برجاء افادتي لفود منونديو ٩٨ : ٢٠٠٠

[mody_moka2]

ياريت الافادة من الاعضاء الكرام
١- استهلاك البنزين بين الماتور ١٦٠٠ & ٢٠٠٠ تقريبا
٢ اسعار قطع الغيار وهل متوفرة جميعا جديدة واستيراد ؟؟
٣- سعر الضريبة والتسجيل في الشهر العقاري تقريبا
٤- اي من الماتورين افضل علي السيارة ؟؟
ولكم وافر الاحترام

ملحوظة ياريت الرد يكون عن تجربة مسبقة

[mody_moka2]

مفيش حد عندوا معلومات خالص عن العربية

[volociximab]

سمعتها سيئة-اعتقد توقف تصنيعها

[ahmedfahim]

انا معايا مونديو 98 اوتوماتيك شاريها من شهر ونص تقريبا
بالنسبة لقطع الغيار مش بالسهولة اطلاقا انك تلاقيها
انا بقالي شهر دايخ علي ضفيرة كهرباء ومش لاقي والعربية مركونة طول الفترة دي
استهلاك البنزين في الأسبوع اللي ركبت فيه العربية ( 2000 cc ) كان تقريبا اللتر الواحد بيعمل من 8 : 9 كيلومتر داخل القاهرة مع العلم بأن ضفيرة العربية عندى متبهدلة واعتقد أن ده أثر علي استهلاك البنزين بشكل زيادة.

بالنسبة للتسجيل في الشهر العقارى كتبت في العقد ان سعر شراء العربية 2000 جنيه فقط ودفعت 250 جنيه رسوم تسجيل
سعر الضريبة كان حوالي 300 جنيه في السنة + 200 جنيه تأمين

الموتور الأفضل أنا مجربتش غير 2000 cc وبصراحة كان أدائه هايل جدا .

[abokoko]

سمعتها سيئة-اعتقد توقف تصنيعها

اعتقد تعبير عربية سيئة السمعه مش صحيح

كان فى عربية موديل 99 1600 مانوال وكنت بفكر اشتريها وكانت عاجبانى شكلا + الكلام اللى قراته عنها
بس اتراجعت لانى مش في القاهره وبالتالى الاصلاح وقطع الغيار هيكونوا مشكلة ليا واعتقد هيكونوا مشكلة لاى واحد بعيد عن القاهره

العربية حسب ما اتقال عليها
انها عربية باشاواتى لكن عفا عنها الزمن بحكم التقادم
العربية فئه عالية تاتى بعد المرسيدس و البي ام


اعمل بحث عنها داخل المنتدى وهتلاقي تفاصيل عنها

[mody_moka2]

ولو احتجت قطع غيار انا موزع قطع غيار الفورد في المعادي صقر قريش وده رقمي 01220826511 احمد خيري وشكرا

دة واحد موزع قطع غيار كلموا ممكن تلاقي الضفيرة عندوا بأذن الله

[مدحت سمير]

عربيتى فورد فوكاس واقفه كمان بقلها اكتر من شهر
ومحدش عارف يقلى الحل علشان تتصلح
واقفه على شفره مفتاح و عامل اكثر من مشاركه بدون حل
ممكن نعمل جرج لعربيات الفورد الى عطلانه طلما ملهاش حل للاصلاح

[mody_moka2]

طيب التوكيل مفيش عندوا حل ليها
انا حصلت معايت بعربية لانسر شارك والمفتاح ضاع
روحت التوكيل عملي شفرة ومفتاح جديد

في واحد معروف جدا في ميدان لبنان
اسموا عزب بيفك شفرة لو انت قريب منوا روح لية ممكن يساعدك

[مدحت سمير]

اتصلت بتوكيل فورد واخترت رقم صيانه رد عليا واحد مش فاهم حاجه بقله علي مشكله
رد عليا ويقلي كده انت محتاج حد في صيانه قلتله مش انا طالب صيانه
قلي اه بس كول سنتر جايبين واحد مش فاهم حاجه شغال كول سنتر
قالي حسئالك سبني شويه وبعدين قالي هات عربيه
بس مش عارفين حيعرفر يعملوها ولا
انا شفال في توكيل مرسيدس برقم شسيه بنجيب مفتاح سنون بشفره حتي توكل هونذاي مفتاح عليه رقم
وتوكيل فورد بقلي مش عارفين حيعرفو يحلو المشكله ولا
المشكله عربيه ف غردقه

[mody_moka2]

انا هحاول اسئلك في الموضوع دة واحد اعرفو كان شغال في التوكيل
وهشوف ممكن تعمل اية
بكرة اخر النهار ارد عليك ان شاء الله