سيارتى الجديده كرايسلر نيون 2000 و المفاجأه الكبرى

[mazdaprotege]

اخوتى الاعزاء سلام الله عليكم و رحمته و بركاته
الحمد لله ربنا اكرمنى و اشتريت سياره كرايسلر نيون موديل 2000 و بصراحه سياره من اجمل السيارات رغم التحذيرات الكبيره التى سمعتها و انا بادور عليها و اللى يقولل انها مش كويسه و اللى يقول ان مالهاش قطع غيار
بس انا ما سمعتش الكلام و بعد البحث و التدقيق و سؤال ناس كتير من اللى راكبينها من سنين اتخذت القرار لحد ما ربنا اكرمن باللى معايا الحمد لله
و هى عربيات جميله كانك راكب بى ام او مرسيدس طعم تانى خالص غير اليابانى
و نزلت المعادى فى صقر قريش و رحت ل سيد على الميكانيكى و هو بصراحه راجل امين و شاطر جدا فى العربيات دى
و الفاجاه الكبرى انى لقيت ان حاجه العربيه كلها موجوده سواء فى الجديد او الاستيراد و مستوى اسعارها كانك راكب كورى او يابانى و ده عكس ما انا كنت متوقع
حبيت اقول لكم الكلام ده شهاده حق لكل اللى بيظلم العربيه دى
و كمان عاوز اشكر سيد الميكانيكى لانه باسم الله ما شاء الله راجل محترم و امين

[raouf]

الف مبروك السيارة وتدوبها فى العافية ان شاء الله

الامريكى امريكى لا يعلى عليه ولا ينافسه الا الالمانى

[mazdaprotege]

الف مبروك السيارة وتدوبها فى العافية ان شاء الله

الامريكى امريكى لا يعلى عليه ولا ينافسه الا الالمانى

الله يبارك فيك يا باشا
شاكرين مهللين

[amado318]

والله سيارة تحفه لحد الان عنيا بتتلوح عليها ربنا يباركلك فيها

[HOSSAM99]

و عليكم السلام و رحمة الله
ألف مبروك علي العربيه
و من حيث أن هي أحساس تاني في الركوب غير الياباني أنا عارف
و عارف إن قطع غيارها موجوده و كل حاجه لكن أنا ملسوع من المازدا الفاميلي في قطع الغيار و عدم الأنتشار و أن محدش بيفهم فيها فقلقان جدا

[mazdaprotege]

و عليكم السلام و رحمة الله
ألف مبروك علي العربيه
و من حيث أن هي أحساس تاني في الركوب غير الياباني أنا عارف
و عارف إن قطع غيارها موجوده و كل حاجه لكن أنا ملسوع من المازدا الفاميلي في قطع الغيار و عدم الأنتشار و أن محدش بيفهم فيها فقلقان جدا

اخى العزيز
متشكر على مجاملتك الرقيقه
بس و الله توكل على الله فهى سياره ممتازه و قطع غيارها متوفره و ارخص من اليابانى و موجوده بكثره على عكس ما كنت اتوقع و اسمع من الناس
و ربنا يبارك للكل يا رب

[HOSSAM99]

اخى العزيز
متشكر على مجاملتك الرقيقه
بس و الله توكل على الله فهى سياره ممتازه و قطع غيارها متوفره و ارخص من اليابانى و موجوده بكثره على عكس ما كنت اتوقع و اسمع من الناس
و ربنا يبارك للكل يا رب

إن شاء الله هاحاول أدور علي حاجه نضيفه
و ألف مبروك علي حضرتك

[dr_radioooooo]

الف مبروك عالعربية..... ربنا يباركلك فيها و فى انتظار تقرير مفصل عنها لانها مجهولة بالنسبة لمعظم الاعضاء

[MBhead]

ربنا يباركلك فيها و يكفيك شرها ..حافظ عليها عشان دي عربية تضيفه
انا حقول لحضرتك تجربتي الشحصيه ...انا هواي عربيات و بالذات الكلاسيك ركبت عربيات كتتتتتتتتتتتتير و انواع مختلفه قديم و جديد
من تجربتي و رايي الشخصي ان افضل العربيات
الالماني (البورش و المرسيدس)
الامريكي (كاديلاك/اللنكولن/الكرايسلر/بويك/شيفي)
الانجليزي(الجاجوار بس اللي جربتها )
كل دول عربيات رائعه و كل واحده لها احساس ركوب عالي و مختلف ..........انا معايا مرسيدس لو فكرت اني اغيرها مش حجيب حاجة غير الماركات دي ....يا اما افضل راكب المرسيدس احسن

[mmffor]

الكرايزلر اتوقف تصنيعها

[windofchange]

الكرايزلر اتوقف تصنيعها

قصدك النيون اتوقف تصنيعها الكرايزلر زي ماهي بس جزء منها اتباع لفيات
Google ترجهة

[lambo100]

what about the spare parts for M300 ?

[Egy]

what about the spare parts for M300 ?

You can consider that the 300M's spare parts are 40% more expensive than the neon, but you can find it anywhere (Herafeyeen or Champoléon's St) and don't forget its durability
It's not really expensive in general.
So go on, and don't hesitate to buy this wonderful car

[Egy]

1000 مبروك يا باشا و نفسي الناس في مصر تقدر الكرايسلر لأنها فعلا سيارة تستحق كل التقدير

[goofy301]

طب حضرتك ممكن تقولنا معدل استهلاك البنزين داخل البلد و على الطوالى قد ايه ؟؟؟