ماشترييتش الفيكترا 95

[nayad_s]

انا متشكر لكل الشباب اللي شاركوني موضوع الفيكترا 95 سعرها كام واخص بالشكر طناني باشا. العربية دي كانت معروضة على بـ 50000, أنا نزلت السوق النهاردة لقيت المبلغ دا يجيب موديل 98 و 99 مانيوال 1600. كنت عايز اعرف معلومات على الموديل دا زي سعره وقطع غياره. أعطاله؟ وكل اللي عنده معلومة ياريت يفيدني بيها اكون شاكر جداااا وتحياتي لعصابة الأوبل واخلاقها

[nab!l]

شكرا

[lancerevolution]

السعر ممكن يوصل ل 55
اهم حاجة التكيف يكون سليم و شغال
قطع الغيار ما تفرقش فى السعر قوى عن ال 95 مش الفرق الكبير يعنى قطع الغيار موجودة إستيراد و جديد عادى جدا
دا كل الى فى بالى دلوقتى
بس العربية جميلة جدا و أحسن من مثيلاتها فى نفس سنة الموديل

[N.a.j.d]

كلام 10 ع10

[nayad_s]

انا كدا كان مضحوك عليا في الـ 95؟ ولا كان سعر طبيعي؟

[tananybasha]

سعر طبيعى ايه يا عم فى عربية خرده زى دى
خلاص يا اخوانا انا عايز فى عربيتى 55000 جنيه فابريكه جوه و بره مواصفات خاصه رياضية 2000 سى سى سبويلر و جنوط اسبور نازله بيهم و انا تانى مالك و الصالون زيرو و تكييف تلاجة
مش من حقى بقى

[tananybasha]

حاجة تانية السعر ده يجيب 1.6 بس مش ال 100% لازم السعر يعلى شويه يعنى على الأقل فوق 3000-5000 جنيه عشان تحس انك راكب عربية محترمه
انا و انا جاى دلوقتى اتفرجت على عربية واحد صاحبى شاريها امبارح فيكترا 97 - 1.6 مانيوال - لونها ذهبى غامق ( لون غريب كده ) العربية اقسم بالله العظيم و ربنا يحفظها فابريكه جوه و بره و متفكش فيها مسمار حتى فوانيس ورا بحالتها الأصلية و قدام كذلك و مش متغيرين و عامله 102000 كم و كاوتش ميشلان و بطارية جداد
بس هو خداها غالية لحالتها الشاذه خدها ب 60000 بس العربية مش عايزه جنيه مصاريف

[N.a.j.d]

ايوا ياباشا دي بتستاهل 60000

[Ahmad Allawy]

لأ للأسف الرقم ده عالي عليها جدا.. و صاحبها مكانش هيعرف يبيعها بالسعر ده لو كنت سيبته شوية..
عشان كان في واحدة للبيع بس مشوفتهاش.. موديل 99 1.5 الف كم فقط لونها كحلي فبريكة برة و جوة.. تاني يد.. صيانة دورية.. كان مطلوب فيها 49 الف جنيه و معرفش يبيع بسرعة كمان..
و التكييف شغال و كل الكماليات شغالة بكفاءة..
معني كده انها لو احسن حالة في الدنيا.. و تقريبا نفس المواصفات.. متزيدش بأي حال عن ال55 الف جنيه.. و هاقولكم مثل كمان..
واحد قريبي كان معاه فيكترا 2000 برضه 1.6 مانيوال.. و مكانش فيها حاجة محتاجة تتعمل خااااااالص.. ولا الهوا فعلا كانت تحفة.. (كنت هاشتريها منه اصلا بس النصيب بقي.. :) ) و الكلام ده من حوالي 5 شهور.. و اتباعت ب 56.5 و الكلام ده قبل ما الاسعار تقع قوي زي دلوقتي..

الخلاصة.. السعر باي حال لا يزيد عن ال55 الف في الموديلات اللي قبل 2001.. من اول 2001 لحد 2003 و الكلام كله علي 1.6 مانيوال لا تزيد عن ال60 ابدا..

[N.a.j.d]

منورنا ياباشا

[tamertamer]

اة الاسعار دية يا جماعة لا مبالغ فيها جدا جدا جدا
السعار حسب السوق كالتالى
95 تعمل ما بين 30 الى 37 الف لا اكثر
96 بتعمل ما بين 43 الى 47
97 98 99 ما بين 45 الى 51
2000 الى 2003 ما بين 55 الى 68
ودة حسب الاتى
1600 المنوالى المتور القديم 55 الى 59
1600 الاوتو المتور الجديد ما بين 58 الى 62
2000 اليكو تك ما بين 60 الى 70 ومتجبهمش كمان
cdx دية حاجة تنية وحسب التقيم العام

[N.a.j.d]

الله ينور ياباشا

[helmy537]

اة الاسعار دية يا جماعة لا مبالغ فيها جدا جدا جدا
السعار حسب السوق كالتالى
95 تعمل ما بين 30 الى 37 الف لا اكثر
96 بتعمل ما بين 43 الى 47
97 98 99 ما بين 45 الى 51
2000 الى 2003 ما بين 55 الى 68
ودة حسب الاتى
1600 المنوالى المتور القديم 55 الى 59
1600 الاوتو المتور الجديد ما بين 58 الى 62
2000 اليكو تك ما بين 60 الى 70 ومتجبهمش كمان
cdx دية حاجة تنية وحسب التقيم العام

طيب ياتامر فكترا cd 2000 سىسى الماتور ابو كامه واحده اتوماتيك تعمل كام فى نظرك وايه الفرق بين السى دى والسى دى اكس

[N.a.j.d]

نستنى رد تامر باشا

[tananybasha]

طيب يا تامر انا معايا عربية تعد حالة نادرة فى وجودها يعنى عددها قليل
1. 2000 سى سى
2. مانيوال
3. جنوط اسبور اصلى المانى جاية نع العربية
4. اسبويلر خلفى
5. فابريكه جوه و بره
6. فيها خبطات بسيطة بس مش هاعملها
تسوى كام من وجهة نظرك