إعـــــــلان

Collapse

.

,
See more
See less

تجربتي مع فوكاس 2006 في يومين

Collapse
X
 
  • Filter
  • الوقت
  • Show
Clear All
new posts

  • تجربتي مع فوكاس 2006 في يومين

    السلام عليكم.

    باااااااااركولي الحمد لله ربنا وفقني و أشتريت فورد فوكاس 2006 اوتوماتيك و دا اول تعامل ليا مع الفورد, العربية عامله 101,000 كم بس حالتها نضيفة وصاحبها واحد من اول يد بس للأسف تاجر اشتراها و انا اخدتها منه.

    ملاحظاتي علي السيارة بعد الكشف في البنزينة:

    1) فابريكة بالكامل و لا يوجد اي خبطات سواء داخليه او خارجية

    2) كبس الموتور كان 73% و انا حسيته قليل علي حاله العربية و الكيلومتر بس اكتشفت بعد كده ان التاجر كان جاي بيها من الاسماعيلية و حاطط بنزين 80 !!!!!!!!!! حد يعمل كده في فوكاس الجميلة؟؟ و حسيت ان دا ممكن يكون سبب في كبس الموتور الضعيف.

    المهم روحت بالعربية و حسيت ان الموتور مخنوق و صوته عالي نسبيا مع العلم ان التاجر قاللي انه غير زيت الموتور من يومين بزيت شيل 2000 كم (اشك انه شيل اصلا,,,, كان حاطط بنزين 80 !!!), و قاللي انصحك تغيرة.

    بعد القراءة في بعض المواضيع القديمة في منتدانا العزيز لقيت الناس كلها بتنصح بزيت كاسترول ايدج ف قولت النهاردة انزل اغير الزيت علشان شاكك في الزيت اللي ف العربية و بالمرة افول العربية 95 و احط اوكتان علشان ينضف دورة البنزين و قد كااااااااااان و هنا حدثت المفاجاه !!!

    صوووووووووووت الموتووووور علي جدا جدا و بقي فية زي النعرة مع دوسة البنزين او الكيك داون .... الراجل قاللي ان الزيت اللي كان فيها تقيل جدا و المفروض الزيت الأيدج دا تخليقي بالكامل و انه هيكون حلو جدا مع الموتور. كمان السحب بعد ال 120 ضعيف.

    بجد بجد انا جالي أحبااااااط من اولها و مبقتش عارف الموتور صوته عالي كده ليه !!! فقولت انقلكوا تجربتي علشان لو جد يقدر يفيدني بأي معلومة ... جزاكم الله كل خير.

    هل لازم اروح التوكيل علشان اكشف علي العربية و علي الموتور ؟؟ و هل لازم اخد ميعاد مسبقا و لا فيه مراكز خدمه كويسه علما انا من سكان الهرم.

    أسف جدا علي الأطاله و جزاكم الله كل الخير :) ::)

  • #2
    انصحك بعدم التعامل مع التوكيل. ممكن تروح لميكانبكي فورد يكشف علي العربيه و يفهك اللي فيها
    [CENTER][FONT=Comic Sans MS][SIZE=3]Don't Play With Fire[/SIZE][/FONT][/CENTER]
    [CENTER][FONT=Comic Sans MS][SIZE=5]Be The Fire[/SIZE][/FONT][/CENTER]

    Comment


    • #3
      فيه ورشه مهندس امير في الحي السابع ورا ابو رامي
      و فيه ورشه مهندس عمرو 2a برضه قدام جامع البخاري الحي السابع ورا ابو رامي
      الاثنين عندهم كومبيوتر الفورد و هما كانو شغالين في توكيل فكري جروب قبل كده و هايعرف يظبطلك العربيه

      Comment


      • #4
        نصيحه حاول تبص الاول علي علبه فلتر الهوا , ساعات بتبقي مش مقفوله و محكومه كويس و ده بيعلي صوت الموتور جدا , او طبعا الشكمان لو فيه خرم او مشروخ

        Comment

        Working...
        X