استفسار عن فوكاس 2014 برجاء المساعدة!!

[JadePenguin]

مقبل على شراء سيارة و فكرت فى فوكاس و محتاج المشورة
انا معايا المازدا 3 2008 عايز مقارنة مابين ال 2 لو سمحتوا من ناحية
1-الامان: طريقى من مصر الجديدة للتجمع يعنى دائرى ده غير السفر طبعا الصراحة المازدة بخاف ازود عن 140
2- الصيانة و توفر قطع الغيار و اسعارها
3-استهلاك البنزين
4- مشاكس السيارة

[yehiaramadan]

العربية معايا من 2014 وممتازة ، امان طبعا لانها صناعة الماني وبجري بيها وانا مطمن والتوكيل كويس وبيحاول ينتشر بانه يقلل الاسعار ، الصيانة بتتكلف في المتوسط 2000 جنية واستهلاكها للبنزين عادي مش عالي ولا قليل اما المشاكل انا الحمد لله مقابلتش فيها حاجة لكن في ناس اشتكت من الفتيس فاتاكد ان اللي حتشتريها مفيهاش مشاكل فتيس غير كده اتوكل على الله

[Amrmagdy87]

لو قدامي فور فوكس 2012 ماشية 120 ألف كيلوز هل ده يعتبر كتير على العربية ونقول إنها اتهلكت؟ ولا زي الياباني حمال قسية؟