مشكله فى الفيتيس مانيوال نيون 97

[kimosdk]

السلام عليكم و رحمة الله و بركاته , عندى نيون 97 مانيوال , و فيها مشكلتين , بتقطع مع السرعه الزياده أو القرص , بسمع تخبيط جامد أوى و أنا بنقل الغيار و كمان شخلله و أنا دايس على الديبرياش , و الغيار الثالث بيعض , حد عندو العربيه دى و مر بالمشاكل دى قبل كده و مين أحسن واحد بيصلح فيتيسان مانيوال أمريكانى ؟و شكرا.

[ahmedzaki11]

ده احتمال كبير جدا انه يكون ديسك واسطوانه طالما مانيوال
ممكن تروح عند حسن البنا في صقر قريش او سيد برضو في صقر قريش

[kimosdk]

شكرا ياجميل على إهتمامك , أنا روحت لحسن فعلا و قالى مابيشتغلش فى المانيوال , إن شاء الله هاروح لسيد قريب , شكرا مره تانيه

[ahmedzaki11]

العفو يا فندم لو روحت لسيد واسعبط برضو وقالك مابيشتغلش في المانيوال اسأل عن واحد اسمو حسن احمد برضو ميكانيكي امريكاني عموما في صقر قريش او واحد تاني بتاع فتايس اوتوماتيك مشهور بس بتاع اشتغالات شويه او وااحد جنب دياب بتاع الباور... يافطة المحل مكتوب عليها الامريكيه

[kimosdk]

شكرا عاى المعلومات دى يا باشا جزاك الله خيرا

[ahmedzaki11]

انا بجد اسف جدا .... انا سألت حسن البنا عن الموضوع
وقالي ان الفتيس محتاج يتغير
وانا بحترم رأي حسن البنا جدا
لاني مهما سألت دايما رأي حسن بيطلع دايما هوا الصح

[scaniax]

انا بجد اسف جدا .... انا سألت حسن البنا عن الموضوع
وقالي ان الفتيس محتاج يتغير
وانا بحترم رأي حسن البنا جدا
لاني مهما سألت دايما رأي حسن بيطلع دايما هوا الصح

طيب لما حضرتك عارف حسن البنا اصلا كنت بتسأل ليه عن حد تانى و روحت له و قالك مابشتغلش فى الفتيس المانيوال ؟ يا جماعة كفاية دعايه لمراكز الخدمة المنتدى ده هدفه توفير معلومات اكتر من دعايه لناس بعينهم انا برضوا اول لما جيبت ستروين قريت عن واحد بدون ذكر اسامى حسسونى انه ولى من اولياء الله و الاخر طلع شيخ منصر " افتكر ان الكلام اللى بيتكتب ربنا هيسألك عنه "
حسبى الله و نعم الوكيل

[ahmedzaki11]

شكرا يا فندم لزوق حضرتك بس في مشكله او لبس في الموضوع ان حضرتك ما اخدتش بالك ان انا اللي بقول كده وليش من لديه المشكله
حاول تراجع الموضوع من اولو قبل ما تتهم الناس بالباطل وتتحسبن عليا
احنا في رمضان

[ahmedzaki11]

اللهم اني صايم

[scaniax]

شكرا يا فندم لزوق حضرتك بس في مشكله او لبس في الموضوع ان حضرتك ما اخدتش بالك ان انا اللي بقول كده وليش من لديه المشكله
حاول تراجع الموضوع من اولو قبل ما تتهم الناس بالباطل وتتحسبن عليا
احنا في رمضان

اسف جدا يا ستاذ احمد انت عارف انا كنت مستعجل و فعلا فى لبس فى الموضوع - بجد بجد اعتذر بس كان فى تجربة سيئة مع شخص كان بيسوق مركز خدمة على قفا الناس فى منتدى ستروين
كل سنة و انت طيب بقى الصيام و عمايله

[ahmedzaki11]

ولا يهمك رمضان كريم
كلنا بنتضايق جدا من اللي بيعمل دعايه عالفاضيه والمليانه
بس لو حضرتك اخدت بالك اني في الاول غلطت في حق المكان وبعدين لما سألت حسيت اني غلطت واقل حاجه اعملها اني اعتذر واصحح المعلومه وخاصتا اني حسيت اني غلطت بدون معرفة او عن جهل مني
بس المستحيل اني اكون بعمل دعاية
كل سنة وانت طيب