فورد كوجا

[mouhyee]

الحمد لله عملت جروب مخصوص للعربية على الفيس بوك بنتناقش فيه للملاك الجدد للعربية ومواضيعه ظريفة وفيه فيديوهات توضيحية وقريبا فى خلال اسبوع هيكون فيه تقرير مصور فيديو لبرنامج للسيارات بالعربى عليها بيعمله ويعده صديق لى على اليوتيوب بس برنامج مميز وعامل شغل جامد مع عربيات كتير وان شاء الله يعجبكم التقرير وده لينك الجروب https://www.facebook.com/groups/1594291250788594/?fref=nf

[ايمن ماهر]

الفورد الكوجا

السلام عليكم
انا استلمت الكوجا بقالى اسبوعين
وبسم الله ماشاء الله تحفة فى كل شيء
عيبها فقط عدم وجود استبن المصنع جعلها
عربية لا ينقصها شىء من قوة رهيبة اتزان
رائع تكييف ممتاز عزل هايل عفشة قوية جدا وناعمة جدا
انا بصراحة مش عارف الناس تايهة عنها ازاى وبتجرى وراء
الكورى الزبالة فى كل شىء اخويا اول ما ركب معايا طلب منى
يسوقها واتديهاله بالعافية بعد ما نزل عمل اعلان علطول عشان
يبيع الاى اكس 35 اللى معاه واول ما يبيعها هيجيب الكوجا لانها
عجبتة جدا وحس بفرق رهيب جدا لصالح الكوجا طبعا فى كل شىء
بانصح كل الناس بيها والله العظيم ولن تندموا ..ايمن

[عماد الدين عزت]

مبروك عليك ياباشا انت جبتها اى فئة وياريت المواصفات والسعر اذا امكن .

[dramir1]

النهارده اتفرجت على الفيوجن والكوجا وردود موظف المبيعات كانت::

بالنسبه للاستبن ...الكاوتش run on flat وبالتالي لا حاجه للاستبن...

بالنسبه لغطاء البنزين المفروض انه لا يسمح الا بمسدس البنزين في المحطه

[احمد فهمى]

فورد ملهاش حظ فمصر واحتمال لو سعر ازل فئه ده وافي كماليات مرضيه يبقى هتبيع كويس

[Gamal1807]

السلام عليكم ورحمة الله و بركاته

انا مقيم في الإمارات وجبت العربيه دي زيرو 2012 اللي هو الشكل القديم المرفق صورته (هنا)، وهيا هنا و في امريكا اسمها اسكيب .. بس لما شفتها في اوروبا كان ليها اسم تاني واعتقد انه كوجا .. الموديل الجديد مختلف في حاجات كتير فممكن يكون تقييمي مش في محله اوي، عموما ليا صديق جابها جديد وممكن اساله عن اي حاجه انتوا عايزينها، وبصراحه فرحت اوي لما نزلت مصر وكنت مستغرب انها مش موجوده في مصر من قبل كده. انا ما سقتش العربيه الشكل الجديد لسه بالرغم من ان صديقي عرض عليها اجربها بس قلتله استنى لما تخلص التليين لان سواقتي عنيفه و سريعه .

الشكل الجديد اسباني مش امريكي و موتوره سي سي اقل بس تربو وعزم اعلى بكتير

تجربتي مع العربيه على مدى تلات سنين ونص استخدام فوق الممتازة، عربية مفيهاش غلطه، الفور ويل وال esp هايل يعني تمشي في الرمل وتطلع الأرصفه بسلاسة، محصلش فيها اعطال ابداً ما عدا مرة فانوس اتحرق واتغير في الضمان، ثبات هايل مع السرعة، ده غير معدل الأمان العالي فيها وكانت واخدة تقييم دولي لمعدل الأمان عن سنة 2010 على ما اذكر، وكانت من اكتر السيارات استخداماً كتاكسي في نيويورك.

كمان شركة فورد عاملة كنترول على الوكلا بتوعها من حيث الأسعار والخدمة فمش بايديهم يتلاعبوا كتير

للعلم انا ركبت نيسان و مرسيدس و كامري و لكزس و بيجو قبل كده، كل واحدة فيها عيوب شكل .. إلا دي مش لاقي فيها عيوب .. و على فكرة مفيش اي وجه مقارنه بينها و بين اي suv في فئتها

سعرها في مصر هو مرة و نص سعرها في الإمارات و بالتالي دي قيمة هايلة بالنسبة لسيارة في مصر، يعني تحط فلوسك في حاجه تستاهل بجد.

صيانتها مش معقدة، و اسعار قطع غيارها زي التويوتا تقريباً


عملت حادثه في مره، ميكروباس خبطها من ورا، الميكروباس اتطبق الكبوت بتاعه واتكسر الرادياتير و الفوانيس، وعندي محصلش حاجه ابدا .. بمعنى الكلمة .. مجرد مسمار من اللي رافعين غطا الإكصدام ريح شويه.

لما كنت بفكر اجيبها سألت مهندس ميكانيكا مخضرم، وكانت اختياراتي ساعتها هي فورد اسكيب و كيا سورينتو و هيونداي سوناتا .. و كان رده بشكل قاطع الفورد بالرغم من اتجاهي كان للسوناتا علشان كمالياتها (باعتبار ان كان معايا لكزس) بس هو صمم على رأيه وقاللي مفيش وجه مقارنة و الحمد لله انني خدت باستشارته


اي سؤال انا جاهز

[moshakes]

الاسكودا الجديدة بجوار الجوكا معزة حامل هههههههه

بصراحة مقدرتش امسك نفسي من الضحك وانا قاعد وسط العيلة
أضحك الله سنك

[moshakes]

فيه مشكلة عملاقة على غير العادة وهى السنتر لوك انا زوجتى بتشيل بنتى الصغيرة على رجلها فى الكرسى الامامى والعربية ماشية بتبفتح الاوكرة عادى جدا فالباب بيفتح وهو مسوجر !!!!!!!!!!!! نوع من الامان مش عارف ازاى بتقفل لكها من برة والكراسى اللى ورا بتعمل التشيلد لوك اما السائق واللى جنبه تفتح الاوكرة تفتح والعربية ماشية ومقفولة بالسنتر حاجه متخلفة جدا الى ان يظهر فعلا هل ده طبيعى فى اى عربية فورد

انا معايا فورد اسكورت 99 وده طبيعة السنتر لوك في الفورد من زمان

[drmkmal]

استلمت من شهرين.. عامل بيها 1800 تقريبا.. عربيه فوق الممتازه.. عيبها بس استهلاك البنزين.. لازم رجلك ع الدواسه تبقي خفيفه...

كل ده يهون فى مقابل انك لما تحب تجري.. الموتور هيديك استجابه فوق اللى انت بتتمناه..

[ashraf adel]

السلام عليكم ورحمة الله و بركاته

انا مقيم في الإمارات وجبت العربيه دي زيرو 2012 اللي هو الشكل القديم المرفق صورته (هنا)، وهيا هنا و في امريكا اسمها اسكيب .. بس لما شفتها في اوروبا كان ليها اسم تاني واعتقد انه كوجا .. الموديل الجديد مختلف في حاجات كتير فممكن يكون تقييمي مش في محله اوي، عموما ليا صديق جابها جديد وممكن اساله عن اي حاجه انتوا عايزينها، وبصراحه فرحت اوي لما نزلت مصر وكنت مستغرب انها مش موجوده في مصر من قبل كده. انا ما سقتش العربيه الشكل الجديد لسه بالرغم من ان صديقي عرض عليها اجربها بس قلتله استنى لما تخلص التليين لان سواقتي عنيفه و سريعه .

الشكل الجديد اسباني مش امريكي و موتوره سي سي اقل بس تربو وعزم اعلى بكتير

تجربتي مع العربيه على مدى تلات سنين ونص استخدام فوق الممتازة، عربية مفيهاش غلطه، الفور ويل وال esp هايل يعني تمشي في الرمل وتطلع الأرصفه بسلاسة، محصلش فيها اعطال ابداً ما عدا مرة فانوس اتحرق واتغير في الضمان، ثبات هايل مع السرعة، ده غير معدل الأمان العالي فيها وكانت واخدة تقييم دولي لمعدل الأمان عن سنة 2010 على ما اذكر، وكانت من اكتر السيارات استخداماً كتاكسي في نيويورك.

كمان شركة فورد عاملة كنترول على الوكلا بتوعها من حيث الأسعار والخدمة فمش بايديهم يتلاعبوا كتير

للعلم انا ركبت نيسان و مرسيدس و كامري و لكزس و بيجو قبل كده، كل واحدة فيها عيوب شكل .. إلا دي مش لاقي فيها عيوب .. و على فكرة مفيش اي وجه مقارنه بينها و بين اي suv في فئتها

سعرها في مصر هو مرة و نص سعرها في الإمارات و بالتالي دي قيمة هايلة بالنسبة لسيارة في مصر، يعني تحط فلوسك في حاجه تستاهل بجد.

صيانتها مش معقدة، و اسعار قطع غيارها زي التويوتا تقريباً


عملت حادثه في مره، ميكروباس خبطها من ورا، الميكروباس اتطبق الكبوت بتاعه واتكسر الرادياتير و الفوانيس، وعندي محصلش حاجه ابدا .. بمعنى الكلمة .. مجرد مسمار من اللي رافعين غطا الإكصدام ريح شويه.

لما كنت بفكر اجيبها سألت مهندس ميكانيكا مخضرم، وكانت اختياراتي ساعتها هي فورد اسكيب و كيا سورينتو و هيونداي سوناتا .. و كان رده بشكل قاطع الفورد بالرغم من اتجاهي كان للسوناتا علشان كمالياتها (باعتبار ان كان معايا لكزس) بس هو صمم على رأيه وقاللي مفيش وجه مقارنة و الحمد لله انني خدت باستشارته


اي سؤال انا جاهز

لو بتتكلم على وكيل الفورد هنا فى الامارات فشكل حضرتك مش بتتعامل معاهم بقالك فترة طويلة انا معايا فورد ايدج وعامل مع الطاير للسيارات عقد صيانه لحد 160 الف كم وكل سيرفس اوديلهم السيارة لازم يطلع لى حاجة ويقولك دى مش شاملها عقد الصيانة ده غير ان قطع غيار عندهم نار . عموما هو اغلب وكالات السيارات هنا حرامية بس الطاير مزودها شوية

[ALshahba]

مفيش اي اخبار عن كوجا الشكل الجديد موديل 2018

[mr_pharo]

سوال مهم
هل العربية ديه لو اشتريتها هعرف ابيعها بسهولة ومن غير خسارة كبيرة

[justfromlast]

طب شوفت الإصدار الحديث منها 2020: https://www.weshslendar.com/2019/12/...discounts.html