الفيستا شيبتني خلااااااااااااااص

[gebreel]

دلوقتي معايا فورد فيستا 99 و كل شهر مطلعة عيني ربنا يسامحو الراجل اللي اشترتها منو بقى بدأت بنقصان في زيت الموتور و اكتشفت انها محتاجة عمرة ... عملتلها
بعد كدة الكهربا مش عارف فيها ايه ... عملتها
الاقيها بعد كدة بتنقط زيت ... يقولي اويل سي مش عارف ايه ... اعمله
تنقط من حتة تانية يطلع اويل سي تاني ... اعملو لغاية اني حاسس انيي راكب مصفة بتنقط زيت من كل حتة
و مؤخرا الاقيها بتنقط بنزين من تنك البنزين علشان فيه خرم صغير
و لسة عاوز اصلح التكييف حرام بجد انا تعبت
صارف عليها من ساعة مجبتها حوالي 7 الاف جنيه و لسة مش قايمة على رجليها

اسف على الكلام اللي فات ده بس بجد انا لو مكنتش قولت لحد انا كنت هانفجر من الغيظ فقلت اتكلم مع اخواتي

انا دلوقتي عاوز اعرف انا بفكر اقلبها و اجيب توكتوك ولا سيت ولا اي حاجة فالعربية دلوقتي ممكن تجيب كاام؟! هي 99 عاملة عامرة كاملة بطارية جديدة و دلعتها و رشتها من برة لاكن هي فابريكة جوة و والله محترمها اخر حاجة مبخليش حاجة في نفسها الا لما بجبهالها و احسن حاجة لموتور بجبها لاكن هي معندهاش دم

و اظبطها ازاي علشان وقت البيع علشان اللي هيشتري مني ميخسفش بسعرها الارض و في نفس الوقت ميدعيش عليا

و هل انها عاملة عامرة دي عيب؟!
شكرا يا جماعة مقدما

[gebreel]

ايه يا جماعة فين رجالة المنتدى؟!

[wkisho2005]

بص ياباشا انا مش هقدر افيدك في السعر دلوقتي عشان السوق زي مانت عارف مضروب بالنار اليومين دول وكدا انت هتخسر فيها جامد اوي فانا كان ليا راي بسيط كدا انك بعد ماعملت دا كله في العربية والحاجت الصعبة هتيجي علي موضوع التنك دا وتبيعها عشانه بعد ماعملت عمرة وظبط كهربة ورشيت انا رايي لو مفيهاش حاجة تانية غير موضوع التنك دا اعمله وامرك لله وتخلي العربية معاك متبيعهاش خصوصا بعد الدلع اللي انت دلعتهولها وربنا يوفقك للخير

[gebreel]

انا ان كان عليا العربية دي ليها معزة خاصة عندي و بحبها بس للاسف من ساعة مجبتها و هي عمالة تقرف فيا اصلح حاجة حاجة تانية تضرب يارتها تيجي على قصة التنك دي بس انا ان شاء الله رايح اعمله انهاردة بس انا مش عارف فيها ايه تاني ممكن يبوظ و كلها حاجات لو انا ملحظنهاش العربية هتفضل ماشية لاكن لحد امتى؟! و لسة في عندي التكييف مش عارف ايه اللي بايظ فيه بس اللي اعرفه اني اكيد هغير الكومبرسور ده كدة عرفتو وانا بعمل العمرة لسة معرفش السربنتينة ولا المواسير ايه نظامهم انا بجد محتار جدا و مش عارف اعمل ايه و في نفس الوقت مش هلاقي عربية في نفس الجودة بتاعت الفورد هنقل على الكوري
هو مش وحش و فيه حاجات كتيير كويسة بس برده مش زي الفورد ... انا مش عارف اعمل ايه والله
الموضوع ده مخليني قرفان اخر حاجة
شكرا يا باشا على اهتمامك

[aYaBooY]

الله يعينك و يديلك القوة
اولا العربية بالحالة ديه اعتقد انه في حدود 28 الف علشان السوق معدش زي زمان معلش
بس انا ليا شوية اسئلة
انت عملت العمرة عند مين
غيرت ايه فيها و بكام و اشتريتهم من عند مين
ايه مشكلة الكهرباء الي حصلت بالظبط و ايه الي اتعمل فيها و عند مين
بس

[aYaBooY]

ويكيشو باشا ايه فينك من زمان