الفيستا خفت

[gebreel]

انهاردة يا جماعة كنت عند الميكانيكي علشان العربية بقالها كتيير بتاكل زيت المهم كشف عليها و جربنا اكثر من مرة بعد مازودنا زيت و حوارات ممن دي و راح قالي الموتور خف و مش عارف اذا كانت هتحتاج عمرة كاملة ولا نص عمرة غير لما يفتح و العربية انا لسة شاريها والله مكملتش سنة و بحبها جدا و العمرة هتكلف جااااااااااااااااامد جدا فعاوز اعرف اذا كان الراجل ده بيفتح شغل ولا ايه و لو فعلا محتاجة عمرة و حبيت ابيعها تتباع بكام علما بان الموتور والله اداءه زي الفل فرأيكوا ايه ابيعها و اجيب حاجة تانية نضيفة ولا اصرف عليها في العمرة و لا امشيها كل شوية كدة ازودلها زيت و امشي حالي بيها؟!!

[a3reda]

انت مقلتش موديل العربيه سنه كم؟؟؟؟؟؟؟؟؟؟؟؟؟؟؟؟؟؟؟؟؟؟؟


ومقلتش هتكلف كم عمره الموتور



بس ال انا متأكد منه ان مواتير العربيات الفورد معمره جداااااااااااااااااااااااااااااااااا



انزل الحرفيين وشوف ميكانيكى متخصص فى فورد واشترى الكلام منه وشوف هيقول لك ايه


واساسا ال العربيه تكون محاجه عمره بيكون فيه ملاحظات تانى بتظهر مع نقص الزيت


موش هتخسر حاجه لما تروح لميكانيكى متخصص فى فورد

[wkisho2005]

اسال الاول عند ميكانيكي تاني وتالت دانت بتتكلم في عمرة مش معطر هتشتريه للعربية يمكن يكون الراجل دا بيفتي وما اكترهم بالذات في الفورد ممكن معرفش يفسر نقص الزيت من ايه قالك استسهل واقول عمرة اتاكد الاول وان شاء الله تبقي بسيطة

[Ahmed Hamdy]

روح لكذا واحد .. بس فى أعراض تقول إذا كان الموتور محتاج شغل زى تعريق على وش الموتور .. خروج دخان أبيض الصبح أول ما تدور .. ممكن يبقى فى صعوبة فى التدوير نتيجة نزول الزيت على البوجيهات وترطبيها .. لو كده يبقى محتاج نص عمرة (تغيير طقم شنبر وجوان وممكن صباب) ..

[m_s_h_a]

كل الكلام صح

كل الكلام صح مش محتاجه تفكير الزيت بينقص مش مقياس لان الموتور خف بس ياريت لما تروح للميكانيكى التانى متقلش انك روحت لميكانيكى وقال ان الماكينه خفت انت قول ان الزيت بينقص واحكى له عن المشكله وشوف هيقولك ايه؟
:b4_048:

[gebreel]

1000 شكر يا جماعة و الله على الردود دي الحمد لله كل الاعراض اللي بتقوقلها دي مش عندي غير نقص الزيت و إن شاء الله انا هنزل اقيس الموتور دلوقتي باذن الله و ياريت لو حد يعرف ميكانيكي بيفهم في الفورد يقولي و مكانه فين علشان اروحله و ياريت كمان لو رقم تليفون علما باني في مدينة نصر و مفيش مشكلة لو بعيد بس يستحسن يكون قريب يعني مدينة نصر الزيتون رمسيس كدة يعني

استاذ a3reda العربية موديل 99 و مكتبتهاش بس علشان انا كاتبها في بياناتي فوق على الشمال و شكرا يا باشا على الرد

[gebreel]

الحمد لله قست الموتور و طلع 70% و الراجل في المحطة قالي ان التسريب ده ممكن يكون العربية محتاجة تغير اويل سي كرنك خلفي و كاوتش صباب و عمل رودي مش عارف برده الكلام ده انا مش هاخدو مسلم بيه لحد ماشوف واحد ميكانيكي فورد كويس من فضلكم قولولي على حد كويس و شكرا مقدما

[m_s_h_a]

يا باشا

http://www.nilemotors.net/Nile/showthread.php?t=22231

فى فى المواضيع اماكن الصيانه وقطع الغيار موجود فيها كل اللى انت عايزم من متخصصين فى الفورد والرابط كمان عندك وابقى طمنا
:k4:

[aYaBooY]

الرابطة الي كتابهالك اخونا مشاه هاتلاقي فيها نمرة واحد اسمه رمضان في الحرفين روح عنده و اسمع منه و تعالي قولنا قالك ايه
الراجل ده بجد كفائة و انا شغلي في مصر الجديدة لو تحب يوم نتقابل و ابص عليها انا تحت امرك
و سؤال تاني انت قست الموتور فين ؟؟
و عموما كلمة قالهالي واحد بيشتغل في الفورد علشان متقلقش الفورد لو موتورها مفوت مش خفيف تمشي سنة او اتنين و مش هاتقرفك
و لو الموتور خفيف شوية ممكن فيه اضافات كتير علشان تعرف تمشي بيها مرتاح 3 او 4 سنين
بس عموما عدي على رمضان و اعرف منه مالها انا بجد كان اول لما اخدت العربية كان عندي مشكلة و كذا واحد طلبوا تغير حاجات في النجكشن بتاعها بملغ محترم و رمضان ده ظبطلي الدنيا بحوالي 70 جنيه شامل المصنعية و مراضات الرجالة و المشتريات

[gebreel]

شكرا يا استاذ M_S_h_a الرابط فعلا مفيد و كتر الف خيرك

أستاذ aYaBooY
انا لقيت رقم التليفون و ان شاء الله هتصل بيه و اشوف الدنيا فيها ايه و في واحد برده لقيته في مدينة نصر هنا بردو هشوفو على اساس ان ده قريب و بعدين اشوف رمضان برده زيادة توكيد

و الف شكر ياباشا انا بس مش عاوز اتعبك معايا و الله كفايا ردك و نصيحتك و الله كل اللي في المنتدى هنا ناس محترمين و بحس فعلا انهم اخواتي و ان شاء الله اقابل حضرتك من غير لا تعب و لا عربية خالص نتعرف على بعض

انا قست الموتور في كالتكس اللي عند السراج مول و في عند موبيل اللي ناحية سوق المنهل بس الجهاز امبارح كان بايظ و اسمع كمان ان في محطة جنب سوق السيارات بس دي مبتشتغلش غير يوم الحد و الجمعة في القياس علشان السوق بس

و بصراحة مدام رمضان ده كويس و رخيص كدة يبقى و الله يستاهل المشوار بتاع الحرفيين ده و لولني مبحبش انزل هناك شكرا تاني يا باشا

[helfoll]

يوجد ميكانيكى متخصص فى الفورد وكان بيعمل فى التوكيل وانا بصلح عنده الأسكورت بتاعتى
هو فى الظاهر فى شارع اسمه بركة الرطل ومشهور وده محموله 0101468854 اسمه قطب
اتصل به وهو يوصفلك مكانه هو سهل من شارع رمسيس الناصية اللى بعد الجمعية الشرعية على طول
وسيب اول ميدان يقابلك وكمل على طول على اليمين

[aYaBooY]

طيب انت المفروض تروح تسمع من اكتر من واحد عموما
و خلي بالك مش معني انها خفيفة يبقي هاتعمل دقات نقص لا بتمشي برده
و عموما قطب بتاع الضاهر سمعتة كويسة بس انا مجربتهوش
موضوع البنزينة المفروض تروح لحد يقيس الموتور من عند البساتم مش من الشكمان
علشان موضوع الشكمان ده اسمه قياس عادم او بيئة و ده في الفورد على طول عالي
اما قياس الموتور بيكون عن طريق فك البوجيهات و القياس في البستم و ده ادق

[wkisho2005]

بص بصة بردو علي اللينك دا هتلاقي فيه عناوين لميكانيكية فورد يمكن يفيدكhttp://www.nilemotors.net/Nile/showthread.php?t=22231

[gebreel]

شكرا استاذ helfoll و ان شاء الله هاروح لقطب ده بس في اخر الاسبوع كدة ان شاء الله و ان شاء الله يا استاذ ayabooy هاشوف اكثر من واحد و انا شوفت حمدي فورد بتاع مدينة نصر فتح المكان اللي بنزود منو زيت و العربية دايرة و لقتها عمالة تطرطش زيت و بخار و كدة فبمجرد مشاف كدة قال تبقى عاوزة عامرة مش عارف هو كدة كشف مظبوط ولا انا اتظبطت؟! و قالي ان العمرة هتكلفني حوالي 2500 جنية كلها فمشعارف اعمل ايه والله و قالي كمان ان العربية ملعةب في الترموستات بتاعها و معمول ترموستات بلدي علشان الترموستات بتاعها غالي و لقا كمان ان الرفرف اليمين معمول فيه شغل فكمان الدواخل مش فابريكة و بصراحة انا من ساعت امبارح عمال اقول حسبي الله و نعم الوكيل في صاحب العربية و في الميكانيكي اللي المفروض بتاعنا و اللي جابهلنا و مش عارف بفكر ابيعها و اشوف اجيب حاجة زيرو بقى لاني خلاص تعبت من المستعمل و قرفت و كمان لسة بعد العامرة الكاوتش عاوز يتغير فعاوزلو حاجة بتاعت 1000 جنيه كمان و التكييف عاوز يتصلح مش عارف فيه ايه و هيببقى بكام يعني لسة عاوزة حاجة بتاعت 5 او 6 الاف كمان غير ال5 اللي صرفتهم عليها قبل كدة فبجد حرام انا مش لاقي الفلوس يعني دا غير القرف عند الميكانيكي كل شوية مش عارف بقى تجيب كاام لو حد عنده فكرة يقولي تجيب كاام و يتحفني هخسر اد ايه :K_crying[1]:و ادعولي بقى ان ربنا يوفقني في بيعها و شرا حاجة تانية و شكرا ليكو كلكوم يا جماعة و الله انا تاعبكم معايا و متاسف لو كان في حد رد على الموضوع و انا مشكرتوش او رديت عليه

[bishoy02010]

رائى الشخصى بيعها وريح نفسك وخسارة قريبة احسن من مكسب بعيد وانا مش شايف انة هيكون فى مكسب بعيد اصلا متزعلش منى بس ديه الحقيقة :) وانا شايف طالما انتة بتفكر فى الزيرو يبقى اختيار موفق واللى هتلاقى نفسك هتدفعة تصليح فى الشهر ادفعة فى قسط العربية اريح :) وبالنسبة للموتور اعتقد انة فعلا عايز طقم شنبر وخف وهيحتاج يتعمر