focus 2015

[Matious33]

خبر جامد جدا النهادره ومن جوه اوتو جميل ان الفورد فوكاس في نص السنه التاني هاتنزل بمتور 1500 تيربو 160 حصان وفتيس 6 سرعات عادي
واستلام في شهر 7

[mohamed hussei]

السعر وعليها نفس عرض التقسيط ؟

[egytamer]

ياريت يظبط السعر والعربية تنتشر علشان بجد عربية ممتازة زي دي يبقي مبيعاتها قليلة

[a7m8n]

طبعا السعر مشكله ومش عارفين الوكيل حينزلها بكااام
بس اللى انا شايفه اهم كمان من السعر هو توافق الموتور التيربو عموما مع بنزين 92 المشكله ان المواتير او الشركات كلها دلوقتى بتنزل تيربو وطبعا عارفين ان فيه علامات استفهام كبيره فى توافق المواتير التيربو دى مع بنزين 92 وعارفين برده ان فيه مشاكل عاملها البنزين مع عربيات اوبل وفولكس ومرسيدس وقلق مع سيات ودلوقتى نيسان قشقاى فمش عارف بأه مستقبل العربيات فى مصر مش واضح بالمنظر ده

[esmailzaki]

يا جماعه اللى اعرفه ان فورد لما بدات تستخدم المحرك الايكو بوست بدات بالموتور 3.5 على الشاحنه اف 150 من 3 سنين وعملت بيها مليون كليو متر والمفاجاه بقى ان البنزين المستخدم كان اوكتان 86 والله 86 والمعلومات دى جبتها من موقع خاص بالتجارب الجديده لسيارات فورد بس الكلام ده من سنتين ومش فاكره بس انا من ساعتها عامل رساله على الفون عندى بالمعلومه دى عشان منسهاش

[ALshahba]

مفيش صور عنها او الكماليات في كل فئه

[Waleed hatem]

مفيش اخبار عن الفوكس تربو الجديدة هتوصل امتى و رينج السعر

[DrMAbdelkader]

مشكلة لما الوكيل معندوش معلومه مظبوطه
بيقولولى هتبقى 1.5 ايكو بوست 140 حصان وفتيس 6 سرعات اوتوماتيك عادى !!!!
بره ال 1.5 يإما 150 حصان او 180 حصان والاتنين عزم 240nm مفيش تيون بره ب 140 حصان
الفتيس الفوكس يإما مانيوال يإما باور شفت اللى الناس بتشكى منه معندهمش فتيس تانى
والسعر بقى اللى شكله هيبقى خازوق

[Omar Sarray]

يعنى حتنزل امته وله نزلت بلفعل

[DrMAbdelkader]

معندهمش تاريخ محدد بس اغلب كلامهم بيقولوا انهم عايزين يخلوا كل موديلات فورد بالمواتير ال ecoboost
والاسعار مش هتختلف قوى دا كلام مندوب البيع فى التوكيل