كوجا و بنزين 92

[mif]

ياجماعه العريه دي اسمها اسكيب بره وبيحطوا فيها بنزين ٨٧ (رقم اوكتان مش عندنا وبتستخدمه عامة العوبيات هناك) في موتورات الايكوبوست، العربيه محبوبه جدا لدرجة العشق من الاجانب وبتنزل بموتور ١٥٠٠ و ١٦٠٠ و٢٠٠٠، والكتالوج ماجبش سيرة بنزين ٩٥ دي ابدا ده غير ان الوكيل معترف بانها بتاخد ٩٢ ومدير الوكيل في مصر قال كده كزا مره، مافيش داعي للقلق حاضرتك لأن البنزين بتاعنا ممكن يكون مغشوش لكن مش لدرجة ان ينزل بالاوكتان ل٨٧

87 اقل نوعية فى امريكا و بيعادل 92

الارقام بتختلف بسبب اختلاف المقيياس
Octane rating - Wikipedia, the free encyclopedia

[mif]

فى اميريكا
اميريكا - مصر
aki=ron/0.95
87=92
89=93
91=95

[ramyromeo]

يا باشا الكتالوج مكتوب 95 يا ريت تخش تنزله بنفسك من fordegypt و معلومة البنزين اللي في مصر 92 RON ال 87 اللي قصدك عليه ده مقياس تاني غير RON و يوازي 92 عندنا و عامة اللي عايز يصدق كلام اشخاص من غير تاكيد رسمي و يخاطر يتكل علي الله و يشتري العربية و ربنا يباركله برضه

الكاتالوج صفحه رقم ١٢٠

[ali ashraf]

بيجو 5008

الكاتالوج صفحه رقم ١٢٠

بارك الله فيك ملعوبة فى المقص و النبى شفلنا بقى بيجو 5008

[Waleed_Fathy]

و العمل يا جماعه
العربيه فعلا مميزه عن مثيلاتها في السوق
من حيث الشكل و الامكانيات و السعر

[Ashraf Fawzy]

رجاء الالتزام بالتعليمات المكتوبة فى مانيوال السيارة, نفس الحوار ده اللى حصل قبل كده مع مرسيدس و لما محركات المرسيدس بدأت تخرب موتور و راء التانى ,,,,و الناس رجهت للتوكيل ...قالوا لهم فى التوكيل ليه تسمعوا كلام غلط و لم تلتزموا بتعليمات المانيوال ملناش دعوة.....و كانت مشكلة كبيرة تدخل فيها جهاز حماية المستهلك و القضاء و انتهت المشكلة بمحركات جديدة و خروج شركة مرسيدس من مصر .....مش معقول نرجع نكرر نفس الغلط .

الله ينور عليك يا أستاذ على, كنت لسه داخل أقول كلمتين زى دول, فى مصر ماتمشيش ورا كلام التوكيلات المصرية إلا إذا كان بورقة رسمية مختومة من عندهم و معلنة على صفحتهم الرسمية, و يتم التعهد فى الورقة الرسمية بإستبدال و إصلاح أى تلفيات ناتجة عن تعليماتهم, و برضه توفيراً لتعب المشوار القانونى و اللى مش هايبقى سهل, إبعت إيميل للشركة المصنعة و عرفها بحالة البنزين 92 عندنا فى مصر إنه مش زى عندهم فى أوروبا.

[ali ashraf]

و ينور عليك

الله ينور عليك يا أستاذ على, كنت لسه داخل أقول كلمتين زى دول, فى مصر ماتمشيش ورا كلام التوكيلات المصرية إلا إذا كان بورقة رسمية مختومة من عندهم و معلنة على صفحتهم الرسمية, و يتم التعهد فى الورقة الرسمية بإستبدال و إصلاح أى تلفيات ناتجة عن تعليماتهم, و برضه توفيراً لتعب المشوار القانونى و اللى مش هايبقى سهل, إبعت إيميل للشركة المصنعة و عرفها بحالة البنزين 92 عندنا فى مصر إنه مش زى عندهم فى أوروبا.

مع خالص شكرى و تقديرى يا أشرف بك

[wael saed abdo]

بنزين 92

يا جماعه ايه اخبار العربيه والصيانه كل كام الف والبنزين 92 ولا 95؟

[dramir1]

متابع باهتمام

[hema_3310]

انا دخلت على موقع فورد Ford – New Cars, Trucks, SUVs, Hybrids & Crossovers | Ford Vehicles مش فورد مصر و مكتوب في المواصفات ان معامل انضغاط الاسكيب (الكوجا ) 9.98 و بالنسبة للفيوجن 10 و اعتقد انه يسمح ببنزين 92 من غير ضرر

[mouhyee]

احترم جدا تفاعل الاستاذ اللى شاف معامل الانضغاط
طبعا الكلام اللى حضراتكم بتكتبوه بناء على 10 دقائق قراءة على مواقع وريفيوهات احنا لما دورنا عليها علشان نشترى اتفرمنا تردد وحيرة وبحث وجربناها وده اللى ينقص حضراتكم التجربة خير دليل ولا يوجد ثقل فى العربية او اصوات غريبة بالموتور او احتراق غير كامل او او ... من مظاهر عيوب الاوكتان الغير مناسب
بالاضافة انى عمرى ما ركبت عربية سحبها وتجميعها بالطريقة دى وشئ جميل لما تحس بالاداء الرياضى مع عربية AWD عالية عن الارض وقوية وماركة محترمة فى امريكا
انا عشت فترة فى امريكا معظم العربيات الفخمة بى ام ومرسيدس وفولكس وحتى الجاجوار بتستخدم بنزين regular unleaded 87 octan تمام وفيه 89 وفيه 93 ومفيش 91 !!!! وفيه حاجه اعلى اسمها ultra زى ال95 بتاعنا مفيش حد بيستخدمه نهائيا اما ال93 العالى فكان بيستخدمه اصحاب العربيات الوسط اللى مواتيرهم تعبانة طبعاً الكلام مش منطقى بس الامريكان شعب موفر شوية والعربيات مش بتاعته ملكية دائمة بتبقى حاجه اسمها ليييس لكن ما شوفتش فى يوم عربية وقفت ولا موتور باظ بسبب البنزين وانا كنت بشتغل هناك فى بنزينه :)
العربية حلوة فعلا ومفيش داعى للفتى بشكل نظرى بدون تجربه ما تكرهوناش فيها

[ramyromeo]

https://www.facebook.com/FordEgyptOfficialPage/photos/a.540829279275151.128263.490725600952186/1045518495472891/?type=1&theater