فورد فيوجين - تقرير الألف كيلو

[bonboneto]

العريبيه حاليا عمله معايا 1300 كيلو ,, بالنسبة للأداء ببنزين 92 انا شايف انه هايل و السحب ماشاء الله و الكيك دون محترم جدا

عزل الصوت تحفة

العفشة محترمه بعد تقليل ضغط الهوا اللى جاية بيه من المصنع

الكاسيت و التعامل مع الموبيل محترم جدا أغانى و تليفونات و رسايل و أيملات كمان

استهلاك البنزين انا كنت متوقع انه يكون احسن من كدة بس بردو العربية ماشاء الله كبير هي بتسحب حوالى 500 كيلو فى التفويله الواحد 135 جنية بنزين 92 ,, مع العلم انى بعمل كيك دون كتير و تكيف بستمرار و الطريق اغلبه زحمة

الفرامل محترمة الحمدلله

ساعت احس ان العربية مش بتجرى و لما ابوص على العداد اللاقى معدى ال 130 و العربية اللى كانت جامبى بقت ورايا و بعيد ,,, فا ماشاء الله الصوت و العزل محترميين فعلا

تعبت شوية عقبال ما اخدت على ان الازاز الخلفى و الجانبى الخلفى غامق بس أخدت علية على طوول

الصيانه التعامل معهم محترم مفيهوش بهدله خالص و شمس و حر و كدة,,, صيانه ال 1000 و ال 5000 مجانا بعملcheck على العربية كلها و يفعل الضمان و يربط عافشة ,,,اخدت حوالى 40 دقيقة و بيغسلو العربية جوة و برة

دا كدة مبدأيا,,و اول ما افتكر حاجه تانيه هقول ،،، اللى عنده اى سوأل يتفضل .

[aelsayed74]

مبروك وان شاء الله يجعلها خير عليك ويكفيك شرها وشر الطريق
هيا انهى فئة وكماليتها ايه؟ ومبروك تانى وفى انتظار تقرير بعد ٥٠٠٠ كم

[esmailzaki]

ربنا يباركلك فيها ويكفيك شر عين الناس وشرها ومليار مبروك على التحفه الفنية دى

[ENG.MaRk]

لو جربت ال508 تقدر تعمل مقارنة سريعة بينهم لإفادة الأعضاء :)

[bonboneto]

الله يبارك فى حضرتكم جميعا

الفئة اللى معايا ال Trend plus
فيها كل وسائل الأمان ABS , ESP , EBD, EBA, HLA, ESC, 7 Air Bags
4 أزاز كهربا, أوتوماتك 6 سرعات, 8 بارك سينسور خلفى و امامى, قياس متوسط السرعة و متوسط استهلاك البنزين , و حساب وقت القيادة , درجة الحرارة, 3 تكييف اتنين امامى يمين و شمال و تكييف خلفى , اضاء للصالون و تحت الرجل و كل الابواب و يمكن تغيرها بكذا لون لبنى احمر ازرق بنقسجى اصفر اخضر, مثبت سرعه , محدد سرعة , التعامل مع الموبيل أى فون و ممكن تتطلب منها من غير ما تمسك الموبيل, بتقعد تكلمك على كل حاحه بتعملها , قياس ضغط العجل , USB, AUX , Bluetooth مخرج كهرباء, فتحت سقف فتح اوتماتيكى ,, تحكم فى اضاء الصالون كامل , مريات كهرباء ضم , اضاءة خارجية للاشارات فى المرايات و اضاء سفلية فى المريات بردو ,, فوانيس شبورة خلفى و امامى بتحكم منفصل, لوك للعربية كلها , الكراسى كلها فيها سينسور علشان لو حد راكب لازم يربط الحزام مش هتسيبك فى حالك الا لما تربطة , تحكم فى سطوع نور التابلو , زرار تشغيل السيارة, تقدر تفتح العربية كلها بالشبابيك بالسقف لو ضغط على الريموت خمس ثوانى , و تقدر تقفل مل العربية بالسقف لو ضغطت قفل 5 ثوانى بردو ,, التحكم فى ارتفاع مستوى الكشفات الامامية , فوانيس الشبوة بتور مع الدوران سواء يمين او شمال, تقدر تسيب نور العربية كله منور و تنزل من العربية و بعد شوية هتقفل كل حاجه لوحدها , لو فتتحت العربية بالريموت و مفتحتش العربية خلال تقريبا 30 ثانية هتقفل لوحدها ,,

انا مجرتش ال 508 بس ركبتها و كانت من ضمن الخيارات اللى قدامى بس مرتحتش فى قعدتها زى الفيوجن و الخامات الداخلية للفيوجن احسن و اقيم , بس ده طبعا راجع للراحه النفسية بتاعت كل واحد

هوه عما انا كل يوم بكتشف حاجات لانى مش من هوات قراءه الكاتلوجخصوصا انه 320 صفحة

اى اسئله انا جااااااهز

[egytamer]

الف مبروك ربنا يديلك خيرها ويكفيك شرها
هلي العربية عالية ولا لا ولو ممكن تقرير مصور يبقي تمام

[bonboneto]

هيه العربية عاليا بس زى ما بيقولوا حوض العربية طويل,,, اللى هوه المسافة بين العجل الامامى و الخلفى طويل,, فا ممكن العجل الامامى يطلع المطب و ينزل و الخلفى لسة مطلعش,,, ساعتها ممكن تحس انها واطية ,,, بس هيه مقارنه بين البسات و الكروز مثلا هيا أعلى...

هخلص شغل و انزل الجراج هصور شوية صور و ابعتها :)

[mohamedguevara]

الف الف مبروك يا باشا و ربنا يباركلك فيها و يكفيك شرها ...
انا بفكر بشده فيها و نفس الفئه بس خايف جدااا اكتر حاجه من التوكيل بالذات توافر قطع الغيار عشان في معظم الموديلات اللي مش منتشره في مصر بيقولك استني اجيبها من بره و كلام فارغ من ده و طبعا مش بتلاقيها بره فبتبقي تحت رحمه التوكيل..يمكن ده اهم سبب لعدم انتشار عربيات كتير تحفه زي الفيوشن..و اسعار الصيانات و قطع الغيار..يعني لو تفيدنا عن مصاريف التشغيل من الاخر :) ... اخر سؤال بقي :) هل فيها حجز و قد ايه؟

[foxmanayman]

ربنا يباركلك فيها ويكفيك شر عين الناس

[amrnayel]

الف مبروك وربنا يحفظك ويسلم طريقك
ممكن شوية أسئلة بسيطة
١- هل السيارة استلام فوري ولا حجز وسعرها كان كام
٢- هل السيارة يتنزل بنظام فورد للمالتيميديا اللي بينزل بره بشاشة ٨ بوصه ولا لا
٣- ايه الفرق بين trend plus و titanium
٤- هل اشتريت السيارة من موزع ولا من التوكيل
٥- ايه عنوان التوكيل او صالة العرض
٦- هل قمت بالتأمين عليها وكم دفعت
وشكرا

[Omar Sarray]

انا بعت سيراتو ومازالداوحجب فورد فيجن تايتنيوم فئه قبل الاخيره فيها شاشه وحساس ورا وقدام جنوط 18 فتحه سقف سعرها 292 الف حشتريها أسبوع جاى كاش ان شاء الله إنما اول فئه وانى فئة فيها شاشه صغيره وفيها حساس ورا بس وفيها جنوب 16 أو 17 مش 18 ومها مفتاح زر تشغيل وكلهم نفس الأمان فرق كماليات فقط وان شاء الله يارب تطلع عربيه حلوا وكويسهل حشتريها من توكيل بتاعه اوتو جميل فورد مصر سابقا

[bonboneto]

صباح الخير
موضوع استلام السيارة كان على حسب اللون و على حسب مواعيد الشحنة اللى جاية من برة , ياعنى كان فى الوان متاحة و الوان هتستنى لحد 3 شهور ,, انا كنت عايز الفضى و استلمت خلال اسبوع.
الفئة التيتانيوم هيه اللى فيها شاشة 8 تاتش
الفروقات اعتقد سقف البانوراما و الشاشه ال 8 بوصة و الجنوط 18 مش 17 و اضاءه زنون و اعتقد فى كاميرا للبارك سينسور
انا اشتريت من توكيل فورد عبد اللطيف جميل
انا اشتريت من مدينة مصر شارع عبدالرازق السنهورى بس فى فرع فى مصر الجديدة و اعتقد فتحوا واحد كمان فى المهندسيين
أمنت فى شكرم رويال بس شركتى ليها اسعارخاصة مع رويال , فى نوعين من النأمين شامل و جزئ 2.77 و 3.25 % من قيمة السيارة
بالنسبة للتوكيل انا رأى ان كدة كدة عربية بسعر ده لازم كل حاجه تبقى مع التوكيل فا لازم لما نيجى نقارن يبقى مع توكيلات بنفس المستوى زى فولكس فاجن و بيجو و اوبل ,, عموما انا اتكل على الله و حسيت ان عبداللطيف جميل كا توكيل عايزين يعملوا حاجه كويسة و ربنا يستر :)

[melouk1]

رائعة و أنا شايف إنها أجمل واحلى من ال ٥٠٨ و الاوبل الانسيجنا

[أبو عبدالله]

ماشاء الله تبارك الله
طيب ممكن تقولنا ايه السلبيات من وجهة نظرك
وهل هيا تقيلع في طلعتها وايه اكتر حاجه عجبتك فيها كعربية
وربنا يباركلك فيها ويعطيك خيرها ويكفي عنك شرها

[mrscout]

الف مبروووووك ربنا يديك خيرها ويكفيك شرها انا عندي سؤال هي نازلة بالفتيس باور شيفت ولا غيروه علشان سمعت أنه عمل مشاكل مع ناس