مميزات وعيوب فورد مونديو 98

[walyas1]

انا شوفت فى سوق الجمعة فورد مونديو 98 2000ccكانت عاملة 40000 جنية انا عاوز اعرف لو سمحتم بالتفصيل كل
حاجة عن العربية دة

[mahmoud_nov1985]

اعتقد ان سمعة العربية دى سيئة لان قطع غيارها مش متوفرة وغالية
بس هى كويسة
عموما لا انصحك بها

[ASHAALAN]

العربية ذي الفل، معايا من ١٠ سنين . قطاع الغيار معقولة بس معمرة جداً. يعني مثلاً طقم ال بوجهات ب ١٢٠ بس بيتغير كل ٦٠ ألف.
بس ابعد عن الأوتوماتيك عشان شفت ناس كتير غيرت الفتيس.
عيوبها انك لزم تبقى واخد بالك من الحرارة و المية كويس. ، ال يشتغل فيها يكون بيفهم في الفورد.
اطع الغيار الأصلي متوفرة جداً سو في التقويل في ٦ أكتوبر أو فرعهم في مدينة نصر
الإستيراد كتير قوي .
لو عايز تسأل عن أي حاجة فيها أنا تحت أمرك.

[a3reda]

العربيه دى ممتازه جداااااااااااااااااااااااااااااااااااااااااااااااا اااا

فخمه جدا جدا انا ركبتها شهرين سنه 2003 وايامها كانت تعمل 75 الف جنيه وكانت اتوماتك فول اوبشن جيا كان كماليتها خرافه تكيف تاتش كرسى كهرباء اير باج بس كان فيها مشكله ان الاتوماتك بيعلق فيها طبعا كان عايز مصاريف

شوف العربيه الفورد المونديو قطع غيارها ارخص من الاسكورت ومنتشره جدا فيه استيراد وفيه جديد

بس الافضل لما تشترى ادفع ازيد شويه وتكون حالة العربيه سليمه

ربنا يوفقك فى الاختيار

[memobeeh]

توكل على الله--عربية لا تقارن بأخرى في مصر

هذه السيارة من المستحيل مقارنتها بأي سيارة أخرى بهذا السعر في مصر. وهي (موديل 1998-1600 سي سي) معي منذ نحو ثلاث سنوات وأكثر من رائعة. فقط أغير الزيت وأجري الصيانة الدورية كل عشرة الاف كيلومتر. المهم متابعة الماء والحرارة فقط ومراعاتها باستمرار. وهي سيارة لا تقارنها أبدا بكوري أو حنى ياباني على الزيرو وليس استعمال. بس المهم تكون حالتها الأصلية نظيفة...وكما يقال فـ "الفورد سيارة باشوات فلا تشتريها أبدا من شحات". وربنا يوفقك لما فيه خيرك ومصلحتك.

[aYaBooY]

سؤال هي المنديو موتورها زيتيك؟

[m_s_h_a]

فورد سيارة قويه عموما لكن مونديو مركبتش وبالنسبه لقطع الغيار موجوده وبالهبل واسعار المونديو مش غاليه وبخصوص الزيتك مش كل الموديلات انا معايا فوكس 2003 والموتور زيتيك

[abdobeeh]

أيوة زيتيك يا اريني

نعم يا أخت اريني الفورد مونديو اللي معايه وهي 1600 سي ي موتورها زيتيك ورقم الشاسية والموتور واحد (نفس الرقم) وهي ربما يرتفع مؤشر حرارتها حتى الآخر (أي حتى حرف الإل من كلمة Normal) لكن المهم ألا يدخل في الأحمر وهو مصصم على ذلك لأن المروحة حتى لو مش مشغلة التكييف تعمل على درجتين ولو حدث -لا قدر الله- عطل في الأولى تعمل على الدرجة الثانية واذا كنتي من هواة تشغيل التكييف تتفادي مسألة الحرارة دي تماما. وموتور الزيتيك أكثر من رائع بشرط ألا يعبث به من لا يفهم فيه.