إيه آخر أخبار الفوكاس 2007؟

[amr mokhtar]

إيه أخبار العربية دى من مالكيها؟
هل فيها مشاكل و لا الحمد لله كويسة؟

يعنى لو ممكن شوية تفاصيل عنها و عن مركز الخدمة بتاعها (فكرى جروب)

و شكرآ

[m_s_h_a]

بص

الفوكاس ممتازه حدوته ثبات وعزم وسحب وشياكه ووسع بس اهم حاجه تكشف عليها فى التوكيل وتتاكد من سلامة دورة التبريد والتكييف والقواعد اه نسيت توكيل فكرى جروب محترم فى كل شىء يكفى انا من اسكندريه كل ما اروح بعد كام يوم خدمة العملاء يتصلوا يسالوا المشكله اتحلت وكله تمام هل فى اى شكوى تحس انهم محترمين وبيحترموا العميل انا معايا فوكاس 2003 وعايز اغير ل2006

[amr mokhtar]

الف شكر على الرد
فعلآ الفوكاس عربية فوق الممتازة و شكلها جميل جدآ
بس مش عارف ليه مش منتشرة رغم إنها أفضل من عربيات كتير فى سعرها

و أخبار قطع الغيار إيه؟

و فوكاس 2006 تعمل فى حدود كام؟

[m_s_h_a]

بص

بص يا باشا العربيه مش منتشره قوى لان التوكيل اللى كان موجود فى الوقت ده كان مش فارقه معاه يبيع او لا لان رجب كان ليه 100 مشروع اهم كفايه عليه جرين بلازا دى حاجه قطع الغيار موجوده من الالف للياء فى التوكيل وبره التوكيل دى اذا كان عندى فى اسكندريه بره التوكيل فى 4 محلات للجديد و2 للمستعمل اما بخصوص ال2006 فطبعا حسب حالتها صاحبى كان جايبها اوتوماتيك ب85 من حوالى 6 شهور

[amr mokhtar]

الف شكر
و ربنا يباركلك فى عربيتك

[ashrafsadaany]

يا باشا كل الهؤلهولك انها عربية قليلة الادب وسئل اى حد تعامل مع العربية دى من بعيد او قريب هىا مع اخويا اخر 2006 عملة 45 الف وعيز اقول لحضرتك انى مبعرفش اسيطر عليهااااااااا بسم الله ماشاء الله وصديق لينا معاة bmw 316 موديل 2004 ركبها قال انو مش حاسس بفرق كبيير بيين العربيتين ............بلنسبة لقطع الغيار باسعار اليبانى وفية حاجات اغلى وحجات ارخص وبيعمل التوكيل تخفيضات كويسة كل فترة ممكن تستغلها خلى بالك السيارة اكبر حجمآ من مثيلتها فالسوق

[amr mokhtar]

الف شكر على المعلومات
و أرجو لو مممن حد يعمل تقييم ليها و يعرف الناس بإمكانيات هذه السيارة و قطع غيارها يبقى مشكور

بجد العربية تستحق كتييييييير اوى