استفسار عن صيانة أوبل فيكترا 1997 1600

[fekriano]

أنا كنت لسه شاري عربيه أوبل فيكترا 1997 1600 سي سي و عايز أعرف أعمل الصيانة بتاعتها فين
يعني أنا عايز أغير الفلاتر و السيور والبوجيهات و التيل أعمل الكلام ده فين هل في التوكيل ولو في التوكيل هيبقى بكام ؟؟؟ وهل في حد بره التوكيل ممكن أعملها عنده و يكون حنين في الفلوس و كويس في الشغل برده وهل في مكان كويس أشتري منه قطع الغيار يكون رخيص ؟؟؟
ياريت اللي يعرف يفيدني بايه الأفضل يتعملفي التوكي ل و أسعاار التوكيل ايه عشان أن لسه أول مره أتعامل معااه يعني و أنهي أحسن منصور شيفروليه ولا مقاار ؟؟؟؟


شكراا

[tamertamer]

اولا عربيتك هى عربيتى بظبت
بص ياسيدى اولا التوكيل هتصرف مبلغ محترم هتصرف نصة او اقل كمان وعايز اقولك حاجة العربية بتعتنا التكنولوجيا بتعتها ضعيفة جدا مفيهاش فتى خصوصا فى الصيانة الدورية انا هتحتاج ميكانيكى خاص بالاوبل بس عشان يبقا عارف هو بيعمل اة بس كدة انت ساكن فين وحنا نوصفلك مكنيكى كويس تروحلة - قطع الغيار متوفرة بكثرة (التوفقية - شارع دمشق - امركن استارز - جسر السويس ) المحلات كتير اهم حاجة تبقا عارف الانواع قلى انت لازم تشتريهاء عندك فى السيور البوش والجودير goodyear كويسين الفلاتر عندك الفيبى كويس
بلية الكتينة والاصلية لان تقل باى شكل من الاشكال عن 200 وهى كندى ومحفور عليها صناعة كندية وفى ختم فوق شوية كدة تعرف انها اصلية خلاف ذالك مضروبة وخلى بالك من الحفر عشان الاصلى باين جدا والبوجيهات يتجيب gm او البوش مع افضلية طفيفة للgm وطرنبة المية الفيبى كويسة اوى
وهديك نصيحة
1- تعمل اجندة وتحطها فى الطبلوة تكتب فيها كل شىء هتفيدك جدا وتاخد كروت كل بتوع قطع الغيار قلى ترحلة عشان بعد كدة ترفع السماعة تعرف انت عايز اة وبكام وتدبسهم فى الاجندة
2- اياء تجيب حاجة فى المكنيكا مش المانى واصلى عشان متندمش وخصوصا الكهرباء كمان (الاستيراد كتير وزى ما انت عايز)
3-اياك تهمل فى العربية عشان متفتحش منك وخليك ديما مخلى بالك من الحرارة وتشوف دورة المية بتنقص كدة
4- حط فى الطبلوة اى كتاب بتاع ربنا عشان يستر طريقك وربنا معاك ولو عزت اى حاجة انا تحت امرك انا حافظ العربية دية عن ظهر قلب

[N.a.j.d]

الله ينور عليك

[honda forever]

اولا عربيتك هى عربيتى بظبت
بص ياسيدى اولا التوكيل هتصرف مبلغ محترم هتصرف نصة او اقل كمان وعايز اقولك حاجة العربية بتعتنا التكنولوجيا بتعتها ضعيفة جدا مفيهاش فتى خصوصا فى الصيانة الدورية انا هتحتاج ميكانيكى خاص بالاوبل بس عشان يبقا عارف هو بيعمل اة بس كدة انت ساكن فين وحنا نوصفلك مكنيكى كويس تروحلة - قطع الغيار متوفرة بكثرة (التوفقية - شارع دمشق - امركن استارز - جسر السويس ) المحلات كتير اهم حاجة تبقا عارف الانواع قلى انت لازم تشتريهاء عندك فى السيور البوش والجودير goodyear كويسين الفلاتر عندك الفيبى كويس
بلية الكتينة والاصلية لان تقل باى شكل من الاشكال عن 200 [gdwl]وهى كندى [/gdwl]ومحفور عليها صناعة كندية وفى ختم فوق شوية كدة تعرف انها اصلية خلاف ذالك مضروبة وخلى بالك من الحفر عشان الاصلى باين جدا والبوجيهات يتجيب gm او البوش مع افضلية طفيفة للgm وطرنبة المية الفيبى كويسة اوى
وهديك نصيحة
1- تعمل اجندة وتحطها فى الطبلوة تكتب فيها كل شىء هتفيدك جدا وتاخد كروت كل بتوع قطع الغيار قلى ترحلة عشان بعد كدة ترفع السماعة تعرف انت عايز اة وبكام وتدبسهم فى الاجندة
2- اياء تجيب حاجة فى المكنيكا مش المانى واصلى عشان متندمش وخصوصا الكهرباء كمان (الاستيراد كتير وزى ما انت عايز)
3-اياك تهمل فى العربية عشان متفتحش منك وخليك ديما مخلى بالك من الحرارة وتشوف دورة المية بتنقص كدة
4- حط فى الطبلوة اى كتاب بتاع ربنا عشان يستر طريقك وربنا معاك ولو عزت اى حاجة انا تحت امرك انا حافظ العربية دية عن ظهر قلب

إنت متأكد إن الأصلى كندى؟
محتاج تأكيد بس

[tamertamer]

إنت متأكد إن الأصلى كندى؟
محتاج تأكيد بس

طبعا وبلا اى شك 100 فى 100 واى حد يقول غير كدة بيفتى بيفتى

[N.a.j.d]

اتكل ع الله

[fekriano]

هو أنا ساكن في الدقي وتقريبا هي نفس عربيتك فعلا حتى في اللون لأنها بيضه
أنا نزلت النهارده التوفيقيه جبت تيل و فلاتر هوا و بنزين وبعد مرحت للميكانيكي الراجل لقى التيل زي الفل رغم انه بيصفر مش عارف ليه يا ريت حد يفيدني و كمان و أنا ماشي سامع صوت صوصوة عصافير الميكانيكي قاللي الإكسدام عايز يتثبت بس الراجل قللي مش محتاج بو جيهات ولا الفلاتر ولا التيل حتى بس قاللي هات سيور كاتينا و دينامو عشان دول كده كده لازم يتغيروا بس أنا كنت متضايق من سحب العربيه أصلي كان معايا فيرنا 2009 بس أنا بحب الألماني أو الاوروبي عموما قسيبتها لأخويا وجبت الفيكترا وهي ما شاء الله لحد دلوقتي مفهاش مشاكل بس أنا بغير لزيادة الأمان ده حتى الميكانيكي النهارده كان عايز يقللي امشي من هنا انت بتستهبل العربيه مفهاش حاجه حتى السحب قللي كويس حد يقللي ايه موضوع السحب ده
أنا أول امبارح كنت بشد مع صاحبي معاه فيكتراا 2008 1600 طلع مني بفرق كبير قووييي تقريبا فرق ال 11 سنه ف أنا قلت أكيد عندي حاجه أو لازم أحرق قوي على النقله أصلي برده محرقتش للآخر يعني
بس بأمانه ماشاء الله ماسكه نفسها بلا فيرنا بلا بتاع وثابته ما شاء الله وقطع غيارها كمان رخيصه مش غاليه يعني أنا لقيت الفانوس الجديد الأمامي ب 190 في التوفيقيه و أسعار تمام قوي بجد شكرااا على المعلومات ديه

[M.A.EL-SATAR]

بص ياباشا انا لسه عامل شوية حاجات كدة ودي اسعار المصنعيات عند منصور طبعا مفتري بس انا الصراحة اتعمالت مع الصنايعية وكان حظي معاهم وحش بس النصيب
104 جم تغير شداد وسير الكاتينة
80 تغير سير محرك ؟؟؟؟؟؟؟؟؟؟؟؟؟؟؟
56 تغير جيوان الكوعة المية
96 تغير اويل سيل طلمبة الزيت
16 سحب هوا من الفرامل
طبعا قع الغيار من برة وربنا يستر
160 سيرين ايطالي
220 بلية الكتيننة محفور عليه كندي من برة زي اللت اتشالت بس من جوة البلية ska كوري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
55 جيوان غطا تاكيها وربنا يسامحنى( استغفر الله العظيم ) وانا براحع الفاتورة لاقيتهم مش كاتبين مصنعية تغيرة ومش فاضي ارحلهم
125 بوجيهات gm
90 اويل سيل طلمية الزيت
الصراحة انا عملت الحاجات دي عند منصور الطيران وجبت قطع الغيار من الماركت اللي البنزينة منصور رابعة العدوية وطبعا اكيد مدحوك عليا في قطع الغيار بس للاسم انا كان يوم عندي مشوال والحمد لله خلصته بدري قلت ادخل اعملها واخلص وكله بالفيزا لحد ما ربنا يسهل
العربية فيكترا 1997

[فادى محمد]

هو أنا ساكن في الدقي وتقريبا هي نفس عربيتك فعلا حتى في اللون لأنها بيضه
أنا نزلت النهارده التوفيقيه جبت تيل و فلاتر هوا و بنزين وبعد مرحت للميكانيكي الراجل لقى التيل زي الفل رغم انه بيصفر مش عارف ليه يا ريت حد يفيدني و كمان و أنا ماشي سامع صوت صوصوة عصافير الميكانيكي قاللي الإكسدام عايز يتثبت بس الراجل قللي مش محتاج بو جيهات ولا الفلاتر ولا التيل حتى بس قاللي هات سيور كاتينا و دينامو عشان دول كده كده لازم يتغيروا بس أنا كنت متضايق من سحب العربيه أصلي كان معايا فيرنا 2009 بس أنا بحب الألماني أو الاوروبي عموما قسيبتها لأخويا وجبت الفيكترا وهي ما شاء الله لحد دلوقتي مفهاش مشاكل بس أنا بغير لزيادة الأمان ده حتى الميكانيكي النهارده كان عايز يقللي امشي من هنا انت بتستهبل العربيه مفهاش حاجه حتى السحب قللي كويس حد يقللي ايه موضوع السحب ده
أنا أول امبارح كنت بشد مع صاحبي معاه فيكتراا 2008 1600 طلع مني بفرق كبير قووييي تقريبا فرق ال 11 سنه ف أنا قلت أكيد عندي حاجه أو لازم أحرق قوي على النقله أصلي برده محرقتش للآخر يعني
بس بأمانه ماشاء الله ماسكه نفسها بلا فيرنا بلا بتاع وثابته ما شاء الله وقطع غيارها كمان رخيصه مش غاليه يعني أنا لقيت الفانوس الجديد الأمامي ب 190 في التوفيقيه و أسعار تمام قوي بجد شكرااا على المعلومات ديه

اهلا بيك في عصابه اوبل المفتريه شوف ياباشا ..تامر كبيرنا جابلك من الاخر حتي ماسبلناش كلام نقوله بعده الالماني كله يعيبه موضوع السحب بالمقارنه بالياباني او ابن عمه الكوري . بس بيتفوق عليه بالعزم العالي اللي بيوصل في عربيتك ل125 نيوتن وده رقم عالي جدا . يعني الفيرنا تسبق الفيكترا انما علي السرعات العاليه الفيكترا هتعديها بمراحل .بص بقه لثبات الاتنين واحكم انت .انا جبت 190 كم/ساعه وكاني ماشي 80 - نفس السرعه بلانسر 2007 اهتزازات عنيفه وعدم شعور بالامان .ربنا يباركلك فيها بس قولنا جبتها بكام وعامله كام كيلو ؟

[fekriano]

بص أنا هقولك أنا صديقي الصدوق عنده معرض هو قاللي عليها و أنا بدور على 206 ساعتها بس أنا قبل ماجيب الفيرنا كنت عايز أجيب الفيكترا ديه فلما قاللي قلت أجيبها بس هو قاللي عامله كتير و هي عامله 245 كم بس [امانه زي ما صاحبي قاللي لحد دلوقتي الميكانيكي بيشكر فيها قوي و قاللي خلي بالك منها عشان هيا عايزه معامله خاصه يعني مهملهاش و قاللي عزمها عالي جداا و كده أنا جبتها من صاحبي ب 50 ألف الصراحه و كنت حاسس انه كتير شويه بس لما ركبتها حسيت انه قليل جدااا عليها كمان ألأنا أول مره أركبها و أسوقها كان على الدائري و أنا أصلا ما بقاليش سنه بسوق يعني ور ور في السواقه لسه كنت جايب بيها 150 و باخد غرز كمان ما شاء الله إتزااان بمعنى الكلمه ربنا يحميها بس لسه عايز أشكس العربيه بقى
حد يعرف العربيه ديه كام حصان عشان انا قريت أرقام كتير يعني
اللي قاللي 75 و أنا حاسس انهم قليل على العربيه و في اللي قاللي 103 و ده معقول يعني على أوبل بس مش عارف بس هي بتتعبني قبل ال 100 بعد ال 100 طياره ما شاء الله

[tamertamer]

متحولش تجرى بيهاء لان التجميع بتعها ضعيف لان العربية دية ثقيلة فى الوزن ودة سبب ضعف غيرتهاء الاولى متحولش تطلع مع كورى انا اليابانى بدوس علية ماعد بعض العربيات بس نمط الالمانى واحد سرعات علية وخد منحنيات برحتك عشان كدة بطلع اجرى مع حد على الدائرى بتاع شرتون بخدة 180 وهو اجبارى يفرمل ههههههه كل واحد لازم يستفيد بميزة عربيتة

وكمان بيضة كمان طيب كدة اللون دة خلاص انتشر جدا فى العصابة واهلا بيك معانا وسيبك من الميكنيكى انت اعمل الصيانة كلهاء بتاعت 50 الف كيلو وبعد كدة فى صيانة جانبية كل 25 الف تقريبا تغير الفلتر والبوجيهات واكتب فى الاجندة كل حاجة مرجع العربية واهلا بيك معانا

وبالنسبة لبلية الكتينة انا قولت فى مضروب لكن الختم كمان لازم عشان تضمن انها كويسة واصلية هحاول اصورها وهفهم الناس
77 حصان

[fekriano]

M.A.El.Satar
يعني مش غالي قوي زي ما الناس بتقول يعني و كمان اللي غالي قوي الفيكترا الجديد هناك
بيدفعوك كتير في صيانته بس ال 97 مش غالي يعني
الأرقام مش خياليله زي ما كنت متخيل بس أنا برده مع الناس اللي هتجيب من بره و أروح لميكانيكي أوبل يعملها

[M.A.EL-SATAR]

بص يا باشا مفيش شك هي اغلي من برة بسبكتير في حاجات الواحد بيخاف يعملها برة بس في هنا اساتذتنا في العصابة بعرفو ناس كتير وبيشكروا فيهم جدا بس المشكلة ضيق الوقت والف مبروك على العربية ويا رب تتهنا بيها

[فادى محمد]

بص أنا هقولك أنا صديقي الصدوق عنده معرض هو قاللي عليها و أنا بدور على 206 ساعتها بس أنا قبل ماجيب الفيرنا كنت عايز أجيب الفيكترا ديه فلما قاللي قلت أجيبها بس هو قاللي عامله كتير و هي عامله 245 كم بس [امانه زي ما صاحبي قاللي لحد دلوقتي الميكانيكي بيشكر فيها قوي و قاللي خلي بالك منها عشان هيا عايزه معامله خاصه يعني مهملهاش و قاللي عزمها عالي جداا و كده أنا جبتها من صاحبي ب 50 ألف الصراحه و كنت حاسس انه كتير شويه بس لما ركبتها حسيت انه قليل جدااا عليها كمان ألأنا أول مره أركبها و أسوقها كان على الدائري و أنا أصلا ما بقاليش سنه بسوق يعني ور ور في السواقه لسه كنت جايب بيها 150 و باخد غرز كمان ما شاء الله إتزااان بمعنى الكلمه ربنا يحميها بس لسه عايز أشكس العربيه بقى
حد يعرف العربيه ديه كام حصان عشان انا قريت أرقام كتير يعني
اللي قاللي 75 و أنا حاسس انهم قليل على العربيه و في اللي قاللي 103 و ده معقول يعني على أوبل بس مش عارف بس هي بتتعبني قبل ال 100 بعد ال 100 طياره ما شاء الله

ربنا يباركلك فيها هي عربيات قيمتها اعلي كتير من سعرها .والموتور ده اسمه السوقي الموتور الاسود .كامه واحده علويه-8صباب-قوه77حصان-عزم125نيوتن.. والموتور ده راكب في الفيكترا من سنه 96 -2003 .

[N.a.j.d]

ومنكم نستفيد