاوربي عن الكوري و كمان الميكانيكيه الاغبيا الي بيعتبرو الحاجه الي مش فاهمينه واعلي من مستوي تفكيرهم وحشه و الي بيبوظو سمعه الاوربي رغم انه سابق الكوري تكنولوجيا في حاجات كتير