مهاجر من bmw إلى فورد فيوجن 2016

[AhmadSalemAta]

بعد 5 سنين في عالم bmw مع ال e90 قررت أشتري فورد فيوجن 2016 تيتانيوم، ومحتاج رأيكم ونصيحتكم. هل الفرق كبير بين العربيتين؟ الفيوجن تستاهل المبلغ ده (من الوكيل 450 ألف)؟ مع العلم إني بسافر مرتين من القاهرة للإسكندرية مرتين في الأسبوع واستعمالي للعربية بشكل يومي ولمدة طويلة.
شكرًا مقدمًا ليكم.

[ALshahba]

السلام عليكم ورحمة الله

صدقني افضل اختيار انت اختارته وهو " الفيوجن " ..... بل بالعكس افضل عفشه حتحس بيها هى الفيوجن
اما تمنها فهو فعلا غالي ولكن كمية الكماليات الداخليه بالاضافة لتكنولوجيا الموتور Ecoboost فحتحس انك دفعت فلوس في محلها .... مع العلم ان كللللل السيارات ارتفعن اسعارها بشكل هستيري

بالتوفيق ان شاء الله

[dr m7md]

طيب ممكن اسأل حضرتك سؤال .. ليه اخترت الفيوجن بالذات مع ان معاها فى نفس الفئة عربيات ممتازه وسمعتها كويسه زى البيجو 508 و الاوبل انسيجنيا ؟؟

والف الف مبروك مقدما

[mgelela]

ليه مفكرتش في الاوبل انسنجيا نفس الامكانيات والسعر وبلد المنشأ ولكن التوكيل وخدمات ما بعد البيع افضل

[AhmadSalemAta]

بشكل أساسي الشكل عجبني أكتر، ودعم الفكرة رأي واحد من الخبراء في المنتدى هنا أنا مقتنع بيه جدًا وهيا إن البعد عن الأوروبي غنيمة :)

[bluemail]

بشكل أساسي الشكل عجبني أكتر، ودعم الفكرة رأي واحد من الخبراء في المنتدى هنا أنا مقتنع بيه جدًا وهيا إن البعد عن الأوروبي غنيمة :)

معلش هو حضرتك فاكرها صناعه ايه؟ امريكي؟