مالكي النيو فوكس ابه رأيكم؟

[hazemelqady]

اولا السلام عليكم
اتا معايا اوبترا 2007 و عايز اغير و بفكر في النيو فوكس 2009 بس قرأت مقال خلاني اتردد و خاصة ان عربيتي لما كانت طرمبة البنزين بايظة غيروها بدون كلام في الضمان.
كمان انا قرأت في مشاركة قبل كدة ان في مشكلة في الكنترول يونيت
فياريت لو حد عنده العربية يقوللي ايه رأيه في التوكيل والضمان.
المقال اللي بتكلم عليه....
Ford Egypt - Focus 09 Complaints - No Quality & ZERO customer service

وشكرا

[waleedraafat]

هي الفورد فوكس عاجباني جدا وخصوصا انها مع احد اصدقائي وبيشكر فيها جدا عدا موضوع وزن العربية بالنسبة للمحرك وضعف السحب ودا شئ مقبول جدا بالنسبة لعربية مصنعة من خامات رائعة وثقيلة (الماني الماني يعني)
اما بالنسبة لمشكلة التوكيل في مصر فدي مشكلة عامة لكل التوكيلات وما لهاش حل من اساسه ودا الي خلي العربيات الخليجي تنتشر في مصر بصورة كبيرة (بلا ضمان بلا كلام فارغ)

ما تشغلش بالك بالتوكيل اوي لانهم كلهم هدفهم واحد الفلوس وبس وطبعا لان الحكومة دلوقت حكومة مكونة من التجار ورجال الاعمال او بمعني اخر شوية لصوص وقطاع طرق فالمستقبل مظلم بالنسبة للمستهلكين عموما الي ان تختفي الحكومة الحالية وتتغير القوانين ويصبح من حق الشركات الاجنبية الدخول للسوق المحلية مباشرة بدون تدخل من الحكومة بالرشوة او المنع او خلافة فالوضع علي ما هو عليه

اشتري العربية قليلة الاعطال فقط علشان ما تضطرش تطالب بحقك من اي توكيل ويتحرق دمك ومش هتاخد حاجة

[hani945]

أنا قرأت الشكوى

المشكلة أكبر مما كنا نتصور

ده فيه مشكلة تقريباً حصلت فى أوتوماتيك العربية الساعة 2 صباحاً أثناء السفر وكمبيوتر العربية بيطلع رسالة خطأ وبيقول إن الأوتوماتيك فيه مشكلة وبعد كده قالوا هات العربية عادى وبعدين الكمبيوتر طلع خطأ تانى فى الموتور

على إيه وجع القلب ده

اختار عربية تانية وتوكل على الله

[hazemelqady]

Thanks for reply
I think ill neglect that car.
Thanks again for response

[aYaBooY]

أنا قرأت الشكوى

المشكلة أكبر مما كنا نتصور

ده فيه مشكلة تقريباً حصلت فى أوتوماتيك العربية الساعة 2 صباحاً أثناء السفر وكمبيوتر العربية بيطلع رسالة خطأ وبيقول إن الأوتوماتيك فيه مشكلة وبعد كده قالوا هات العربية عادى وبعدين الكمبيوتر طلع خطأ تانى فى الموتور

على إيه وجع القلب ده

اختار عربية تانية وتوكل على الله

المشكلة ديه كانت منشورة من فترة بس صاحب العربية باعها و كان في اكتر من واحد معاه عنده نفس المشكلة في موديل 2007 و محدش اشتكى بعد كدة من العربية تقريبا

thanks for reply
i think ill neglect that car.
Thanks again for response

الفرق بين الاوبترا او الشيفورليه الكوري و الفورد كبير قوي و النقلة ممكن تكون متعبة شوية ليك خصوصا ان فيه فرق في قطع الغيار و اسلوب الصيانة كويس انك صرفت نظر

[hazemelqady]

اولا: سيدي الفاضل الشكوى المذكورة عن سيارة موديل 2009 تم شرائها من شهرين.
ثانيا: لو سيادتك قرأت اول الموضوع هتلاقي اني بقول اني هغير لعربية الماني يعني عارف كويس اوي متطلبات العربية وامكانياتي المادية ( واظن كونها متعبة لي او لا دي حاجة انت متعرفهاش )
ثالثا: عربيتي الكوري دي معمولها كل صياناتها في التوكيل (المغالى في اسعاره) يعني الفرق مش كتير .
و شكرا

[mostapha]

بص يا باشا، الفوكاس ثالث أكثر السيارات مبيعا في أوروبا 2007 و 2008 و 2009. ده غير انها ثاني أكثر السيارات مبيعا في انجلترا، بعد الفورد فييستا.

اقرأ أي تقييم أوروبي للفوكاس، هايقولك عربية ماعليهاش غبار و متقدمة بمراحل عن الفئة دي و مافيش عربية تانية ليها نفس الثبات و احساس القيادة بتاع الفوكاس. جيريمي كلاركسون شخصيا بتاع توب جير محتفظ بالفوكاس بتاعته. و 2005 كمان.

كون ان في عربية معيوبة بقى. بورش بينزلو عربيات معيوبة، و كذلك مرسيدس و مازيراتي. كون التوكيل ماتعاملش بنضافة فاده لا يعني ان العربية سيئة. و إلا ماكانتش باعت 406 ألف نسخة في أوروبا بس السنة الي فاتت.

[hosam2010]

بص يا سيدي زي ما قال أستاذ مصطفى بالظبط أي عربية ممكن يكون فيها مشاكل بس واضح كدة إن فيه مشكلة فل توكيل بس برضو لو تلاحظ إن اللي بعت رسالة الشكوى كان عايز يغير العربية كلها وده طبعا صعب إلا لو فيه سبب مقنع لكن واضح إن المشكلة بتاعتو ليها علاقة بي كمبيوتر أ لعربية مش بي جييربوكس أو الموتور ،و بعدين أنا لا أتخيل إن أي توكيل ف دنيا مهما كان زبالة هيقول ل عميل عند أنت قليل الأدب من غير مايكون العمل ده فعلا قل أدبو جامد ، عامتا ما علينا لو بتفكر فحاجة ألماني كويسة فكر ف Skoda Octavia بس خلي بالك إن سعرها ف مصر إستهبال يعني ف إنجلترا مثلا أقل من الفوكس بي حوالي ألف إسترليني .بس برضو ف الاخر لو عملت سيرش على كل المشاكل ف عربيات كتيرة حجيلك صدمة ف ماركات كتيرة محترمة زي هوندا و فولكيسواجين

[mostapha]

ال 145 الي تدفعهم في اوكتافيا فاضية طاسات مانيوال تدفعها أحسن في فوكاس ستبترونك جنوط مالتي فنكشن ولا ايه؟ الاتنين ألماني و الاتنين عربيات ناشفة.

زود 15 ألف و هات فوكاس جامدة. أو زود 60 و هات اوكتافيا جامدة.

[hosam2010]

+1

ال 145 الي تدفعهم في اوكتافيا فاضية طاسات مانيوال تدفعها أحسن في فوكاس ستبترونك جنوط مالتي فنكشن ولا ايه؟ الاتنين ألماني و الاتنين عربيات ناشفة.

زود 15 ألف و هات فوكاس جامدة. أو زود 60 و هات اوكتافيا جامدة.

[aYaBooY]

اولا: سيدي الفاضل الشكوى المذكورة عن سيارة موديل 2009 تم شرائها من شهرين.
ثانيا: لو سيادتك قرأت اول الموضوع هتلاقي اني بقول اني هغير لعربية الماني يعني عارف كويس اوي متطلبات العربية وامكانياتي المادية ( واظن كونها متعبة لي او لا دي حاجة انت متعرفهاش )
ثالثا: عربيتي الكوري دي معمولها كل صياناتها في التوكيل (المغالى في اسعاره) يعني الفرق مش كتير .
و شكرا

اسف جدا اني رديت على موضوعك

[medmac]

ممكن توضيح

الاخ العزيز Mostapha

ممكن تقولي اسم الموقع اللي عليه ترتيب العربيات ده انا فعلا حابب اعرف عن احجام مبيعات العربيات في اوروبا والعالم حسب الماركة.. اكو شاكر ليك

[mostapha]

مش باجيبها من مصدر واحد. استخدم جوجل. يعني مثلا ابحث على
best selling cars in europe 2009
best selling cars US 2009
و هكذا


Top 10 best selling cars in Europe - Wikipedia, the free encyclopedia

VW Golf Remains Europe's Best Selling Car in Q1 2009, Ford Fiesta Closing in Fast - Carscoop

2009 VW Golf best selling car in Europe, Ford Fiesta comes in second - egmCarTech

2010 Ford Fiesta outsold the Volkswagen Golf in March - egmCarTech

[ashraf3000]

انا اشتريت فوكاس 2009 فى 5 اغسطس سيارة ممتازة بس تحتاج كيفية التعامل معها افضل من الاوبل والاوكتافيا مائة مرة

[wal]

ما المقصود بكيفية التعامل معها