برجلة السيارة مع لف الدريكسيون

[Schwarzenegger]

السلام عليكم أعضاء وخبراء المنتدى الكرام
أرجو مساعدتى - سيارتى عند تحريك الدريكسيون تبرجل وتتبرجل عدد لفات المحرك وفى بعض الاحيان تبطل - عند تحريك الدريكسيون وليس شرط كسره على الاخر أثناء المشى او الوقوف - كرايسلر نيون 1997

[ahmed.biso13]

حاول تبص على قواعد الماتور سليمة ولا لا

[Schwarzenegger]

شكرا طبعا على الرد
القواعد سليمة ... بس ايه علاقة القواعد بالدريكسيون وبرجلة الماتور وال rpm
أنا شاكك فى حاجة كده هقولها بعدين بس مستنى ردود خبراء الكرايسلر الافاضل طبعا

[Schwarzenegger]

فين الخبراء ياجماعة 39 مشاهدة ورد واحد

[MADMIDO]

انا معرفش عشان افتي بس واضح انها عفشه او حاجه شبه كده في ورشه امريكاني في فيصل جنبك دي الي اقدر ادلك عليها في اخر فيصل كفر غطاطي جنب جامع عبد الله افندي هاني و عمرو صنايعيه كويسين بس اوعي تخليهم يشترو ليك قطع غيار هاتها بنفسك او انزل معاه

[م/أحمد عبد الفتاح]

شوف دايرة الباور بتاعة الدركسيون هل زيت الباور ناقص - هل زيت الباور غامق ومتوسخ - هل الطلمبة بتعمل صوت - شوف كمان خراطيم الفاكيوم تكون فيها حاجه مقطوعه او مخلوعه من مكانها - اكشف على التياش بتاعة الاسكاترا هل فيها حاجه معووجه ولا سليمة .

[م/أحمد عبد الفتاح]

ممكن كمان لو سرعة الايدل للموتور واطية شوية يحصل كده

[Schwarzenegger]

فى سويتش راكب على الاسكاترا بتاع ضغط زيت الباور هو ده اللى انا شاكك فيه .... لو حد مقيدنى يقول .... مستنى الاراء

[م/أحمد عبد الفتاح]

وارد جدا - هى المشكلة غالبا فى دايرة الباور

[Schwarzenegger]

يعنى مش مشكلة فى السلانسيه ولا البوابة ولاحاجة زى كده