Ford Mustang

[Boody Samy]

السلام عليكم
عاوز أعرف راي حضراتكم
انا بفكر أشتري عربية فورد موستانج الشكل القديم موديل التسعينات
هي مركونة بقالها سنين وشكلها عاملة حادثة وبفكر أبنيها من اول وجديد موتور وفتيس وعفشة وكهربا وسمكة ودوكو وتصليخ فتحة السقف وخلافه
ايه رأيكو ممكن يتكلف كام وهل قطع غيارها هلاقيها والصنايعية بيشتغلو فيها ؟
وشكرا ليكم جميعا

[Boody Samy]

صور للسيارة

دي لينكات صور السيارة

http://bestcarmag.com/sites/default/files/35029276840.jpg

https://i.ytimg.com/vi/jDImowr_MXo/maxresdefault.jpg

[م/أحمد عبد الفتاح]

الفورد الموستانج دى هواية زى هواية جمع الطوابع وللاسف الهواية دى مش متتشرة فى مصر - العربية حاتتكلف كتير لانك حاتضطر تشتريلها حاجات من الخارج - وعموما فى امريكا كل حاجتها متوفرة - الاول بس لازم تتطمن على الموتور بتاعها هل فيه امل ولا قافش ولا مكسور - وطبعا البودى بتاعها هل فيه بارومة - ولو عاملة حادثة هل مسمعه فى القوايم ولا فى السقف - هل الكبوت والشنطة سليمه - كل الحاجات دى انا بافتح ليك نقط تفكر فيها لان كل نقطة من دول ليها تمنها فى الاصلاح الا البارومة - يعنى مثلا لو الكبوت بايظ لازم حاتشترية من بره وده حايكلفك شحن اكتر من تمنه او على الاقل قد تمنه - وياريت صور العربية اللى حاتشتريها

[Mohamed Desoky]

العربيه شكلها يخوف فيها شراسة امريكيه رغم ان مفيش اقوى من بودى الامريكى لكن للاسف مفيش عندنا الفكره ؟اعادة بناء سياره مميزه وقويه فى اوربا وروسيا وامريكا طبعا بيعمله كل شئ فى السياره زى عربيات الخيال العلمى زى بات مان مثلا ؟هيا فى الاول والاخر شاسيه عربيه وعليه محرك وشوية خيال ؟انا كان نفسى اعمل كده لكن اتصدمت فى ان مفيش قطع غيار ولازم تعديل محرك كامل ليناسب الوضع المصرى وكانت مرسيدس موديل 60 اسبور 2 راكب بس ؟كانت حلم اتمنى ليك ان التجربه تنجح وكل عام وانتى بخير

[Boody Samy]

أشكرك علي اهتمامك