مشكلة تقطيع ونتش في مونديو ٩٨

[oehabo]

السلام عليكم ورحمة اله
معايا عربية مونديو ٩٨ من فترة حسيت بضعف شديد في السحب ورجة في العربية وتقطيع شديد..وبعد الكشف على العربية اكتشفت انها مشكلة ديسك واسطوانة... المهم غيرتهم وبعد التجربة اكتشفت ان مشكلة التقطيع موجودة زي ما هي بس السحب احسن ... ورجعت غيرت بوجيهات وكابل البوجيهات وموبينة وبوابة ومسطرة حساسات انجكشن حتى طرمبة البنزين غيرتهم ... ولازال مشكلة التقطيع والنتش الشديدة موجودة زي ما هى
ارجوكم ساعدوني لاني في مشكلة كبيرة فعلا

[mina mon]

شوف مواسير البنزين ممكن تكون مسدوده

[mina mon]

وشوف التانك ساعات بيبقا كليان رواسب

[ahmad--ezzat]

رشاشات انجكشن....فلتر بنزين....رواسب في النتك...علب الشكمان...
راجع علي الحجات دي

[Hany133]

موضوع رواسب التنك ده جايز جداً يكون هو السبب ومن أعراضه كمان إن العيب ده بيظهر ويختفي علي فترات بدون سابق إنذار

[oehabo]

شكرا لكم جميعا على سرعة الرد
ان شاء الله هجرب كل الحلول وهعرفكم النتائج

[salam100100]

المونديو دى عربيه محترمه جدا- وكنت بعشها اول منزلت
عندى اساله:

هل العربيه سخنت جامد وبعد كدا ظهرت المشكله ؟ انا شاكك فى ان ممكن يكون الكبس بتاع الموتور بيهرب بسبب جوان وش السيليندر

دا ممكن يكون السبب

طيب هل التقطيع دا مستمر؟
لو لا, هل بيزيد مع السرعه؟
هل مثلا ظهرت بعد ممونت من محطه معينه؟ ممكن يكون عيب بنزين
هل لمبه الcheck engine منوره؟ لو نعم- كشف الكومبيوتر بيقول ايه؟
ممكن من شكل البوجيهات القديمه نستنتج حاله المحرك

الاحتمالات كتير جدا فى الموضوع دا
فالعموم اى عربيه محتاجه هواء وبنزين وشراره واجزاء ميكانيكيه عشان تمشى

انا عارف كلامى يبان انه اهبل لكن هى الحقيقه, ولمعرفه المشكله فين... للاسف اغلب الميكانيكيه متعلموش ازاى يفكروا- علطول يغير ويجرب ويصابت ياخابت

حضرتك محتاج توضح اكتر وتشرح ايه اللى بيحصل معاك عشان نساعدك

[oehabo]

المونديو دى عربيه محترمه جدا- وكنت بعشها اول منزلت
عندى اساله:

هل العربيه سخنت جامد وبعد كدا ظهرت المشكله ؟ انا شاكك فى ان ممكن يكون الكبس بتاع الموتور بيهرب بسبب جوان وش السيليندر

دا ممكن يكون السبب

طيب هل التقطيع دا مستمر؟
لو لا, هل بيزيد مع السرعه؟
هل مثلا ظهرت بعد ممونت من محطه معينه؟ ممكن يكون عيب بنزين
هل لمبه الcheck engine منوره؟ لو نعم- كشف الكومبيوتر بيقول ايه؟
ممكن من شكل البوجيهات القديمه نستنتج حاله المحرك

الاحتمالات كتير جدا فى الموضوع دا
فالعموم اى عربيه محتاجه هواء وبنزين وشراره واجزاء ميكانيكيه عشان تمشى

انا عارف كلامى يبان انه اهبل لكن هى الحقيقه, ولمعرفه المشكله فين... للاسف اغلب الميكانيكيه متعلموش ازاى يفكروا- علطول يغير ويجرب ويصابت ياخابت

حضرتك محتاج توضح اكتر وتشرح ايه اللى بيحصل معاك عشان نساعدك

أولا بشكرك جدا على تفاعلك مع الموضوع
العربية عمرها ما سخنت معايا... والتقطيع ده ظهر فجأة بعد ما العربية غرزت مني جامد وانا قرصت عليها لغاية ماشميت ريحة الاسطوانة فكان ظني ان التنتيش ده من الاسطوانة وبالرغم ان غيرت الديسك والاسطوانة مازالت المشطلة موجودة .... الرعشة والتنتيشة دي بتروح شوية لما بكبس بدواسة البنزين على الاخر يعني بجيب اخر الدواسة هنا بحس ان التنتيشة بتروح شوية بس بحس ان العربية مكتومة جدا بعد وقت طويل من الدوس على دواسة البنزين احس ان العربية بدأت تسحب معايا

[oehabo]

السلام عليكم
انا بالفعل غيرت فلتر البنزين ونضفت التانك والمواسير ... وكمان اتأكدت من نضافة الرشاشات ولا زالت المشكلة زي ما هى
التقطيع على كل الغيارات والسرعات والعربية مخنوقة ومعاها تقطيع برجة جامدة في العربية
العربية لازم اسايسها على الاخر ولو دوست شوية على دواسة البنزين تقطع لو حبيت اجري بالعربية من غير تقطيع لازم اجيب اخر دواسة البنزين
ارجوكم ساعدوني في الحل

[salam100100]

انا هعمل تيست صغير عشان شاكك ان العربيه ماشيه ب3 سيلندر
هدور العربيه وهشيل سيلك بوجيه واحد وهشوف العربيه:
- برجلت اكتر وممكن تطفى- لو عمل كدا يبقا السيلندر دا تمام
- لو معملتش حاجه - يبقا السيلندر دا فى مشكله

المشكله ممكن تكون سيلك بوجيه- او بوجيه - او بوبينه او رشاش او اخيرا السيلندر دا بيهرب كبس (ممكن جوان وش سيليندر)

هعمل كدا لكل سيلندر على حدى

لو حصل ان كل الاربع بوجيهات لما بشيلهم العربيه بتبرجل او تطفى يبقا انا اطمنت ان الاربع اسطوانات وصلهم بنزين وشراره
كدا ندور على حاجه تانيه

[oehabo]

هو اللي حصل اني فكيت عمة الهوا اللي هو المكان اللي بيتحط فيه فلتر الهوا شيلته خالص وخليت البوابة من غيره ... هنا التقطيع راح والعربية كان سحبها وعزمها فوق الممتاز
ملحوظة فلتر الهوا لسة جديد

[oehabo]

الحمدلله وبفضل الله تم تصليح العيب
تم فك عمة الهواء بعلبة فتر الهواء وتنظيف حساس الهواء maf وايضا كان يوجد كسر في علبة فلتر الهواء من أعلى تم لحامه

[mo"men]

الف الف مبروك دوختك بس الحمد لله
انا كان عندي استفسار
طقم الدبرياج نوعه ايه و عامل كام و بالبليه ولا من غير
و انطباعك عنه

[oehabo]

طقم الدبرياج الاصلي نوعه luk عامل ١١٥٠ من غير البلية ... انا ماغيرتهاش لانها كانت كويسة ... وطبعا العربية بقت حاجة تانية خالص سحب وعزم وقوة ماشاء الله فعلا بيفرق جامد مع العربية ...

[mo"men]

الف شكر علي الرد
ممكن اعرف منين