ارجو المساعده.......

[me7tar]

السلام عليكم وكل عام وانت بخير
كان عندي استفسار وياريت اصحاب السياره الاسبيرو يفدوني او الكلزلر
انا محتار بين عربتين الكيلزلر نيون 1997 والدايو الاسبيرو (1994 ) ايهما احسن
1- السرعه والثبات وامكانيتها في السفر لاني بسافر كتير
2- توافر قطع الغيار
3-استهلاك البنزين والضريبه
4- وصناعتها ايه موديل 94 لاني بسمع انها الماني او الكزلر

[me7tar]

ايه يا شباب مفيش حد يقدر يفدني افادكم الله
طب انا عايز اعرف الكرايسلر نيون 1997 سمعت ان قطع غيرها غير متوفره
كنت عايز حد يقيم العربيه دي من حيث السرعه والثبات وتستحمل السفر وفي منها زجاج كهرباء خلفي ولا كله بينزل 2 امامي كهرباء وخلفي عادي ارجو المساعده

[ahmedzaki11]

بالنسبة للنيون ال 97 الزجاج الخلفي مانيوال حتى في ال 2000
ثبات العربية هايل وعربية تفوت في الحديد بس لازم تكون مظبوطة حا تريحك
انما لو تعبانة حاتخنقك من العربيات اصلا
قطع الغيار بقى فا حاجتها موجودة بس استيراد انما الجديد مش حتلاقي كل حاجة
الدايو الأسبيرو عربية حلوا اوي برضو بسس انا مش عارف واصحابي الي جابوها كانو بيشكرو فيها اوي كعربية انما قع غيارها فأنا مش متأكد منها لأني ماحتكتش بيها عن قرب اسأل في قسم الدايو

[ahmedzaki11]

بالنسبة للضريبة فالنيون ال97 حاتبقى اغلى من الاسبيرو وكمان استهلاك البنزين حايبقى اكتر عشان النيون 2000 سي سي والاسبيرو 1600
تقريبان النيون السنة دي ضريبتها حوالي 450 لو موديل 97
وتزيد 50 جنية عن كل سنة زيادة في الموديل