فورد فيستا 2010 - الموصفات المصرية بالتوكيل

[wawoo]

حد عارف العربية الي نازلة مصر أنهو موديل؟
يعن ستايل؟ ستايل+؟ زيتيك؟

تريند بلاس اعتقد ..
حد حجز اى عربية او استلم حتى

[mostapha]

تريند بلاس اعتقد ..
حد حجز اى عربية او استلم حتى

الحمد لله حجزت انهارده 5 أبواب أبيض. الاستلام في يناير ان شاء الله.

[wawoo]

الحمد لله حجزت انهارده 5 أبواب أبيض. الاستلام في يناير ان شاء الله.

المشكلة يا مصطفى ان فى ناس حاجزة من شهر 8 و قبل كدة كمان و مستلموش , مما يشكك فى التزام التوكيل دة بمواعيدة , و خصوصا ان مافيش سبب واضح للتاخير دة.

[mostapha]

المشكلة يا مصطفى ان فى ناس حاجزة من شهر 8 و قبل كدة كمان و مستلموش , مما يشكك فى التزام التوكيل دة بمواعيدة , و خصوصا ان مافيش سبب واضح للتاخير دة.

كلامك مضبوط. بس هو الاستلام الي اتأجل ده كان شهر 11. دلوقتي كله اتأجل ليناير.
السبب إن العربية عليها طلب كبير جدا المصانع مش مكفية. ده طبعا مش مبرر بس هو ده الواقع. و طبعا مصر شكلها مش هاتبقى سوق قوي للعربية دي، فا يمكن مهتمين أكتر بالأسواق الأهم.

[wawoo]

كلامك مضبوط. بس هو الاستلام الي اتأجل ده كان شهر 11. دلوقتي كله اتأجل ليناير.
السبب إن العربية عليها طلب كبير جدا المصانع مش مكفية. ده طبعا مش مبرر بس هو ده الواقع. و طبعا مصر شكلها مش هاتبقى سوق قوي للعربية دي، فا يمكن مهتمين أكتر بالأسواق الأهم.

دة السبب اللى بيقولة التوكيل فعلا , بس الحقيقة ان 20 - 30 عربية بينزلو مصر كل ثلاث اشهر مش حيفرقو كتير على طلب العربية فى اوروبا ,
خصوصا ان العربية موجودة فى الخليج و نزلت سوريا كمان و بتتباع و متوفرة هناك .

الحقيقية انهم اجلو نزول العربية عشان يستفيدو من التخفيض بتاع يناير , بمعنى انهم لو كانو سلمو دفعة جديدة بسعر 120 الف ,كانو حيضطرو يخفضو السعر فى الدفعة الجديدة بتاع يناير بسبب التخفيضات الاوروبية الجديدة .

انما هما حسبوها صح و قلك طيب ولية نخفض من اصلة , احنا نستنى فى يناير ننزلها بالسعر الجديد على طول و يكونو كدة ضربو عصفورين بحجر واحد , منها زودو سعر العربية و منها استفادو من التخفيض الجديد مما يعنى مكسب اكتر كمان .

كدة التوكيل بيفكر بشكل استغالى قوى , و وضح هدفة بشكل صريح .

[mostapha]

طب دلوقتي يناير هاييجي و الجمارك تنزل، و التوكيل هايبيع بنفس السعر. السؤال بقى: حجته هاتبقى ايه؟ ده الحكومة نفسها رخصت الجمارك يا أخي. الحكومة. عارفين يعني ايه الحكومة ترخص حاجة؟

لأ إن شاء الله السعر هاينزله ألفين تلاتة.

[m_o_sakr]

so nice car, and good price also

[mostapha]

يا جماعة أنا مقلق و عاوز أعرف عدد الحاجزين كام. أنا أينعم مش عاوز العربية تبقى فيرنا، بس برضو مش عاوز أبقى في عربية مافيش منها غير 50 واحدة ولا حاجة في البلد كلها.

ايه توقعاتكو لانتشار العربية؟

[M.Mostafa80]

المشكلة فى مصر هو سعر اعادة البيع
لأن الفورد مظلومة فى الموضوع ده؟ بيعها تقيل ومش ماسكة سعر للأسف
مع أن اللى يركبها صعب يركب اى عربية تانية إلا لو ألمانى

أحييك على رأيك دى حقيقه فعلا كان معايا فورد أسكورت وبعدها ركبت بولو صحيح الفورد طلعت عينى بس هى عربيه محترمه

[hani945]

فيه ناس كتير بتفضل سيارات فورد

[hani945]

شكلها حلو

[wawoo]

محدش استلم النيو فيستا..... يقولنا اخبرها اية معاة فى شوارع مصر المحروسة ,لانهم بيقولو فيها شعر فى اوروبا

[mostapha]

محدش استلم النيو فيستا..... يقولنا اخبرها اية معاة فى شوارع مصر المحروسة ,لانهم بيقولو فيها شعر فى اوروبا

القاهرة فيها عدد محدود جدا. ماظنش حد منهم موجود معانا هنا. إن شاء الله الاستلام الدفعة دي اخر يناير.
عاوز أعرف مين تاني حجز يا جماعة.

[Moe86]

صاحبى حاجزها من 8 على اساس انه يستلم أول 11
بعد كدة قالوله اول 1
و بعد كدة قالوله ممكن اخر 1
صاحبى جاب اخرة و بيدور على عربية تانية اللأيام دى !!