افيدوني في الاسكورت يا جدعاااان ضرووووري

[aYaBooY]

بص انا لسة اخد بالي من موضوع اول عربية ديه بص انا لما ركبت فورد كنت نازل من عربية زلت انفاسي و عرفتني حتت عمرى ما كنت اتخيل اني اروحها
و اتعلمت فيها امتي اسمع كلام الميكانيكي و امتي اجيب كرشة لما يشتغلني و في جميع الاحوال الي بيسوق جديد عادتا بيتعرض لمواقف و حاجات بيتعلم فيها موضوع انك تتعلم في فورد لا و لا و الف لا
و لا اي عربية قليلة او حاجتها غالية انت لو واحد صنايعي اشتغلك في حتة في فورد ممكن تلاقي نفسك دافع 4 او 5 تلاف جندي و ده طبعا علشان انعدام الخبرة
لا هنا اقول لحضرتك هات اكسل نظيفة و اتعلم عليها و لما تتودك في السواقة و معاملة الصنايعية و طرق شراء قطع الغيار اه ساعتها اقولك هات فورد بقلب جامد بس علشان تكون اول بختك عربية لو لقدر الله اتكسرلك منها فنوس و شبكة يكلفك تصليحها 500 او 800 جنيه لا طبعا كتير
ابعد في حالتك عن فورد بكل انوعها
و على فكرة متقولش انا استاذ سواقة و مش هايحصل حاجة علشان فيه جزء في سواقتنا في مصر بتتعلمة بالممارسة اسمة تفادي اخطاء الغير و ده مش موجود غير في المحروسة
و عموما لو العربية الي انت رايح تشوفها اسكورت بموتور زيتيك يبقي لو عجبتك تضحي ب 250 جنيه و تطلع تكشف عليها في التوكيل علشان اي حد او اي بنزينة بترفع العربية مش هايكون عندهم اي جهاز يعرفوا بيه حالة الحساسات بتاعت الموتور علشان لو حساس محتاج تغير ده بيكون مكلف شويتين

[egytamer]

aYaBooY باشا والله انا مش عارف اشكرك ازاي علي تفاعلك معايا وسرعة ردك واتمني نكون اصدقاء سواء اني جبت فورد او لا لانك انسان خدوم ومحترم.
كلامك صح وانا مقتنع بية بس المشكلة ان العربيات الكوري بحس وانا بسوئها انها كنبة ومتئفلة بلذات الاكسل وزيها السويفت تحس انهم وزنهم نص كيلو عكس الاوربي تحس بتقل العربية وانك راسي مش عايم لذلك انا بفكر في الاوربي بس
موضوع الميكانيكية عندك حق ممكن زي الاعلان يئولي الكربراتير بينقط كهرباء هئولو الله ينور
بس انا عندي اخويا جن في موضوع الميكانيكية دة وكمان المنتدي هنا ان شاء الله اعرف منة الناس الكويسة الي اتعامل معاها لحد مفهم اهم حاجة ربنا يكرم في مشوار العربية وتكون حالتها كويسة وتخلص علي خير
كنت عايز اعرف اسم وعنوان مركز الكشف الي حضرتك التلي علية علشان اشوفة لو العربية كانت كويسة
وشكرا ليك مقدما

[goofy301]

بص انا لسة اخد بالي من موضوع اول عربية ديه بص انا لما ركبت فورد كنت نازل من عربية زلت انفاسي و عرفتني حتت عمرى ما كنت اتخيل اني اروحها
و اتعلمت فيها امتي اسمع كلام الميكانيكي و امتي اجيب كرشة لما يشتغلني و في جميع الاحوال الي بيسوق جديد عادتا بيتعرض لمواقف و حاجات بيتعلم فيها موضوع انك تتعلم في فورد لا و لا و الف لا
و لا اي عربية قليلة او حاجتها غالية انت لو واحد صنايعي اشتغلك في حتة في فورد ممكن تلاقي نفسك دافع 4 او 5 تلاف جندي و ده طبعا علشان انعدام الخبرة
لا هنا اقول لحضرتك هات اكسل نظيفة و اتعلم عليها و لما تتودك في السواقة و معاملة الصنايعية و طرق شراء قطع الغيار اه ساعتها اقولك هات فورد بقلب جامد بس علشان تكون اول بختك عربية لو لقدر الله اتكسرلك منها فنوس و شبكة يكلفك تصليحها 500 او 800 جنيه لا طبعا كتير
ابعد في حالتك عن فورد بكل انوعها
و على فكرة متقولش انا استاذ سواقة و مش هايحصل حاجة علشان فيه جزء في سواقتنا في مصر بتتعلمة بالممارسة اسمة تفادي اخطاء الغير و ده مش موجود غير في المحروسة
و عموما لو العربية الي انت رايح تشوفها اسكورت بموتور زيتيك يبقي لو عجبتك تضحي ب 250 جنيه و تطلع تكشف عليها في التوكيل علشان اي حد او اي بنزينة بترفع العربية مش هايكون عندهم اي جهاز يعرفوا بيه حالة الحساسات بتاعت الموتور علشان لو حساس محتاج تغير ده بيكون مكلف شويتين

كلام زى الفل بس انا متهيألى ان الواحد لما بيجى يشترى عربية بيبقى فى مخيلته انها عربية العمر (وليه لأ) وانه صعب انه يشترى تانى بعد كده او يغير ولذلك انا من وجهة نظرى دايماً طالما هشترى ....يبقى اشترى حاجة صح علشان اريح دماغى لأنى انا شايف معظم السيارات الاكسيل حالتها تعبانة لأن التكييف اكل الموتور وكانت مع واحد اعرفه وكانت 1500 سي سي بهدلته وماكملتش سنة وباعها وجاب لادا زيرو شوف فرق الكماليات وكل ده علشان يريح دماغه ومصاريفه برده...فلذلك انصح الاخ العزيز تامر انه مايتسرعش فى قرار الشراء ويتمهل ويدرس السوق وكل الاحتمالات فى حدود امكانياته ..انا مثلاً قعدت 7 شهور ادرس قرار شراء مابين زيرو تقسيط أو مستعمل ... لحد ماربنا وفقنى فى اسكورت حالتها حلوة...
وبعدين كلها 6 اشهر والاسعار هتتغير تماما مع بداية 2010 علشات تخفيض الجمارك وده طبعا هيأثر على المنظومة كلها ....ا

[aYaBooY]

وبعدين كلها 6 اشهر والاسعار هتتغير تماما مع بداية 2010 علشات تخفيض الجمارك وده طبعا هيأثر على المنظومة كلها ....ا

اتمنى علشان نفسي اركب زيرو او اجيب مونديو

[goofy301]

اتمنى علشان نفسي اركب زيرو او اجيب مونديو

نفس اللى انا باخططله واتمنى ان ربنا يوفقنى يا فوكس يا مونديو....

[egytamer]

يا اخواني مع احترامي لاحلامكم وامنياتكم بس احنا في مصر يعني موضوع نزول الجمارك هيكون مقابلة زيادة اي ضريبة من ضرايب الجباية والنصب المفروضة علينا هنلاقي الموضوع كان لم يكن.
وحتي لو نزلت هتنزل 5% يعني ببساطة لو اقل عربية اوربي بسعر 100 الف الضريبة عليها بتكون 40% هتبقي 35% يعني هتكون ب95الف واكيد المستعمل هينزل بس مش هينهار زي ماحنا بنتمني

[goofy301]

لأ طبعاً الاسعار مش هتنهار للدرجة ..ولكن اذا كان الزيرو هينزل 5000جم مثلا يبقى المستعمل على الاقل زيه ده لو ماكنش اكتر صح ؟ طيب اذا كان بيقولك واحد معاه مونديو كان بيتمنى انها تجيبلة 42الف يبقى ان شاء الله السنة الجاية هتنزل للثلاثينات ....يا عم ده انا عربيتى كنت جايبها السنة اللى فاتت ب 40الف دولتى وكمان فى يناير اللى فات لقيت واحده زيها بالظبط ب 35الف ..ربنا يستر السنة الجاية هيبقى سوقها كام؟؟ ده فيه دلوقتى بشوف اعلانات اسكورت 1600 م 99 ب 29000 و30000جم ...انا رأيى اصبر شوية كلها كام شهر ونشوف ايه اللى هيحصل وبعدين ماتقلقش هيجى رمضان والعيد ثم عيد الاضحى والايام هتجرى ان شاء الله ...والرأى رأيك برده!!

[aYaBooY]

عندي شوية تعقيبات مهما عملنا من اتفاقيات دولية طبعا حكومتنا الرشيدة بتعرف تثبت سعر البيع لصالح اى حد بس مش المستهلك
انا عن نفسي مش مصدق موضوع ان الاسعار هاتنزل علشان سمعته كتير ابل كدة
ثانيا ممكن يكون فيه 1600 مو 99 بالمبلغ الي انت بتقول عليه بس معتقدش انها زيتيك و ممكن تكون محتاجة شغل و انت يا جوفي اعتقد تعرف كويس يعني ايه عربية فورد متهانة و ممكن تعمل ايه في الي يشتريها
و نرجع بقي لعربية العمر انا اعتقد ان نظرية عربية العمر ديه انتهت دلوقتي و خصوصا ان الفروق بين الموديلات اصبحت كبيرة مش زي زمان و برده الثبات الاجتماعي الي كنا عايشينة لحد جيل قريب برده انتهى
و بقي الكل متغير عموما في كل نواحي الحياة يعني انا عن نفسي كنت متخيل موضوع عربية العمر في اول عربية اشتريتها
و الحمد لله بعتها او تخلصت منها بعد 9 شهور و لما نويت اشتري فورد كنت حاطط مدة معينة ليها و بعدها اشتري زيرو
طبعا المدة ديه اتمدت شوية لما جربت الفورد و ايقنت اني مش هاعرف اركب ماركة تانية و بدل ما كنت ناوي اغيرها كمان سنتين بقي النية كمان خمسة

[goofy301]

عندي شوية تعقيبات مهما عملنا من اتفاقيات دولية طبعا حكومتنا الرشيدة بتعرف تثبت سعر البيع لصالح اى حد بس مش المستهلك
انا عن نفسي مش مصدق موضوع ان الاسعار هاتنزل علشان سمعته كتير ابل كدة
ثانيا ممكن يكون فيه 1600 مو 99 بالمبلغ الي انت بتقول عليه بس معتقدش انها زيتيك و ممكن تكون محتاجة شغل و انت يا جوفي اعتقد تعرف كويس يعني ايه عربية فورد متهانة و ممكن تعمل ايه في الي يشتريها
و نرجع بقي لعربية العمر انا اعتقد ان نظرية عربية العمر ديه انتهت دلوقتي و خصوصا ان الفروق بين الموديلات اصبحت كبيرة مش زي زمان و برده الثبات الاجتماعي الي كنا عايشينة لحد جيل قريب برده انتهى
و بقي الكل متغير عموما في كل نواحي الحياة يعني انا عن نفسي كنت متخيل موضوع عربية العمر في اول عربية اشتريتها
و الحمد لله بعتها او تخلصت منها بعد 9 شهور و لما نويت اشتري فورد كنت حاطط مدة معينة ليها و بعدها اشتري زيرو
طبعا المدة ديه اتمدت شوية لما جربت الفورد و ايقنت اني مش هاعرف اركب ماركة تانية و بدل ما كنت ناوي اغيرها كمان سنتين بقي النية كمان خمسة

انا معاك بس ده مايمنعش ان نصبر كام شهر يعنى خلاص صبرنا سنين مش قادرين نستحمل شهور ..وبعدين الراجل صاحب الموضوع نفسه يركب الاسكورت ويكون فيها تكييف.... وده صعب شوية لأن التكييف اثبت فشله تماما فى جميع انواع الاسكورت فى مصر ...فمن رأيى يأما يصبر أو يقرص على نفسه ويجيب مونديو...

[sayedsileem]

عندي اسكورت 1999
باحطلها بنزين 80 رغم إن الكاتالوج بتاعها بيقول "حطلها بنزين 91 على الأقل"
هل تصرفي هذا صحيح؟ و إن كان خطأ فما المشاكل التي قد تحدث للسيارة؟
رغم أن السيارة فخمة و قوية و ثابتة و شيك، و لم تشكو من شيء أبدا

[aYaBooY]

عندي اسكورت 1999
باحطلها بنزين 80 رغم إن الكاتالوج بتاعها بيقول "حطلها بنزين 91 على الأقل"
هل تصرفي هذا صحيح؟ و إن كان خطأ فما المشاكل التي قد تحدث للسيارة؟
رغم أن السيارة فخمة و قوية و ثابتة و شيك، و لم تشكو من شيء أبدا

نسبة انضغاط مواتير الفورد لا تسمح باستخدام بنذين 80 و ده ممكن يؤثر على العمر الافتراضي للموتور نفسه يعني بعد فترة تلاقي حصل تنقير في الكرنك نتيجة صوت التصفيق بتاع كهرباء العربية

[LinuxMan]

نسبة انضغاط مواتير الفورد لا تسمح باستخدام بنذين 80 و ده ممكن يؤثر على العمر الافتراضي للموتور نفسه يعني بعد فترة تلاقي حصل تنقير في الكرنك نتيجة صوت التصفيق بتاع كهرباء العربية

حتي لو العربيه كربراتير مينفعش احطلها بنزين 80 مع العلم ان العربيه بتعمل 10 كيلو في الليتر سواء 90 او 80؟

[aYaBooY]

نوع البنزين ملهوش علاقة بالكاربراتير و الانجكشن الفرق في نسبة انضغاط الموتور راجع مواضيع الوقود في القسم التعليمي من المنتدي

[LinuxMan]

اومال ليه الميكانيكي قالي طالما كربراتير حط 80

[aYaBooY]

تقدر تقول ان ربط نوع البنزين بنظام الموتور هيا عادة فرعونية مش اكتر كاربراتير يبقي 80 انجكشن يبقي 92
طيب انت لما بتحط 80 بتسمع صوت تصفيق كهرباء من الموتور ولا لا