لمبة بتنور فى التابلوه بتاع اوبل كورسا 2004

[HEEEEERO]

فى لمبة بتنور اصفر كدة جنب اللمبة بتاعت الاعطال اللى هى عبارة عن مفتاح انجليزى كدة
بتنور اول ما اوصل لسرعة 100 كيلو متر تفضل تنور وتنطفى سالت واحد بيقولى دى لمبة الشكمان وسالت واحد تانى يقولى دى لمبة فلتر البنزين مش عارف يا جماعة دى لمبة ايه

العلامة يا جماعة عاملة زى ما تقول كدة كاميرة الفيديو اللى هى المحمولة دى او على هيئة صليب معوج كدة بس مش متناسق

افيدونى بليييييييييييييييييييييييييييز

[tananybasha]

دى علامه شفره المفتاح و الصيانه الدورية ثوانى عندى صورتها

[tananybasha]

دى صورتها و هى ليها علاقه بتشفير المفتاح و الصيانه الدورية

[N.a.j.d]

باشا دي ليها كزا مشكله لما تنور افحص ع الكمبيوتر وح يبان معاك ايه بزبط
احتمال كبير مشكله ف البوجيات روح افحص ربنا يسهل

[N.a.j.d]

لما البوجيات تبوظ الاشاره دي بتنور لو في مشكله ف السنتر بتبقى ترمش ع طول ولو فضلت منوره ممكن يكون البوجيات افحص و حيبان معك

[tananybasha]

ممكن البوجيهات تخلى اللمبة دى تنور؟
اللى اعرفه انها ضمن الصيانه الدورية برضوا صح و لا انا غلطان عشان صاحب الموضوع ميهبش فيا تانى و يقول انى بفتى و مش فاهم

[N.a.j.d]

ههه لا ياباشا تفتي ايه
اشاره الصيانه دوريه مش دي
اصلا الصيانه دوريه بتظهرلك كلمه insp يعني روح افحص واعملها صيانه
الكلام دا موضح عندي الكاتلوج الاسترا
اه لما يكون في حاجه غلط ف البوجيات بتنور دي

[tananybasha]

اه فهمت كده

[N.a.j.d]

عشان نتاكد اكتر كمان رووح افحصها ع الكمبيوتر ببان معاك اكتر العطل فين وربنا يوفقك ان شاء الله بسيطه

[Ahmad Allawy]

هو علي حسب معني اللمبة دي في الكتالوج ايه..
يعني في الاسترا لو بتنور متواصل يعني المفاتح المشفر فيه مشكلة.. ولو متقطع بطريقة معينه.. يبقي في حاجة في دورة البنزين و التغذية فيها حاجة علي ما اذكر.. وموضوع البوجيهات ده كان حصل مع اخونا نجد.. عشان كده هو بيقولك كده..
اكشف بالجهاز.. و اسأل حد متخصص. عشان ممكن يكون دليل اللمبة دي مختلف من موديل للتاني.. بس اعتقد انه نفس الكلام مش مختلف..

[tananybasha]

انا اللى اعرفه خطأ فى التشفير باقى الحاجات الله اعلم

[haitham gazaly]

ههه لا ياباشا تفتي ايه
اشاره الصيانه دوريه مش دي
اصلا الصيانه دوريه بتظهرلك كلمه insp يعني روح افحص واعملها صيانه
الكلام دا موضح عندي الكاتلوج الاسترا
اه لما يكون في حاجه غلط ف البوجيات بتنور دي

والله يا نجد بيه الكلمة دى بتظهر عندى اول مدور العربية وبعد كده بتختفى ويظهر عدد الكيلوات اللى عملها العربية

[tananybasha]

اعتقد ان ده طبيعى تنور و بعدين تطفى

[HEEEEERO]

يا جماعة اصلا مش دى اللمبة اللى انا اصدى عليها التانية شكلها غريب كدة هى مش على هيئة مفتاح كدة دى على هيئة مش عارف هيئة حاجة شكلها غريب بس انا اعرف ان اللى انا اصدى عليها دى بتاعت مشكلة فى الموتور مش لمبة الصيانة دى وحدة تانية كدة ومشهورة اوى فى اى اوبل يا طنانى وفى بعض الكتالوجات زى الفيكترا 2008 معناها ان الشكمان فى مشكلة وبعض الكتالوجات ان فلتر البنزين فى مشكلة ومش عارف اعمل ايه ولسه كام يوم واروح التوكيل

[Ahmad Allawy]

والله يا نجد بيه الكلمة دى بتظهر عندى اول مدور العربية وبعد كده بتختفى ويظهر عدد الكيلوات اللى عملها العربية

ده طبيعي.. بتقولك ان الكومبيوتر بيعمل تشك علي العربية قبل ما تدور.. و لو راحت علي كده خلاص.. لكن لو فضلت موجوده يبقي في حاجة مش مظبوطة..

اعتقد ان ده طبيعى تنور و بعدين تطفى

كلام صح وزي الفل..

يا جماعة اصلا مش دى اللمبة اللى انا اصدى عليها التانية شكلها غريب كدة هى مش على هيئة مفتاح كدة دى على هيئة مش عارف هيئة حاجة شكلها غريب بس انا اعرف ان اللى انا اصدى عليها دى بتاعت مشكلة فى الموتور مش لمبة الصيانة دى وحدة تانية كدة ومشهورة اوى فى اى اوبل يا طنانى وفى بعض الكتالوجات زى الفيكترا 2008 معناها ان الشكمان فى مشكلة وبعض الكتالوجات ان فلتر البنزين فى مشكلة ومش عارف اعمل ايه ولسه كام يوم واروح التوكيل

اعمل بحث علي جوجل علي الكلمة دي check engine light
ولو اللمبة اللي تقصدها واحدة من النتايج بتاعت البحث ده يبقي هي معناها انك محتاج تكشف بالكومبيوتر.. عشان تعرف سبب المشكلة فين.. عشان دي بيبقي معناها ان في حساس بيخرف..و محتاج تعرف كود المشكلة عشان تعرف انهي واحد..