معلومات عن الفورد اسكورت

[johnnagy]

النا معايا فورد اسكورت و معلوماتى عنها مش كتير اوى ياريت تفيدونى بخبرتكم
انا هاكتبلكم الى انا اعرفة و الى عندة معلومات زيادة ياريت يفيدنا .شكرا

[johnnagy]

السيارة مو 98 1600cc full option
1-ثابتة لحد 160 ثبات غير عادى
2-بتجيب من 0-100 فى 12.3 ثانية (عن تجربة)
3-max power 5500 rpm
4-السرعة القصوى 177km/h
5-نسبة انضغاط الهواء 10.3:1
6-سعة تنك البنزين 55 لتر
السيارة وطية جدا بالنسبة للارض

[johnnagy]

انا عملت حادثة ون حاوالى شهرين كلفتنلى 2994 جنية
ممكن اكتبلكم قطع الغيار اللى جبتها و اسعارها

[wkisho2005]

انا عملت حادثة ون حاوالى شهرين كلفتنلى 2994 جنية
ممكن اكتبلكم قطع الغيار اللى جبتها و اسعارها

ياريت طبعا للافادة والف حمد الله علي سلامتك
بالنسبة للعربية انت تقريبا كتبت معظم الحاجات عنها وبتقول خبرتك ضعيفة ؟؟بئي دا كلام ياراجل

[johnnagy]

ياريت طبعا للافادة والف حمد الله علي سلامتك
بالنسبة للعربية انت تقريبا كتبت معظم الحاجات عنها وبتقول خبرتك ضعيفة ؟؟بئي دا كلام ياراجل

صدقنى معرفش حاجات كتير اوى عن العربية مع انها معايا دخلة فى 6 شهور
ياريت لو حد عندة معلومات اكتر عن قطع الغيار ياريت يفيدنا

[johnnagy]

اية يا جاماعة مفيش غير عضو واحد هو اللى رد
شدو حيلكو شيوية
اشكرك على المشاركة

[aYaBooY]

يا ترا الي معاك موتور زيتيك و لا انديور
كربراتير ولا انجكشن

[johnnagy]

يا ترا الي معاك موتور زيتيك و لا انديور
كربراتير ولا انجكشن

اولا اشكرك على الاهتمام
ثانيا هيا ومتور زيتيك و انجيكشن

[sayedsileem]

معلومة مهمة جدا لمالكي اسكورت
"كان بسيارتي حوالي 1 سم مربع برومة خلف العجلة الأمامية اليسرى
ذهبت للسمكري (و ياريت ماذهبت) لإصلاحها،
و أثناء عمله باللمبة سمعت السنترلوك يغلق الأبواب فنظرت بداخل السيارة لأجد التابلو يشتعل نارا نارا نارا ( قلبي وقع) و لما انتهى الأمر تبين الآتي:
1= الماذربورد التي توزع ضفائر السيارة توجد فوق الدبرياج و تخرج منها كل الضفائر من خلال المنطقة الملاصقة لمكان الإصلاح (خلف العجلة اليسرى)، فلما سخنت الأسلاك و تعرت بالحرق أشعلت التابلو و فرش الدواسة والضفائر و حتى سقف السيارة فوقي.
2= أماكن قطع الغيار قليلة
3= اشتريت تابلو و شاسيه الضفائر و الضفيرتين القريبتين ب 1800 تقريبا من واحد اسمه نشأت فوزي و وعد بارسال شماسة و عتبة يسرى و لم يرسل حتى الآن (أسبوعين)... هل هو نصاب كمعظم التجار؟؟!!
4= اشتريت سنترلوك جديد و إنذار جديد ب 300 جنيه كمان غير أجرة الصنايعي 200 جنيه، و لسه تكلفة السقف و الدواسة و العتبة اليسرى.

نصيحتي لزملائي مالكي الفورد

1- إياك أن تسمح لصنايعي غير مشهور بلمس سيارتك فلا يقدر الذهب إلا جواهرجي.
2- تابع عمل الصنايعي و لا تترك له السيارة أبدا فسيهينها إن لم يستعملها و يسرق بنزينها و يسرق و يفسد.
3- لا تسمح لصبيان الصنايعي بوضع أيديهم بالسيارة أو اللعب بجوارها، فأقل خطأ منهم سيكلفك الكثير، و هم أيدهم في الماء

و الله يحمي الفورد و يحمي مالكيها
مع تمنياتي بالسلامة

[aYaBooY]

معلومة مهمة جدا لمالكي اسكورت
"كان بسيارتي حوالي 1 سم مربع برومة خلف العجلة الأمامية اليسرى
ذهبت للسمكري (و ياريت ماذهبت) لإصلاحها،
و أثناء عمله باللمبة سمعت السنترلوك يغلق الأبواب فنظرت بداخل السيارة لأجد التابلو يشتعل نارا نارا نارا ( قلبي وقع) و لما انتهى الأمر تبين الآتي:
1= الماذربورد التي توزع ضفائر السيارة توجد فوق الدبرياج و تخرج منها كل الضفائر من خلال المنطقة الملاصقة لمكان الإصلاح (خلف العجلة اليسرى)، فلما سخنت الأسلاك و تعرت بالحرق أشعلت التابلو و فرش الدواسة والضفائر و حتى سقف السيارة فوقي.
2= أماكن قطع الغيار قليلة
3= اشتريت تابلو و شاسيه الضفائر و الضفيرتين القريبتين ب 1800 تقريبا من واحد اسمه نشأت فوزي و وعد بارسال شماسة و عتبة يسرى و لم يرسل حتى الآن (أسبوعين)... هل هو نصاب كمعظم التجار؟؟!!
4= اشتريت سنترلوك جديد و إنذار جديد ب 300 جنيه كمان غير أجرة الصنايعي 200 جنيه، و لسه تكلفة السقف و الدواسة و العتبة اليسرى.

نصيحتي لزملائي مالكي الفورد

1- إياك أن تسمح لصنايعي غير مشهور بلمس سيارتك فلا يقدر الذهب إلا جواهرجي.
2- تابع عمل الصنايعي و لا تترك له السيارة أبدا فسيهينها إن لم يستعملها و يسرق بنزينها و يسرق و يفسد.
3- لا تسمح لصبيان الصنايعي بوضع أيديهم بالسيارة أو اللعب بجوارها، فأقل خطأ منهم سيكلفك الكثير، و هم أيدهم في الماء

و الله يحمي الفورد و يحمي مالكيها
مع تمنياتي بالسلامة

الله يعينك و يعوضك خير انشاء الله بس ديه مش مشكلة صنيعي مش مشهور ديه مشكلة صنيعي حمار مع الاعتزار لكل الفصيلة الخيلية على التشبيه
بقي جنابة مش مكلف خاطرة يبص ورا الحتة الي بيلحم فيها ايه يبقي يستاهل الضرب و الله و انا لو مكانك كنت روحت عملتلة محضر في القسم بس عموما الله يعينك
موضوع نشات فوزي و ده في طنطا اعتقد انك محتاج تزن عليه شوية علشان يبعت يجيبلك الحاجات ديه من بورسعيد

[ahmed_ox2002]

السلام عليكم ورحمة الله وبركاته
دي اول رساله اكتبها وتقريبا اول منتدي يشدني ويخليني اشترك فيه خصوصا طبعا انه يخص الفورد لاني عندي فورد اسكورت 98 وساعات كده بحس اني مهتم اسمع عنها واشوف الناس بتتكلم عنها ازاي
والعربيه بقالها معايا تقريبا 3 سنين وتقريبا برضه بقيت بعرف عنها حاجات كتير وشوفت معاها ايام جامده جدا
علي فكره عربيه غريبه بجد الواحد وهوه مثلا بيعملها صيانه او بيصلح فيها حاجه بيبقي مهتم اوي وقلقان زي مايكون بيكشف لابنه عند الدكتور هههههههههه عموما لو حد عنده اي استفسار عن الاسكورت ال 1600 انجيكشن منها ان شاء الله هحاول اساعده

[mostafa_almasri]

السلام عليكم ورحمتة اللة وبركاتة
انا منضم جديد للفورد وكنت عايز اسال احمد باشا على صانيعى كويس وميكنش حراق اوى لانى لسة جديد وفعلا واللة خايف اى حد يلعب فى العربية لانها بقالها 3 شهور وهيا الحمد للة كويسة
التجربة الاولى بقى هيا انى صوت العربية يوم الوقفة على فجئة المهم كان بالليل وطبعا الكل قافل ففى ميكانيكى جانبى وديتهالة معرفش يعمل حاجة قال وديها التوكيل روحت لواحد تانى ققال ال اى دى بيعلق وعايز يتنضف تعالى بعد العيد مرضتش اروحلة روحت مركز كدة فى فيصل جنبنا قلت اكشف على الكومبيوتر واطمن قالى الكمبيوتر مش موجود قلتلة على الحوار فلقى الميكانيكى التانى خالع فيشة السلانسية بتاع العربية عشان متعلقش وكانت كل شوية طبطل طبعا وانا مش عارف لية المهم ركبها وقالى مفيهاش حاجة قولتلة جربها هب الصوت رجع تانى قالى ال اى دى معلق عايز يتنضف هاتلى علبة منضف وفكة ونضفة وركبة كام ياعم 50 جنية اتخضيت اصلى معملش حاجة تستاهل بالعافية خد 40 وهتتعوض ومعرفش اية والمهندس لو كان موجود كان هياخد منك 80 بس انا حاسس انى اتضحك عليا مش عارف لية امال بقى لو كان غير فلاتر وبواجى وعمل صيانة كان هياخد كام دة مجرد مسمارين اتفكوا واتركبوا عايز اعرف دة الطبيعى بتاع الصنايعية ولا مبالغ فية ولو فى حد كويس قريب من فيصل اروحلة لانة قالى هتهالى بعد شهر كدة اعملها صيانة واقولك اى عايز يتغير تغيرة لان لسة جية من 3 شهور وانا معملتلهاش اى حاجة والواضح ان صاحبها كان هامل الحكاية دى ولو حد يعرف القصة تتكلف كام تقريبا ياريت يفيدنى من تغيير فلاتر وتنضيف المتور وتغيير البواجى والذى منة ياعنى العربية 1600 انجكشن
وعايز حد بتاع قطع غيار لانى لقيت القربة بتاعت زيت البور بتنقط وعايزو تتغير تعملها كام واجيبها منين
معلش طولت عليكم بس قلة خبرة واتمنى تساعدونى واسف على الاطالة

[goofy301]

استاذ مصطفى الف مبروك على السيارة وربنا يباركلك فيها ويكفيك شرها ان شاء الله.... بالنسبة لأن العربية بتعلى وتوطى فده موضوع كهرباء ومحدش هيعرف يظبطها غير قطب الميكانيكى فى الظاهر لأنه عنده جهاز كمبيوتر بيكشف بيه ويظبط العربية ...اما بالنسبة لقطع الغيار فمفيش حد فى فيصل ولا الهرم اقرب حاجة ليك التوفيقية و معروف وراجع مواضيع المنتدى علشان تعرف كل حاجة...

[aYaBooY]

استاذ مصطفى الف مبروك على السيارة وربنا يديك خيرها ويكفيك شرها ان شاء الله
شوف يا سيدي الفورد عربية مدروسة و مصنعة بدقة شديدة يعني كل مسمار محسوب بيعمل ايه و محطوط ليه و بيتفك ازاي و بيتركب ازاي و المشكلة ان اي صنايعي بيعمل فيها ابو الرجالة و هو مش فاهم التعامل مع العربية ازاي يبقي يجني على صاحبها
المصنعية الي انت بتقول عليها كتير المشاكل الي عندك ما إلا ظبط و ممكن يكون فيه مشكلة في خرطوم
روح لقطب في الضاهر و خليه يظبطلك العربية و يراجع على كل الخراطيم الي في العربية و لو قالك على خرطوم يتغير يفضل تغيرة باسرع وقت
و افتكر ان الفورد عربية بشوات و هاتصونها هاتشيلك في عينها هاتهينها هطلع عينك
و الله يعينك

[ahmed_ox2002]

الف مبروك يا درش علي العربيه وربنا يباركلك فيها ويكفيك شرها
بالنسبه لموضوع ان صوت الموتور بقي عالي لوحده مره واحده كده ده بيبقي حساس او سينسور اسمه الايدلر وده بيبقي موجود فمكان مزنوق شويه فالعربيه ورا الموتور ومش اي حد بيعرف يوصله ويفكه بسهوله علشان كده الصنايعي اخد منك ال 50 جنيه دي والحساس ده جواه زي سوسته كده بتمشي علي مجراه صغيره كده المجراه دي بتتوسخ من البنزين وكده علشان كده السوسته دي بتعلق ولما بتطلع لفوق وتخلي عدد لفات الموتور يزيد وده طبعا بتحسه من صوت العربيه العالي ومن عداد الار بي ام الي عندك الي ممكن تلاقيه واقف علي اربعه عندك مثلا والعربيه دايره وانت مش دايس علي دواسه الاكسراتير اصلا وبتبقي صعب ان السوسته تتحرك علي المجرا دي وهيه مش نضيفه علشان كده بيتفك السينسور ده ويتنضف ويتركب تاني ودي طبعا طريقه مش غلط لكن فيه طريقه تاني بقي هاقولك عليها ودي اكتشفتها ومعتقدش ان حد يعرفها ولا يتوقع ان العربيه اصلا فيها الكلام ده كله
هوه ان الاسكورت الي معاك دي فيها مسمار تعليه وتوطيه والمسمار ده موجود فنفس السينسور الي انت فكيته ونضفته ده لكن المسمار مداري بغطاء شمع او بلاستيك كده بتاع المصنع علشان محدش يلعب فيه كتير لانها طبعا المفروض انها انجيكشن وكمبيوتر وكده ومش المفروض يكون فيها مسمار تعليه وتوطيه علشان الحاجات دي بتتظبط لوحدها بالكمبيوتر ولو حصل والسينسور ده علق معاك تاني والعربيه صوتها علي بسهوله جدا ممكن توطيها من المسمار ده من غير ماتفك السينسور خالص وطبعا مع حركه المسمار وتوطيه العربيه بيشيل اي وساخه ممكن تكون معطله حركه السوسته الي جوا السينسور
بالنسبه بقي لاماكن قطع الغيار والصيانه عندك ففيصل اكتر من محل وورشه وهاجيبلك تفاصيلهم وعناوينهم وتليفوناتهم بالتفصيل ان شاء الله قريب جدا
اسعار قطع الغيار بقي بتاعت السرفيس بتاع عربيتك كالاتي :
عندك فلتر الزيت ب 30 جنيه
فلتر الهوا تقريبا نفس السعر او يزيد حاجه بسيطه وده طبعا بتنفخه كده كل فتره بخرطوم هوا عند اي واحد بتاع كاوتش وتركبه تاني يعني مش بيحتاج يتغير غير كل فتره كبيره
وعندك البوجيهات بتبتدي من 80 جنيه ودي بيقولوا عليها انجليزي والله اعلم بقي لحد 200 جنيه ودي اسمها موتوكرافت علي ما اظن وبيبقي لونها اسود وسن البوجيه بيبقي بلاتينيوم لكن انا الحقيقه مش بحس ان فعلا فيه حد بيبيع بوجيهات اصليه محترمه او بمعني اصح بحس انها حظوظ ممكن تجيب الطقم الرخيص ويشتغل كويس وممكن تجيب الغالي ويكون ادائه مش زي المطلوب
بالنسبه بقي للقربه بتاعت زيت الباور اتاكد الاول ان التنقيط ده مش من الخرطوم بتاعها ولا من الغطا وطبعا عندك علامه فالقربه لازم الزيت مايبقاش اكتر ولا اقل منها علشان مايعملش مشكله لمكنة الباور انما لو كان فعلا العيب فالقربه نفسها دي هاتلاقيها فكذا مكان ممكن التوفيقيه عند واحد اسمه ابراهيم سليمان بس ناسي اسم الشارع وهوه فعماره قديمه كده فالدور التاني بتاعها فوش المحل القديم بتاعه الي اتقفل دلوقتي وهاتلاقيها كمان عند بتوع استيراد الفورد فالحرفيين ومش هاتعدي 80 او 100 جنيه وحاول تاخدها باقل من كده كمان لاني فاكر ان قربه الميه بتاعت المساحات عندي جبتها ب 100 جنيه تقريبا علشان كانت بتنقط ميه برضه
ودي اسعار شويه حاجات برضه ممكن تفيدك لو لاقدر الله احتجت تشتريها :
طلمبه المياه : من 180 الي 240 حسب بلد المنشأ وكده
تيل الفرامل الطقم كامل امامي وخلفي تقريبا 200 جنيه الاصلي
سير الكاتينه : 120 جنيه وده غالي حبتين بس بتغيره مره كل 3 او اربع سنين مثلا ودي ميزه قطع غيار الفورد
فانوس امامي كامل صيني لكن شغال وزي الفل : 175 جنيه
وطبعا انا تحت امرك فاي سؤال وربنا يقدرني وافيدك ان شاء الرحمن واسف علي الاطاله
سلام عليكم