محتاج مشوره في مونديو 98 اتوماتيك

[amirsayed]

سلام عليكم الأول عندي كذا مشكله محتاج رأي أصحاب الخبره في العربيه الممتازه دي:
1:تسريب زيت من الفتيس الاتوماتيك ووجود نتشه بسيطه في الغيارات بالذات على وضع sport هل ممكن منع تسريب الزيت؟؟ ومدى جدوى صيانه الفتيس
2:وجود ترتيله في الموتور على وضع السلانسيه وعدم استقرار RPM بالذات في بدايه الدوسه بحس زي مايكون الموتورمتلت وبعد كده كويس مع استبعاد البوجيهات والسلوك متغيرين والموبينه كلهم الحمد لله سلام_استهلاك البنزين 140 كيلو في الصفيحه جوه البلد و190 في السفر وده مش طبيعي اكيد(موتور زيتيك ابيض 2000سي سي)
3:ايه اللي ممكن اعمله علشان اظبط الموتور عالشعره؟؟
اسف للاطاله وفي انتظار المشوره

[amirsayed]

محدش عارف؟؟
طب حد يدعيلي حتى

[abokoko]

ربنا يعينك

المشاركات هتكون قليله جدا لان العربيه مش منتشرة

رغم انها جميلة جدا

[amirsayed]

تسلم يا باشا
خلاص هعيش انا في الحوار مع حالي

[amirsayed]

تم ضبط تسريب الزيت بفضل الله

[amirsayed]

وتم ضبط الموتور بفضل الله

[abokoko]

الف مبروك لحضرتك

وحضرتك ممكن تذكر الخطوات والتكلفة

[amirsayed]

ماشي ولو اني اشك انها هتفيد حد او حد هيشوفها اساسا :
تسريب زيت الفتيس طلع من جوان حله الغيارات وده بان لما غسلت الحوض من تحت كويس وده كان حله حاجه من اتنين:
تغيير الجوان وده يلزمه فك الفتيس بره ودي شغلانه
أو الحل التاني اللي واحد بتاع فتيس ابن حلال اوي عمله انه رفع الجنب الشمال ونظف مكان التسريب كويس اوي باستخدام كتر وحته لامؤاخذه فانله قطن وسد مكان التسريب بمادتين لحام اللي بيقولو عليها ارانديل وزودت الزيت طبعا والنتيجه طلعت بفضل الله زي الفل
تكلفه بقي:10 جنيه غسيل، 12 جنيه مادتين نوع كويس، 40 جنيه كيلو زيت، 40 جنيه مصنعيه
ضبط الموتور بقي:كشفنا عالبوجيهات طلعت حارقة كويس، الرشاشات فيهم واحد كان ضعيف شويه والمفاجأه بقى طلعت في خرطوم فاكيوم واقع من مكانه ركبناه المكنه قعدت والبرجله راحت والرشاش الضعيف ظبط مع حاله
المكنه نعمت اوي، استهلاك البنزين لسه مبانش، الاستجابه بقت احسن بنسبه 70%عن الاول بس لسه مش زي مانا عايز. التكلفه 40 جنيه مصنعيه حلال

[mgelgel]

طبعا منتدي الفورد مش هتلاقي تفاعل خااااااالص،،، المهم انا معايا مونديو 98 مانويل 1600 بشتكي من نفس المعدل تقريبا و بحط 92 باستمرار لكن علي سكة السفر بتعمل 220 ك للصفيحة غيرت بوجيهات و فلاتر. بوابة و سلوك و حساس هوا. ولسه الاستهلاك عالي و بيختلف مع طريقة السواقة اخر حاجة شاكك في الكارتة لانها بتدخن اسود مع التزويد الجامد.....انصحك اولا اكشف اسكانر و شوف الاستهلاك علي سكة سفر متقلش عن 200 ك

[abokoko]

بقيتوا اثنان

زودوا المشاركات

نشطوا القسم

[Colin Chapman]

الاستجابه بقت احسن بنسبه 70%عن الاول

ماشي ولو اني اشك انها هتفيد حد او حد هيشوفها اساسا :
تسريب زيت الفتيس طلع من جوان حله الغيارات وده بان لما غسلت الحوض من تحت كويس وده كان حله حاجه من اتنين:
تغيير الجوان وده يلزمه فك الفتيس بره ودي شغلانه
أو الحل التاني اللي واحد بتاع فتيس ابن حلال اوي عمله انه رفع الجنب الشمال ونظف مكان التسريب كويس اوي باستخدام كتر وحته لامؤاخذه فانله قطن وسد مكان التسريب بمادتين لحام اللي بيقولو عليها ارانديل وزودت الزيت طبعا والنتيجه طلعت بفضل الله زي الفل
تكلفه بقي:10 جنيه غسيل، 12 جنيه مادتين نوع كويس، 40 جنيه كيلو زيت، 40 جنيه مصنعيه
ضبط الموتور بقي:كشفنا عالبوجيهات طلعت حارقة كويس، الرشاشات فيهم واحد كان ضعيف شويه والمفاجأه بقى طلعت في خرطوم فاكيوم واقع من مكانه ركبناه المكنه قعدت والبرجله راحت والرشاش الضعيف ظبط مع حاله
المكنه نعمت اوي، استهلاك البنزين لسه مبانش، الاستجابه بقت احسن بنسبه 70%عن الاول بس لسه مش زي مانا عايز. التكلفه 40 جنيه مصنعيه حلال

لو سمحت ممكن عنوان وتليفون الميكانيكى ده هنا في المشاركات وهو بيشتغل فورد بس ولا اى عربية؟

[Ehab ElShafie]

فعلا ياؤيت تقولنا صلحتها فين لان عندي نفس العيب

[amirsayed]

الميكانيكي ده ولد شاطر جدا في عين شمس وورشته قريبه من مزلقان العشرين وبيشتغل في معظم العربيات بس لازم تنسق معاه قبل ما تروح علشان بيشتغل في شركه الصبح
لو حد محتاج يروح يكلمني اوصفله المكان أو اوديه بنفسي كمان لو يحب
01008721977.امير

[amirsayed]

طبعا منتدي الفورد مش هتلاقي تفاعل خااااااالص،،، المهم انا معايا مونديو 98 مانويل 1600 بشتكي من نفس المعدل تقريبا و بحط 92 باستمرار لكن علي سكة السفر بتعمل 220 ك للصفيحة غيرت بوجيهات و فلاتر. بوابة و سلوك و حساس هوا. ولسه الاستهلاك عالي و بيختلف مع طريقة السواقة اخر حاجة شاكك في الكارتة لانها بتدخن اسود مع التزويد الجامد.....انصحك اولا اكشف اسكانر و شوف الاستهلاك علي سكة سفر متقلش عن 200 ك

تنصح بمين يكون عنده اسكانر ويكون شغال فورد؟؟

[Ehab ElShafie]

الميكانيكي ده ولد شاطر جدا في عين شمس وورشته قريبه من مزلقان العشرين وبيشتغل في معظم العربيات بس لازم تنسق معاه قبل ما تروح علشان بيشتغل في شركه الصبح
لو حد محتاج يروح يكلمني اوصفله المكان أو اوديه بنفسي كمان لو يحب
01008721977.امير

تسلم ياباشا والف شكر