افيدونا في تكييف الاسكورت ياجماعة انا تعبت

[mohamede002e]

معايا زيتك ١٦٠٠ التكيف الصيف الي فات شحنته ماكملش اسبوع وانا ماشي لقيته دخن وقفش في بعضه نفضت بقي وقلت الشتا جاي في اول الصيف دا رحت اشتريت كومبريسور استيراد بتاع الاسكورت الاصلي ورحت لبتاع تكييف نظف الدورة بتاعت الفريون وغير ترموستات الي بيخلي يفصل ويشتغل وغير فلتر الفريون وشحنت والكهربائي عمل كتاوت تشغل المووحة دايركت بمجرد التكييف مايشتغل المهم بعد دا كلو وصرفت ١٤٠٠ جنيه النهاردة الكومبريسور عملها تاني وقفش واتحرق ولا حول ولا قوة الا بالله مش عارف دا عيب اي بقي الراجل بيقولي سخونة والمواسير جنب فرن الشكمان بتسخنه زيادة فمش عارف بقي الحل ايه افيدونا افادكم الله لو حد عنده تجربه مع تكييف الاسكورت

[kar!m]

ممكن تروح لديافيا اللي في كوبري القبه .. ناس محترمين و فاهمين و هيجيبوا لك من الاخر.

[mido51eg]

مفيش حاجة اسمها سخونة وان المواسير جنب الشكمان ، اللي صمم العربية عارف ان المواسير جنب الشكمان
غالبا الكومبريسور اللي حضرتك جيبته كان حالته تعبانة برضه.

[pepo2011]

ممكن تروح لديافيا اللي في كوبري القبه .. ناس محترمين و فاهمين و هيجيبوا لك من الاخر.

فين بالظبط يا باشا ؟؟

[mohamede002e]

الكومبريسور كان كويس والله استيراد بحالة الزيرو ولي ركبه قالي كدا وكان دقيقتين يخلي المواسير تلج بس مشكلته انه بيسخن وماكانش بيفصل وغيرت الترموستات وعملت تعديل كتاوت خارجي تشغل مروحة مع التكييف دايركت بس برضو الكومبريسور كان بيسخن ومابيفصلش كويس ممكن يكون في سبب تاني ؟؟؟؟؟
وسؤال معلش حد التكييف عنده شغال ولا زي ماتقالي تكييف الاسكورت فاشل ومش عملي؟

[kar!m]

فين بالظبط يا باشا ؟؟

في كوبري القبه .. جنب الشيشنجي للملابس العسكرية.

[egytamer]

نفس الي حصل معايا بعد مظبط كل حاجة وجبت كمبريسور استيراد اشتغل شوية وباظ رحت سئلت عوني قالي الكمبريسور فرط من جوا ولازم يتغير.
غالبا كل كباسات الاسكورت تعبانة بحكم الزمن وممكن تكون اصلا ضعيفة ومشمتحملة.
انا بفكر اشوف تكيف حاجة ياباني واركبو بدل الي عندي بس هخش في قصة تغير قواعد وطمبورة وخراطيم التكيف وهتبقي ليلة كبيرة.

[اسامه نور الدي]

الكومبريسور كان كويس والله استيراد بحالة الزيرو ولي ركبه قالي كدا وكان دقيقتين يخلي المواسير تلج بس مشكلته انه بيسخن وماكانش بيفصل وغيرت الترموستات وعملت تعديل كتاوت خارجي تشغل مروحة مع التكييف دايركت بس برضو الكومبريسور كان بيسخن ومابيفصلش كويس ممكن يكون في سبب تاني ؟؟؟؟؟
وسؤال معلش حد التكييف عنده شغال ولا زي ماتقالي تكييف الاسكورت فاشل ومش عملي؟

بص م الاخر تكييف الفيستا و الاسكورت فاشل انا كل صيف باغير مجموعه للتكييف و في الاخر في واحد متخصص تكييفات في الهرم ير التكيف بواحد يابني اسمه ساندن كلف حوالي 1300 جم و الدنيا اختفلفت خالص بعد كده غير تكييف الفورد بطقم تكييف ياباني هتشتغل و سيبك من كمبريسورات الفورد التعبانه

[mohamede002e]

ياجماعة مانا العربية كان متعدلها كومبريسور تيوتا وحصل نفس الحوار الصيف الي فات وجبت الكومبريسور الاصلي واتحرق اهو المشكلة ان مواسير التكييف معدية جنب الفرن بالظبط ودي حاجة غبية اوي

[mohamede002e]

بص م الاخر تكييف الفيستا و الاسكورت فاشل انا كل صيف باغير مجموعه للتكييف و في الاخر في واحد متخصص تكييفات في الهرم ير التكيف بواحد يابني اسمه ساندن كلف حوالي 1300 جم و الدنيا اختفلفت خالص بعد كده غير تكييف الفورد بطقم تكييف ياباني هتشتغل و سيبك من كمبريسورات الفورد التعبانه

مكانه فين في الظبط وممكن تصورلي الكبوت عندك الراجل عدل المواسير ازاي وهل استخدم خراطيم كبس ولا مواسير وهل عزل المواسير بفايبر حراري ولا لا ياريت صور ضروري جدا والف شكر ياباشا

[pepo2011]

طيب اعتقد مشكلتك كده ان التكمبريسور مش بيفصل عشان المواسير علي طول سخنة اعزل المواسير الاول عزل حراري وجرب

[mohamede002e]

طيب اعتقد مشكلتك كده ان التكمبريسور مش بيفصل عشان المواسير علي طول سخنة اعزل المواسير الاول عزل حراري وجرب

لسة هجرب في كومبريسور جديد

[mohamede002e]

هااااااا ماح
دش عنده حل

[Magdy Shaalan]

ياشباب انا غيرت موتور الاسكورت بموتور مونديو ومش عارف بقى مواسير تكييف الاسكورت هتمشي مع الموتور الجديد ولا لا وكمان ناقص عندي حاجة اسمها باليتة خراطيم التكييف ومش عارف اجيبها منين

[mohamede002e]

هتلاقيها في الحرفيين عند مصطفي فورد في شارع متفرع من شارع المرسيدس اسال عليه هناك بتاع الفورد مافيش غيره اسعارة كويسة وفاصل معاه