عاوز اشتكى مركز صبحي سند لحقوق المستهلك

[didomotors]

عاوز اشتكى مركز صبحي سند لحقوق المستهلك علشان المفروض انه واخد 10000 جنيه علشان يعمل الصيانات وكل ما يلزم الموتور مع العلم ان موتورى حاله فوق الممتازه بس انا قلت باردو للاحتياط وشكلهم ناس كويسه .المهم البشمهندس طارق صبحى سند قالى اتفضل العربيه روخ بيها لحد اسوان ولايهمك (يدل علي ثقته بشغله )بس قالى متخليش البنزين ينزل الى ثلث التانك و اشيك على المياه والزيت علطول . خت العربيه ساعتها مع العلم ان سواقتى هاديه جدا . روحت لبيتى ونزلت بيها تانى يوم مفيش 3 كيلو وراحت العربيه مبطله فى نص الشارع وكانت مخاطره كبيره المهم ودييت له العربيه وقالي حاجه بسيطه المهم مفيش اسبوعين كمان مع حرصى فى السواقه لقتها فصلت كهربا تانى وكالعاده وديتها وراح قايلى العربيه عايزه عمره موتوور انا طبغا اتصدمت قالى كلمنى بعد ساعتين .. المهم كلمته قالى كلمنى بكره علشان لسه مافورتش الموتور (طب ازاى يابن الحلال تقولى عمره وبعدين تتطلع لسه مفورتش .. وازى الموتور يطلع فيه مشكله وانت واخدلى 10000 جنيه قبل كده وقايلى ان كل حاجه كفاءه امال انا جايلك ليه ده انا لو كنت جيبت موتور جديد وركبته كان هيبقى انجز وارخص )
وهو كل ما بيكلمنى بيكلمنى فى مصاريف انا ماقدرش غليها فالناس قالولى انت لازم تروح لحقوق المستهلك علشان هو كده ميعتبرش انه شاف شغله فانا بجد مش عارف اعمل ايه

[smsm_hamada]

بصراحه انا شايف حضرتك واثق فيه ذيادة عن اللزوم واول ما قالك عمرة ماتور انت صدقت ممكن حضرتك كنت رحت مركز صيانه تانى عشان حتى تتاكد من صحه الكلام
وعلى العموم ربنا يستر وتكون حاجه بسيطه .

[mmffor]

العربية نوعها ايه

و ثم هل اتعمل لك فاتورة او ايصال استلام بالمبلغ؟؟؟ و بيان صيانة بتفاصيل العملية؟؟

[didomotors]

ماهو مش سايبلى فرصه هو فك العربيه وفور الموتور كله وبيقولى خربان ده غير انه بيقولى انى اغير الحاجات الى هو عملها تانى انا الصراحه مش عارف اتكلم معاه لان مش مصدق الغش وصل لكده .. واروح لمركز صيانه تانى ليه وهو واخد منى اد كده فلوس علشان يضمنلى الموتور ...ايوا اتعملى فاتوره بالحاجات الى قبل كده

[didomotors]

انا عاوز بس اعرف انا ممكن اتصرف ازاى فى الموضوع ده

[windofchange]

حسبي الله ونعم الوكيل هي عربية حضرتك نوعها ايه؟ والغش موجود وربنا يعامل الغشاش بما يستحق

[kaza]

الناس دى كانت كويسة زمان وكان ابوهم صبحي سند من افضل الناس اللي بتصلح امريكاني وفتيس اتوماتيك لغاية ما توفاه الله وكان المهندس طارق معاه في ورشة مصر الجديدة ورا مدرسة الليسية بس للاسف الظاهر الناس لما القرش بيجري في ايديها بتفتري وبتهمل في اكل عيشها وفعلا انا عملت عمرة موتور للاوبل المانتا حبيبتي سنة 95 وكلفت وقتها 5000 جنية والموتور معملش بعدها 2000 كم ومبقاش الزيت بيطلع للتاكيهات وحرق وش السلندر ومن ساعتها بطلت اتعامل معاهم وبعت العربية رغم انها كانت عزيزة عليا جدا ..حاول تكلم طارق وتقولة علي المشكلة ولو مالقيتش نتيجة يبقي شكوى في الجهاز وربنا يهديهم