مميزات وعيوب الفورد كا

[m000dy]

السلام عليكم يا اصحاب الفورد وخاصة الكا ان كان فى حد اصلا
وده لانى شايف انها مش واخده حقها فى المواضيع
وانا واحد عاوز اعرف ايه نظام الثبات والاستهلاك ومعلومات عن العربيه
والاهم الاهم ايه نظام قطع الغيار واسعارهااااااااااا عشان انا سامع عنها سمع مش خير
واى حد عنده معلومه عن العربيه دى يضيفها
والكلام على الفورد موديل 97
ويارب الاقى افاده فى طلبى كعادة اعضاء منتدى نايل موتورز النشطين
وشكرا لاى حد هايفيدنا مقدما

[wkisho2005]

في موضوع هنا عنها في الصفحة 5 او6 ممكن يفيدك بس للاسف انا معرفش بيرفعوا اللينك بتاع المواضيع ازاي في الرد كنت رفعتهولك

[egykhaled]

انا عندى فورد كا والحمد لله ماشية كويس ولو حبيت تتصل بى انا 0112933001

[m000dy]

ربنا يخليك يارب يا استاذ خالد
بس ياريت تدينا اسعار قطع غيارها
ومشاكلها اللى واجهتك ومميزاتها اللى انت شايفها هنا عشان الكل يستفاد مش انا بس
واهو كله فى مصلحة منتدى فورد
عاوزين المنتدى يبقى مرجع لاصحاب الفورد كلهم
وبالمره انا كان قدامى واحده ب 22 الف فابريكه بره وجوا ومكيفه وانذار وسنتر وجنوط
لإايه رأيك بالمره

[egykhaled]

أستاذ مودى

مودتى واحترامى
الحقيقة يوجد توكيل فى مدينة 6 اكتوبر لكن التكلفة عالية بالنسبة لقطع الغيار
يعنى مساعدين أمامى 615
مساعدين خلف 450
مقص أمامى 900
طبعا الواحد ده غير ضريبة المبيعات 10 %
غير التركيب
انا بروح مدينة السلام ممكن تشترى استيراد مثلا مساعدين خلفى ب 400 لعدد 2
وفيه ناس كويسة هناك
بالنسبة لسعر السيارة التى أمامك هايل جدا ده لو سليمة لأنها لا تقل عن 27 لو بالحالة اللى قلت عليها إلا إذا كان فيها حاجة انت مش عارفها
هى سيارة صغيرة لذيذة فى وسط الزحمة شكلها فخم الحقيقة ومتصدقش أى إشاعات عن الفورد سيارة جميلة ومش أونطة ويبقى القرار لك ومسئوليتك
تمنياتى لك بسيارة تستاهلك
خالد

[m000dy]

شكرا ليك جدا يا استاذ خالد وربنا مايحرمناش منك ابدا
وكده العربيه دى قطع غيارها هاتبقى فوق الامكانيات خصوصا انى مجرب اسعار قطع غيار الفيات ههههههههههههه يعنى مندهش من الاسعار دى

[egykhaled]

لو بتحب التغيير جرب الفورد انا كان معايا فيات أونو كانت رائعة لكن هقول ايه بقىفى دماغى بس بصراحة الفورد مستوى تااااانى
شكرا لك
خالد

[ghareeb]

مودى ياباشا

لو إنك مش هاتشترى العربية ممكن تقولى إزاى إتصل بصاحبها عشان انا بفكر أشترى العربية ده خاصة بعد راى خالد عليها

[fakoussa]

الفورد كا من العربيات الجميلة فعلا بس عيبها بس اسعار قطع الغيار مع انى شايفها متوسطة الاسعار و طبعا صعوبة البيع .
لكن الثبات ممتاز و التسارع ممتاز و عربية حلوة و شبابى و سريعة و ذات شكل مميز .
و السعر ممتاز لو حالتها زى ما انت بتقول .

[ghareeb]

شباب انا سمعت إن الفورد كا موديلات 97 و 98 و 99 بتسخن جدا جدا و أحيانا كتير الى سايق بيقوف بالعربية لحد ما تبرد و بعد يزود مية و الموضوع ده بيتكرر كتير فى الموديلات ده
و الى راكب موديل 2000 بيقول إن الموضوع معاه مختلف شوية
انا عايز أعرف هو الموضوع ده حقيقى و لا ده إهمال من أصخاب العربيات

[wkisho2005]

شباب انا سمعت إن الفورد كا موديلات 97 و 98 و 99 بتسخن جدا جدا و أحيانا كتير الى سايق بيقوف بالعربية لحد ما تبرد و بعد يزود مية و الموضوع ده بيتكرر كتير فى الموديلات ده
و الى راكب موديل 2000 بيقول إن الموضوع معاه مختلف شوية
انا عايز أعرف هو الموضوع ده حقيقى و لا ده إهمال من أصخاب العربيات

يابااشا دي كدا تبقي 128 مش فورد اكيد اللي بتحكي عن دا مجرد حالات فردية بالصدفة لكن مش مشكة عامة في الكا وربنا يوفقك ونباركلك علي العربية قريب

[aYaBooY]

شباب انا سمعت إن الفورد كا موديلات 97 و 98 و 99 بتسخن جدا جدا و أحيانا كتير الى سايق بيقوف بالعربية لحد ما تبرد و بعد يزود مية و الموضوع ده بيتكرر كتير فى الموديلات ده
و الى راكب موديل 2000 بيقول إن الموضوع معاه مختلف شوية
انا عايز أعرف هو الموضوع ده حقيقى و لا ده إهمال من أصخاب العربيات

مشكلة السخونة في الفورد بتحصل لما يكون غطاء القربة بايز او منفس بس
و مفيش عربية فورد بتسخن غير طبعا لو فيها مشكلة
و لو الكا او الفيستا عربية مش كويسة مكنتش هاتلاقي معظم الي بيبيعوها دلوقتي هما اليد الاولى يعني معظم الي راكبين الفورد بيتراوح عمر اقتنائهم للسيارة من 10 إلى 15 سنة متصلة
لو هيا عربية تعبانة كانت تبقي زى ال 128 اخرها تعد مع الواحد سنة و نص بس