تنصحونى بإيه بالله عليكم :عايز أشترى فورد فيستا امبيانتى 2017 ؟؟؟

[sobeh]

السلام عليكم ورحمة الله وبركاته
فورد فيستا امبيانتى 2017 فى اوتو جميل فورد مصر بـ 225 الف .. تنصحونى بإيه الله يكرمكم ..
اشتريها ولا لأ ؟ ..وايه الرأى النهائى فى سيارات فورد لأنى قرأت كلام كتير عن نظام الكلتش المزدوج Dual Clutch فى سيارات فورد وقلقت جدا لأنه أزعج ناس كتير ومعرفوش يسوقوها مع النظام ده
وأنا عارف ان كل سيارة لها مميزات وعيوب بس اللى بيرجح كفتها ان تكون مميزاتها اكتر من عيوبها وكمان عيوبها متكونش قاتلة
دى صفحة مواصفات السيارة فى موقع فورد الرسمي

https://www.me.ford.com/ar/jor/cars/fiesta/models/ambiente/?intcmp=vhp-new-model#

شكراً لكم

[vooooo]

عربيه ممتازه و بتحرى و ثابته . بس ماعرفش هل فيه مشكله فى الفيتيس ولا لأ
ممكن تعمل test drive و اكيد هيبان لو فيها النتشه بتاعه الفوكاس ولا لأ

[sobeh]

عربيه ممتازه و بتحرى و ثابته . بس ماعرفش هل فيه مشكله فى الفيتيس ولا لأ
ممكن تعمل test drive و اكيد هيبان لو فيها النتشه بتاعه الفوكاس ولا لأ

شكراً لردك الكريم ...
أنا إن شاء الله رايح أشوفها فعلا بكرة فى معرض اوتو جميل واعمل لها Test Drive علشان موضوع الكلتش المزدوج ده ..!! ...
بس بالنسبة لمواصفات الأداء أخى الكريم :
Engine Sigma
Displacement 1250 السعة اللترية
Maximum power (HP) 80 القوه القصوى
Maximum torque (N.m) 114 العزم الأقصى

ده تمام بالمقارنة مع السعر ..؟؟

[Mohamed Zahran]

موديلات ٢٠١٧ فيها فيتيس اوتوماتيك عادي لكن الديوال كلاتش ده مش ناجح في مصر وبيخلي العربيه تنتش في النقلات، اتأكد برده قبل الشراء من الحاجه دي لو طلعت ديوال كلاتش يبقي إيعد أحسن

[sobeh]

موديلات ٢٠١٧ فيها فيتيس اوتوماتيك عادي لكن الديوال كلاتش ده مش ناجح في مصر وبيخلي العربيه تنتش في النقلات، اتأكد برده قبل الشراء من الحاجه دي لو طلعت ديوال كلاتش يبقي إيعد أحسن

الف الف شكر على كلامك ؛
الفورد فيستا امبيانتى دى مش اوتوماتيك .. هى مانيوال 5 سرعات ومفيهاش مشكلة الديوال كلاتش الحمد لله لانه موجود وبس فى الاوتوماتيك الفئات الاعلى من فيستا (الترند والتيتانيوم)
وانا سئلت فى التوكيل قالولى مش هينزلوا مصر واللى بتنزل بس هى دى .. الامبيانتى مانيوال
المهم انا طلعتلى معلومة غريبة وانا بشيك على رقم الشاسيه فى النت :
لقيت مكتوب سنة الصنع 10 اكتوبر 2016 زى ما هو مكتوب بالظبط على العربية
لكن مكتوب موديل 2013 ...!!!!!
مش فاهم دى تيجى ازاى ..!!!
ده رقم الشاسيه :

WF0DXXGAKDGY88046

وده الموقع اللى شيكت عليه :

https://vindecoder.eu/check-vin/WF0DXXGAKDGY88046

[sobeh]

السلام عليكم

تم إستلام فورد فيستا 2017 ولله الحمد

عقبال عندكم جميعاً

[amr011111]

ألف مبروك. ربنا يديك خيرها ويكفيك شرها. أخبار الفتيس ايه بعد الاستلام

[sobeh]

ألف مبروك. ربنا يديك خيرها ويكفيك شرها. أخبار الفتيس ايه بعد الاستلام

الله يبارك فى عمرك يا اخى الفاضل
الفتيس والله تمام جدا وسحب العربية فوق الممتاز
انا مش حاسس اصلاً انى راكب عربية مانيوال ..!!
الحاجة الوحيدة اللى مش عجبانى هى انهم عاملين أضواء المصابيح الأمامية مش فى العصاية الشمال ..!
العصاية الشمال لضرب فلاش وبس ...
انما الانوار الامامية الواطية والعالية فى مفتاح يدوى فى التابلوه ...