البوجيهات غرقانه زيت

[Anubies]

العربية كرايسلر نيون 97
العربيه بتأخر جامد في الدوارة
قولت ابص علي البوجيهات
لقيت بوجيه واحد بس غرقان زيت من فوق عند الماسورة الي في الفيشه ومن تحت عند الشمعه
نضفت البوجيه وشغلت العربيه ونطرت الزيت الي موجود وركبت واحد جديد
ببص انهارده لقيت نفس البوجيه جايب زيت جامد من فوق ومن تحت بردوا
وفي بوجيه تاني نفس القصه
الاتنين التانيين مفيهومش حاجه
والعربية سحبها ممتاز ومفيش اي دخان ابيض
ياتري ده ايه افيدونا
في ميكانيكي قالي ده اويلسيل وش التاكيهات
هل ده كلام مظبوط
ولو هو ده فعلا الاقي الاويلسيل ده فين ولو في حاجه ينفع تتعدل وتركبله

[Abo_Mazen]

هي المشكلة إن الزيت من تحت عند الشمعه ..عارف لو كان الزيت لغاية السن بس ..يعني من فوق لغاية السن ..كنا قلنا أويسلات تاكيهات ..عموما ..سواء كانت الشنابر بتهرب زيت ..أو أويلات تاكيهات هي اللي بتعمل كده ..إنت هتفك الوش ..اللي هو وش السلندر يعني ..وبالمره إبقى إعمل إختبار المياه اللي بيعملوه مع البساتم ..ما هو كده أو كده الوش هيتفك يبقى بالمره

[mazdaprotege]

فى حل سلمى جربه الأول
هتفك سلوك البوجيهات و تطلع البوجيهات بره و تنضفهم كويس هتلاقى جراب معدن جوه الوش حاول تلاقى حاجه معدن و دق عليه بفن و بالراحة لحد ما يدخل و يبات مكانه جوه الوش و ارجع ركب البوجيهات و الأسلاك و دور و ماشى و ادعيلى
الجراب المعدن ده لو طالع فوق شويه يخلى البوجيهات تغرق زيت
و ماتخليش ميكانيكى يشتغلك

[Anubies]

الله يفتح عليكم ويباركلكم يارب
mazdaportege واحد صاحبي قالي ان العربية مش بتجيب زيت من تحت ولا حاجه هو القصه كلها ان الزيت من فوق مكان جوان التاكيهات ولما بتفك البوجيه الزيت بينزل علي الشمعه
فا انا هجرب الحل الي حضرتك قولتلي عليه ده
والف شكر لردك

[Mecha]

الله يفتح عليكم ويباركلكم يارب
mazdaportege واحد صاحبي قالي ان العربية مش بتجيب زيت من تحت ولا حاجه هو القصه كلها ان الزيت من فوق مكان جوان التاكيهات ولما بتفك البوجيه الزيت بينزل علي الشمعه
فا انا هجرب الحل الي حضرتك قولتلي عليه ده
والف شكر لردك

اذا كان ذلك كذلك ,يبا الرنجات الاربعه اللي الصوره بيسربوا ,بيحبكوا غطا التكيهات مع المواسير ,ومتحلش وش السلندر

[Anubies]

اذا كان ذلك كذلك ,يبا الرنجات الاربعه اللي الصوره بيسربوا ,بيحبكوا غطا التكيهات مع المواسير ,ومتحلش وش السلندر

يعني ادجيب جوان ولا اجيب الرنجات دي ؟؟؟
وموجوده فين او لو في بتوع عربية تانيه يركبوا عليها يبقي احسن من اللف

[mmw100100]

الاستاذ مروان منور والله ياباشا ,شوف انا كان عندى نفس المشكلة و اشتريت Gasket set كلة و بردو عندى بوجية لسة بيجيب زيت و فى الاخر طلع ان الماسورة ما كنتش دخلة كويس كانت عاوزة " دقيتين" زى ما زميلنا المحترم الاستاذ خالد لما قالك :)
بس خد بالك من حاجة مهمة جدا لازم تشترى سيلكون حرارى و تعمل بية الماسورة من نحية الموتور العموم شوف اللينك دة و هيساعدك كتير :)

https://www.youtube.com/watch?v=-Dp4RoEW1N0

[Anubies]

الاستاذ مروان منور والله ياباشا ,شوف انا كان عندى نفس المشكلة و اشتريت Gasket set كلة و بردو عندى بوجية لسة بيجيب زيت و فى الاخر طلع ان الماسورة ما كنتش دخلة كويس كانت عاوزة " دقيتين" زى ما زميلنا المحترم الاستاذ خالد لما قالك :)
بس خد بالك من حاجة مهمة جدا لازم تشترى سيلكون حرارى و تعمل بية الماسورة من نحية الموتور العموم شوف اللينك دة و هيساعدك كتير :)

https://www.youtube.com/watch?v=-Dp4RoEW1N0

تسلم استاذنا الفاضل