عايز اكشف ساعدوني

[MAGPC]

سلام عليكم,
لو سمحتم يا جماعة أنا كنت عايز اكشف على العربية (opel vectra A 95) كشف إنما إيه كامل مكمل لإن العربية ما شاء الله فيها كل العبر اللي في الدنيا يعني عايز اكشف على الميكانيكا والشاسيه دول المهمين حاليا,فكنت عايز اكشف عليها في التوكيل فهل ده حل كويس؟وخصوصا إن أنا كنت عايز اظبط العربية صح,غير كده هل في كشف زي ده في التوكيل؟واسمه إيه مثلا؟وعايز برضه أعرف السعر بتاع الكشف عشان أنا هعمها بره وطبعا هاجي أسألكم لاني معرفش غيركم ربنا يخليكم ليا.
آه وحاجة كمان عايز أعرف أقرب مقر للتوكيل فين بالنسبة لحدائق القبة؟ولو شايفين حال تاني نضيف غير التوكيل يا ريت تقولوا عليه
وشكرا جزيلا

[N.a.j.d]

هوا طالب السعر كام
عموما الشباب ح تقولك تعمل ايه ولا يهمك
لانه دا مش تخصصي بزبط انا تخصصي ف الاسترا

[tananybasha]

تم الرد سابقاً بالأتى
انا عن نفسى كشفت فى مقار بس بعد ما خدت ميكانيكى و سمكرى معرفة فرزوا العربية
لما اتطمنت انها تمام رحت بيها على التوكيل و عملت كشف شامل
و فعلاً زى ما احمد قال هما اتللكوا على حاجات غريبة
يعنى عايزة ولاعه - فرش السقف فيه نقره - الفانوس الأمامى فيه ريشة مكسوره و كلام من اللى لا يودى و لايجيب
فالأفضل تعمل زى ما انت عملت و اهم حاجة تجرب الموتور و هى بارده و تشوف فيه تنتيشة و لا لأ و بعدين سيبها تسخن عشان تعرف الموتور عامل ايه و التكيييييييييييييييييف الف مره لازم يبقى شغال كويس عشان صيانته مقرفه
غير كده سمكره - دوكو - عفشة سهله و تتلم
الفوانيس قدام زى ورا ب 125 الجنب ( غريبه صح ) و الأشارتين 120 جنيه الجنبين
اكشف عليها كويس لأنك لو ما كشفتش عليها صح هتوريك النجوم فى عز الضهر
بس هضيف سؤال مطلوب فيها كام

[tananybasha]

العربية دى معلش كام سى سى
2000 و لا 1600

[HEEEEERO]

و اهم حاجة تجرب الموتور و هى بارده و تشوف فيه تنتيشة و لا لأ

طب دى انا عايز افهمها بقى يا طنانى طب لو العربية وهى بردة فيها تنتيشة يبقى الموتور حلو ولا وحش ؟؟؟ اصل انا عندى لو مشيت بالعربية باردة مش بلاقى تنتيشة ولا حاجة بحس ان العربية ماشية عادى من غير اى حاجة كانها سخنة بالظبط هو كدة خطر ولا ايه فهمنى يا باشا لو سمحت

[N.a.j.d]

لو مفيش نتشه يبقى تمام والحمدلله

[HEEEEERO]

طب الحمد لله يا استرادتى

[N.a.j.d]

الواحد يخلي باله من عربيته احسن له

[MAGPC]

تم الرد سابقاً بالأتى
انا عن نفسى كشفت فى مقار بس بعد ما خدت ميكانيكى و سمكرى معرفة فرزوا العربية
لما اتطمنت انها تمام رحت بيها على التوكيل و عملت كشف شامل
و فعلاً زى ما احمد قال هما اتللكوا على حاجات غريبة
يعنى عايزة ولاعه - فرش السقف فيه نقره - الفانوس الأمامى فيه ريشة مكسوره و كلام من اللى لا يودى و لايجيب
فالأفضل تعمل زى ما انت عملت و اهم حاجة تجرب الموتور و هى بارده و تشوف فيه تنتيشة و لا لأ و بعدين سيبها تسخن عشان تعرف الموتور عامل ايه و التكيييييييييييييييييف الف مره لازم يبقى شغال كويس عشان صيانته مقرفه
غير كده سمكره - دوكو - عفشة سهله و تتلم
الفوانيس قدام زى ورا ب 125 الجنب ( غريبه صح ) و الأشارتين 120 جنيه الجنبين
اكشف عليها كويس لأنك لو ما كشفتش عليها صح هتوريك النجوم فى عز الضهر
بس هضيف سؤال مطلوب فيها كام

أولا متشكر على الردود,(2000 سي سي مانيوال )أنا يا جماعة كنت عايز اكشف عليها في التوكيل عشان الحاج عايز يسلمهالي بس ما شاء الله العربية مشنة بمعنى الكلمة وإذا كانوا بيتلككوا فعلا يبقى ده عز الطلب,واصلا العربية مليانة حاجات ياما عايزة تتعمل من أول الموتور اللي سحبه ميت وصوته وحش جدا عامل زي العربية النقل وبينتش في الدوارةوتسريب مية ,والفتيس تقيل وتقريبا بيعضعض,غير اللي في الدواخل والدهان والكهربا والفرش يعني كل حاجة فيها بايظة,فـأنا كنت عايز اكشف عليها كشفة حلوة,عشان ديه مش هتتباع ديه عشرة عمر وهي أصلا كانت تعاني من اهمالنا,لذلك إن شاء الله اكشف عليها و اخد قائمة بالحاجات اللي عايزة تتعمل(طبعا أطول مني)وبعدين أعملها واحدة واحدة,بس كنت عايز أعرف أقرب توكيل لحدائق القبة ويا ريت لو حد معاه رقم مركز خدمة.
غير كده هو اسم الكشف ده إيه؟وبيكلف كام؟

[N.a.j.d]

ولا يهمك ياباشا اكشف ع العربيه وقولنا عملت ايه
الشباب هنا ح تقولك تروح فين بزبط ويكون قريب عليك

[Ahmad Allawy]

لأ اصبر بقي لما طناني باشا يرد عليك.. عشان هي نفس عربيته..
كده بالحالة اللي بتقول عليها دي يبقي اصرف نظر.. حتي لو اخدتها ب 15 الف جنيه و ده مستحيل.. عشان تشد موتور و فتيس و عفشة و تكييف و دواخل و خوارج.. هتصرف عليها اكتر من 20 الف جنيه..
هتبقي مش جايبة همها..

[tamertamer]

أولا متشكر على الردود,(2000 سي سي مانيوال )أنا يا جماعة كنت عايز اكشف عليها في التوكيل عشان الحاج عايز يسلمهالي بس ما شاء الله العربية مشنة بمعنى الكلمة وإذا كانوا بيتلككوا فعلا يبقى ده عز الطلب,واصلا العربية مليانة حاجات ياما عايزة تتعمل من أول الموتور اللي سحبه ميت وصوته وحش جدا عامل زي العربية النقل وبينتش في الدوارةوتسريب مية ,والفتيس تقيل وتقريبا بيعضعض,غير اللي في الدواخل والدهان والكهربا والفرش يعني كل حاجة فيها بايظة,فـأنا كنت عايز اكشف عليها كشفة حلوة,عشان ديه مش هتتباع ديه عشرة عمر وهي أصلا كانت تعاني من اهمالنا,لذلك إن شاء الله اكشف عليها و اخد قائمة بالحاجات اللي عايزة تتعمل(طبعا أطول مني)وبعدين أعملها واحدة واحدة,بس كنت عايز أعرف أقرب توكيل لحدائق القبة ويا ريت لو حد معاه رقم مركز خدمة.
غير كده هو اسم الكشف ده إيه؟وبيكلف كام؟

بالحالة دية انت تجبلك عربية كملة متقطعة احسنلك وتاخد هنا وتحط هنا ارخص بكتير دة لو سعتك مبتقول لانك لو فصصتها هتقع عليك غلية وبيع الحجات قلى تتبقا والحجات قلى تطلع من عربيتك هتعمل معاك بتاع 8 الى 10 بس هتركب عربية تتركب مش مشنة

[N.a.j.d]

تماااااااام باباشا

[Ahmed Selim]

فى توكيل معتمد قريب من أحمد سعيد أسمه عاطف غالى

كنت بتعامل معاه من 4 سنين كده......أسعاره معقولة و فاهمين كويس.

مكانهم عند كوك دور اللى فى شارع رمسيس أدخل أول يمين يقابلك بحيث أنك تبقى ماشى تقريباً عكس أتجاه شارع رمسيس ( أفتكر الشارع أسمه شارع السكاكينى ) و بعد حوالى 50 أو 60 متر هتلاقيه على شمالك.

[N.a.j.d]

عاطف غالي سمعت عنه انه وحش