لخبراء ومالكى الفورد مونديو

[ahmed1_com]

كنت عايز اعرف معلومات عن فورد مونديو 99 موتور 2000cc

1- اسعار قطع الغيار وغاليه ولا زى الاسكورت والفوكس

2- العربيه ايه اخبارها كعفشه وسحب ومن حيت التصليح والصيانه


3- استهلاك البرنزين هل هو عالى لانها 2000cc فممكن اعرف استهلاك بنزنها ايه


4- ومن حيث التخريص والضريبه كام

5- وهى تعملها كام موديل 99 مستعمل وحالتها نضيفه


ومستنى ردودكم

[kliken]

كل اللى اعرفه ان العفشه بتاعتها هى اللى غاليه شويه بس معمره و العربيه حاجتها بعد كده مش غاليه اوى معقوله و العربيه مشيها حلو بس اهم حاجه العربيه تكون نضيفه و حالتها حلوه و بتعمل اواخر اربعينات بالكتير ما بتعديش 50 الف لان سوقها واقع زيها زى عربيات كتير كويسه

[ahmed1_com]

كل اللى اعرفه ان العفشه بتاعتها هى اللى غاليه شويه بس معمره و العربيه حاجتها بعد كده مش غاليه اوى معقوله و العربيه مشيها حلو بس اهم حاجه العربيه تكون نضيفه و حالتها حلوه و بتعمل اواخر اربعينات بالكتير ما بتعديش 50 الف لان سوقها واقع زيها زى عربيات كتير كويسه

مشكور جدا متعرفش ضريبتها كام واستهلاك البنزين قد ايه

[kliken]

ممكن ابقى اسألك واحد صاحبى معاه و هبقى ارد على حضرتك

[ahmed1_com]

مشكور جدا ومعلش هتعبك معايا

[aYaBooY]

على فكرة المونديو في الوقت الحالي بتتكلم 45 ال2000 سيسي كاملة بالكتير علشان كنت من فترة شوفت واحدة عند قطب 1600 ماشي 40000 و فبريكة برة و وجوة و كان كل امل صاحبها 42 الف

[ahmed1_com]

على فكرة المونديو في الوقت الحالي بتتكلم 45 ال2000 سيسي كاملة بالكتير علشان كنت من فترة شوفت واحدة عند قطب 1600 ماشي 40000 و فبريكة برة و وجوة و كان كل امل صاحبها 42 الف

مشكور جدا يا مان متعرفش ايه اخبار قطع غيارها واستهلاك بنزينها قد ايه وضريبتها كام

[aYaBooY]

ضريبتها اعتقد و الله اعلم 1000 بالنسبة لل2000 سي سي و ده طبعا غير ليستة المدفوعات التانية من تامين و تهبيل و بدل ملعنة و بدل بهدلة و بدل استعباط موظفين
موضوع الاستهلاك بالنسبة للمونديو جيا 2000 سي سي فيها شاشة فوق الكاسيت من ضمن المعلومات الي فيها تقولك فيه كام ليتر بنزين في التانك و ممكن يمشوك كام كيلو و طبعا غير انك من الطابلوه بتعرف اذا المياه في القربة قلت و الزيت في الموتور وحاجة اخر دلع
و طبعا معاك كراسي جلد بتتحرك بالكهرباء و فيها سخانات علشان لو ركبت في يوم برد متبقاش في نفسك حاجة و الكنبة الخلفية جلد برده و فيها سخانات
و بالتالي قطع غيار عربية فيها الحاجات ديه مش هاتكون رخيصة و خصوصا انها فورد

[schcios26]

الضريبة انا لسة دافعها من كام يوم مونديو 98 2000 سى سى 523 جنية و تامين 89 جنية

[aYaBooY]

و الله كويس قوى بجد متعرفش الخبر ده كويس بالنسبالي قد ايه علشان انا كان نفسي تكون العربية القادمة بالنسبة ليا بس كنت دايما عايل هم الضريبة الله يكرمك و متشكرين على المعلومة

[Ahmedyoussef1]

أرجو اكون افدتك

الأستاذ الفاضل
العربية المونديو عربية محترمة جدا وبخاصة ال 2000 الجيا و بالنسبة للضريبة هى 1000 + 64 وال 64 دول ثابتين وكل ما تعدى سنة على سنة الصنع تاخد تخفيض 5 % على ال 1000 يعنى مثلا لو بترخص سنة 2011 يبقى تدفع 1000 - 1000 * 5% * 13 يعنى هتطلع 350 + 64
بالنسبة لقطع الغيار هى غالية شوية بالمقارنة بالكورى لكن معمرة جدا وجودتها عالية جدا جدا وكمان فى بدائل المانى واسبانى جودة عالية وسعر اقل من الأصلى بكتير

على فكرة انا معايا جيا 98
ولو عايز تسأل على اى حاجة ممكن تكلمنى انا رقمى 0122354784 واسمى أحمد إسماعيل

[egytamer]

ايوة كدا طمنتونا وباذن الله المنديو عربيتي الجاية
وكمان بسم الله مشاء الله في اعضاء جديدة بدات تنضم لقسم فورد وتكتب مواضيع وترد بجد حاجة تفرح.