بفكر فى حاجة ياريت الناس تدخل

[kimonesta]

انا بقالى فترة بفكر فى موضوع كدة و واحد قريبى هو اللى مدخلة فى دماغى اوى المهم انا عيز مكنة 2000 ايكوتيك بس مانيوال علشان مش بحب الاوتو انتم اية رائيكم فى الماكنية دى هل تستاهل
و انا عندى العربية 1600 كنت عيز اعرف
1 فرق استهلاك البنزين كام و 2000 بيعمل كام فى الصفيحة
2 اية اللى هيتغير مع الماتور

[tananybasha]

هى المشكله مش فى الأستهلاك بتاع البنزين هتلاقيه احسن من 1600
المشكله بقى انك تلاقى الموتور ده مانيوال مش اتوماتيك
ثانياً اللى هيتغير مع الموتور كل حاجة خاصة بالموتور
قواعد
فتيس
سربنتينه
رديادتير
ضفيرة كهربا
طنابير ورا تتحول لسكاكين
هيصه يعنى
نصيحة بيع اللى معاك و دور على واحده على ابوها

[kimonesta]

الف شكر ليك يا استاذ طنانى على الرد بس انا العربية دى بقالها معايا اكتر من سنة و متعود عليها و عجبانى و الحمد لله و مش بفكر ابيع حاليا خالص
تانى حاجة معلش على ما اعتقد ان مش مشكلة ان يكون الفتيس مانيوال ولا اوتو اعتقد ان يكون الافضل اوتو علشان يكون مش محروق كتير علية و الفتيس المانيوال موجود كتير


تالت حاجة معلش على ما اعتقد ان الريداتير مش هيتغير علشان دة مانيوال مش اوتو ولو هيتغير اصلا انا العربية بتاعتى فيها الريداتير العريض اللى بيبقى فية دورة تبريد الفتيس الاوتو

رابع حاجة معلش استحملنى لية السربنتية ههتغير ياريت تقولى لية؟

وياريت عيز حد يقولى هغير اية بضبط
والف الف شكر ليك يا طنانى على ردك و مساعدتك

[tamertamer]

بص يا حبيب قلبى اولا كل حاجة هتتغير فى الحوض لان المتور دة عريض جدا عن العادى وثقيل وكدة هتبتر تغير العفشة عشان تتحملة وطبعا انظمة الفرامل وطبعا نظام التكيف والتبريد بكل مشتملتهم
العملية موكلفة جدا وعايز نصيحة منى بلاش احسن هتدفع كتير اوى هتها على ابوها احسن 100 مرة من تقفيل الصنيعى

[kimonesta]

ما اناز عيز احسبها يا تامر انا هجيب الماكنة مانيوال اية اللى هيتغير بضبط ياريت حد يفدنى

[N.a.j.d]

بلاش تعمل حاجه بيع وربنا يوفقك وريح دماغك

[goofy_in_love]

غير العربيه احسن
مصاريف و وجع دماغ و عمرها ما هتكون زي الفابريكه اسمع كلام الشباب احسن

[ENG\AHMED]

الموتور بمشتملاتة (قواعد وكومبريسور وضفيرة وكل حاجة راكبة على الموتور) بالفتيس الاوتو بالشكمان بالتركيب كنت سألت عليهم من سنتين تقريبا هيدخلوا فى 10000
وتعديل الفرامل ورا قول 500 وغالبا مقاس الطنابير قدام اكبر بس مش عارف بكام
وحسب حالة المساعدين بالسوست عندك قدام

نصيحة لو موتورك سليم ريح نفسك احسن

[kimonesta]

يارجالة انا عندى مشكلة ان الماتور جايب جوان وش السلندر و الصوت و الكمبروسير باظ منى الاسبوع اللى فات بسببى وعندى عيز طقم دبرياج كام ووجع دماغ اانا قولت بالمارة كمان المهم انا عيز اعرف انا هجيب 2000 مانيوال ياريت حد يقولى اية اللى بيتغير مع الماتور بضبط
انا هقول اللى اعرفة لو فى حاجة تانية ياريت حد يقولى
1 الماتور بالضفيرة و بالكنترول يونت و ادوات التغذية
2 هغير الطلمبة البنزين
3 سوست قدام
4 علبتين شكمان
5 طنابير ورا
6 عدادات
كدة فى حاجة تانى ولا اية النظام ياريت حد يفدنى

[goofy_in_love]

طالما كدا كدا هتغير يبقي احسنلك تغير ل 1600 ايكوتك الاتنين كامه متور جبار بجد و هيبقي احسنلك من ال 2000 بكتير في كل حاجه دا من رايي و جوان وش السلندر مش حاجه كبيره يعني ممكن يتغير و العربيه تتظبط من غير ما تسقط متور

[kimonesta]

ياباشا انا عيز اغير بالمارة وكنت عيز اعرف معلش انت رائيك لية 1600 ايكو بدل 2000

[ENG\AHMED]

مادام الدنيا معكوكة كدة ممكن تغير
وش السلندر مش دايما ينفع معاة خراطة حسب حالتة
كدة هتغير كل الحاجت اللى قلنا عليها ماعادا الفتيس الاوتو هيبقى مانيوال
محمد مختار زميلنا هنا هو اللى عمل الموضوع دة (هتلاقى موضوع شارح فية كل حاجة)
واسأل فى الحرفيين عند هانى العايدى على الاسعار بالظبط

[Ahmad Allawy]

ممكن تركب نفس المكنة دي بس علي فتيس ال1600 المانيوال اللي هو موديل 2001 و انت طالع. الفتيس ده تجميعه اعلي شوية و اسرع من المانيوال بتاع الموديلات اللي قبل كده.. الفتيس مختلف.. اللي هو المارشير فيه ورا زي العربيات الفيات كده.. مش قدام..

هتغير معاه علي الاقل ضفيرة و كونترول يونيت.. و اكيد تكييف و مشتملاته.. و عفشة قدام مش ازمة كبيرة.. و فرامل ورا..
العدادات مش لازم بيتهيألي..

انت لو ركبت المكنة دي علي فتيس مانيوال.. خلي بالك علي نفسك بقي عشان القوة الرهيبة و الجري اللي هيحصل..

[kimonesta]

الف شكر على اهتمامك دة والله
انا بعت رسالة لاستاذ محمد مختار ياريت يدخل و يقول اية النظام
و يا استاذ احمد على فكرة تقريبا الماتور دة بينزل منه مانيوال يعنى ان شاء الله هلاقى الفتيس المانيوال موجود
وياريت حد يقولى على الاجزاء اللى هتتغير بضبط يعنى اية فى العفشه اية و اية اللى هيتغير فى الفرامل و الحوض

[ENG\AHMED]

ممكن تركب نفس المكنة دي بس علي فتيس ال1600 المانيوال اللي هو موديل 2001 و انت طالع. الفتيس ده تجميعه اعلي شوية و اسرع من المانيوال بتاع الموديلات اللي قبل كده.. الفتيس مختلف.. اللي هو المارشير فيه ورا زي العربيات الفيات كده.. مش قدام..

هتغير معاه علي الاقل ضفيرة و كونترول يونيت.. و اكيد تكييف و مشتملاته.. و عفشة قدام مش ازمة كبيرة.. و فرامل ورا..
العدادات مش لازم بيتهيألي..

انت لو ركبت المكنة دي علي فتيس مانيوال.. خلي بالك علي نفسك بقي عشان القوة الرهيبة و الجري اللي هيحصل..

هيغير العدادات ال 2.0 اخرة 260
حوار الفتيس مش قضية وملوش دعوة بالموتور انت ممكن تجيبة لوحدة