استفسار بخصوص فيكترا 99 او 2000

[mohamed_rhem]

دلوقتي احتياجاتك.. عربية متصرفش عليها كتير.. يبقي يفضل موديل يكون عالي شوية.. و اوتوماتيك..

الفيكترا الاوتوماتيك هتكون غالية شوية..

يبقي في استرا اوتوماتيك.. سعرها اواخر خمسينات اوائل ستينات.. موديل 2003-2006

لانسر كريستالة اوتوماتيك.. عربية مش بتعطل.. 99-2000 سعرها 50 تزيد او تقل حاجة بسيطة..

دول اللي في بالي دلوقتي.
نشوف برضه رأي الناس ايه..
لكن مرسيدس و بي ام و الكلام ده هيكلفك كتير في الصيانة..

انا فعلا كنت بشتري كريستالة 2000 موتور 1600 فتيس ستيبترونيك فتحة سقف كهرباء مرايات كهرباء جنوط 16 عفشة كوني فابريكة برا وجوا عامله 90000 كم كان مطلوب فيها 55 نهائي لكن قالولي بلاش تجيب لانسر من المحلة او اسكندرية

وكمان ممكن اجيب بومة 2004 ب 65 الف برضه مش عارف

انما انا والدي قعدم معاه استرا 2001 محرك 1200 سي سي بصراحه مكانتش قد كده مش زي الفكترا

من ورا قلبي هنصحك تبعد عن الالماني لانه عاوز واحد بيركب بمزاج ومصروفه عالي
انصحك بالياباني الحديث شويه زي مااخويا علاوي قال الكريستاله ممتازه . عيبها الوحيد انها واطيه علي الارض انما اعطالها نادره وحاجتها عند البقال زي مابيقولوا . وهرجع واقوللك حاله العربيه وانت بتشتريها يا تريحك ياتخليك تكره حياتك بعد كده .ربنا يوفقك.

اكريستالة ممتاذة ومسألة انها واطيه بيركب لها جنوط اكبر بتحل المشكلة طبعا مع تعديلات في العفشة انما لو حد ركب علايات يبقي كده شغل اي كلام

طبعا تبعد عن الالمانى لان قطع غيارة غلية
انا شايف ان الاكسنت قطع غيارها ارخص من 128 وبفرق كمان ومكيفة ونعمة وجميلة يعبهاء شىء واحد فقط انها خفيفة جدا

كلام حضرتك سليم لكن انا ميزانيتي حوالي 65 الف تنصحني بأيه في حدودهم

او اجيب عربية ايه مصرفش عليها لمدة سنة واحدة ومش حيزيد الكيلومتر عن 20 الف في السنة ده