ضغط الموتور

[m_s_h_a]

انا معايا فورد فوكاس 2003 المهم كنت فى التوكيل والمهندس كان بيقيس ضغط الموتور بجهاز شبه جهاز ظبط الهوا فى الكاوتش المهم قاللى ان الكبس 16 وبنشيل منه اتنين يبقى 14 المهم قاس واحده تانى اختها كانت النتيجه 17 وقاللى نشيل 2 تبقى 15 المهم قالى العربيات دى كبسها عالى
المهم السؤال هل دى غير نسبة انضغاط الموتور
وهل دى معناه ايه؟
ياريت حد يفهمنى لانهم فى التوكيل قاللى لا كده تمام ودى حاجه كويسه ومفهمنيش حاجه ياريت حد يفهمنى
انا حطيت الموضوع فى الورشه كمان يمكن افهم حاجه

[aYaBooY]

طيب الورشة ليه و اخواتك هنا موجودين
نسبة انضغاط الموتور هيا العلاقة بين عرض البستم و طولة
اما موضوع الكبس ده قوة الشنبر بتاع البستم و احكامة مع الشميز على عدم تمرير الهواء او بخار الزيت
و بالتالي تاخد من الموتور افضل عزم و تاخد ارق صوت و افضل سحب و تسارع
و اقل استهلاك للبنزين و انعدام استهلاك الزيت

[memobeeh]

بارك الله فيك يا أخ ايا بوي وجعلك ذخرا للفورد وعشاقها.

[m_s_h_a]

طيب المهم المعدل دى طبيعى ولا عالى ولا كويس ولا وحش دى اللى عايز افهمه

[aYaBooY]

نفسي ربنا يهديك كدة و تشيل العربية ديه من راسك انا بجد كنت فاكر نفسي موسوس على العربية بس بجد لما شوفتك هنا اطمنت على نفسي
كدة نسبة اعتقد كدويسة علشان الي اعرفة ان المقياس الي بيستخدم اخرة 17 و برده طول ما الفروق بين البساتم ما تقل كل ما كان افضل
و بعدين انا عاوز اعرف انت عامل ابونيه في التوكيل؟؟

[m_s_h_a]

يا باشا انا حتى الزيت بغيره فى التوكيل غيار الزيت والفلتر ب30 جنيه وسعر الزيت الموبيل 100 جنيه والفلتر 45 جنيه بالاضافه ان المهندس صاحبىجداااااااااااا