كرايسلر نيون ٩٨

[bongorno]

السلام عليكم
انا جبت كرايسلر نيون وكنت محتاج اعرف ميكانيكي يكون شغال فيهم وتكون اسعاره حنينة وانا ساكن في فيصل ولو موجود ميكانيكي شاطر في منطقة تانية مفيش مشكلة

[pioneerahmed]

اشتريتها بكام؟

[mmw100100]

الاسطى سيد على(صقر قريش -المعادى)
دور كدة فى التوبكس بتاعت كرايسلر هتلاقى رقمة و عنوانة

[sohbamody]

مبروك ياباشا العربية الجديده وياريت لو انت عرفت حد فى فيصل قلى انا ساكن قريب ومعرفش غير سيد فى صقر قريش برده

[sohbamody]

عرفت انه فى واحد شغال فى العربيه دى من واحد بيبيع عربيته فى فيصل

بيقول الميكانيكى عند طلعه الدائرى صفط اللبن بيشتغل فيها

اسمه صبرى وشغال تقريبا فى كل الامريكانى انا مروحتلوش ومعرفش بصراحه هو كويس ولا لا بس قلت افيدك على الاقل لو فى حاجه طارئة فى العربيه
وزى ما الشباب قالو فى المنتدى فى ميكانيكيه وورش ليها فى صقر قريش والحرفيين

متخصصين فيها وانا لما نزلت صقر قريش شوفت كرايسلر كتير هناك

[Anubies]

عرفت انه فى واحد شغال فى العربيه دى من واحد بيبيع عربيته فى فيصل

بيقول الميكانيكى عند طلعه الدائرى صفط اللبن بيشتغل فيها

اسمه صبرى وشغال تقريبا فى كل الامريكانى انا مروحتلوش ومعرفش بصراحه هو كويس ولا لا بس قلت افيدك على الاقل لو فى حاجه طارئة فى العربيه
وزى ما الشباب قالو فى المنتدى فى ميكانيكيه وورش ليها فى صقر قريش والحرفيين

متخصصين فيها وانا لما نزلت صقر قريش شوفت كرايسلر كتير هناك

اهو الاسطي صبري ده فعلا محترف وراجل فاهم علشان كان شغال في توكيل عز العرب 20 سنة
ومصنعية كلام فاضي وراجل فاهم هو بيعمل ايه لان عنده عربيه زيها وشغله كله كرايسلر وجيب وبورش
انا مبعملش عربيتي غير عنده
مع احترامي للاعضاء الاسطي سيد ولا خالد نيون لا يفقهوا اي حاجه في العربية غير فك وتركيب بتوع صقر قريش