استفسار في طربمة مياة والسيور لفكترا بي 1600

[M.A.EL-SATAR]

السلا م عليكم
اولا احب اشكركم على المواضيع الجامدة اللي فعلا الواحد استفاد منها كثير
ثانيا انا عندي مشكلة وعايز اخد رايكم فيها
انا من حوالي شهر رحت غيرت سير الكاتينة والبلية وسير الدينامو في منصور رابعة العدوية والصنايعي مسك الطرمبة وقالي سليمة قلت الحمد لله ماشي ياعم هات قطع الغيار ملقتش عندهم غير سير الكاتينة بس ؟؟؟ فدخلت الماركت اللي في البنزيمة وجبت منه قطع الغيار سير ماركة دايكو معرفش ايه نظامه البلية محفور عليها من برة كندي ومن جوه محفور عليها skf تقريبا ومحفور عليها ايضا كوريا ؟؟
المهم في صوت مش مريحنى صوت زي ونه طالع من السيور + حكة كدة المهم مشيت 2000 كم والصوت زي ماهو رحت التوكيل تاني راح الصنايعي فاكك سير الدينامو ودورنا العربية والصوت هو هو فقالي الصوت دة من الوش الفبر ود عايز يتغير لانه بيبوظ من السخونة .فقمت مشيت وطبعا مش مطمن
قلت اروح لمكانيكي برة قلت في واحد اسمه اشرف اوبل في النمطقة الصناعية بالعباسية رحتلوا قالي الصوت مش هيبان غير لما افك وقالي ان الصوت دة من الطرمبة المهم قلتله عندك الطرمبة قالي اه قلتله نوعها ايه قالي اتحاد اوربي قلته قول صينى واخلص قالي لا يباشا والله متقلقش منها ومتخافش والكلام اللي حضراتكم عارفينه كويس المهم سالت واحد كان بيعمل شغل عنده في عربية اوبل قالي انا مجربه في قطع الغيار ومتخفش قلت اتكل على الله وركب
المهم الطرمبة اللي ركبت انا قلقان جدا جدا منها وبس اللي خلاني اغير ان القديمة كانت معرقة مية من برة بس طبعا فرق شاسع بين القديمة والجديدة .
بعدين الراجل قفل الوش وصوت الونة زي ما هو ( بس غير الونة بتاعة البلي ) لاكن صوت الحكة مبقاش موجود
انا اسف اني طولت عليك حضراتكم بس انا مش عارف اعمل ايه
اجيب طرمبة وسيور وبلية جداد
والا الطرمبة دة ما فيش منها قلق والا اعمل ايه بالضبط

[tamertamer]

بص اولا كلمة اتحاد اوربى يعنى مجهولة المذدر بس هى صينى فعلا كلة دحك على الدقون مش اكتر طبعا صعب اقولك فك قلى انت عملتلة وركب على نضافة انت دفعت فلوس قطع غيار فى التوكيل والمركت الحرامى بتاعة ومصنعيات وكدة على العموم الانواع دية مش وحشة اوى ذى ما انت متخيل هتمشيك فترة كويسة من غير مشاكل بس قلى تقلق منة هو سير الكتينة بالذات لان لو اتقطع هتقف العربية ومش هتتحرك بس متخفش على المتور هو قوى وبيستحمل جدا
بس انت خدها قعدة عشان ترتاح كل قطع الغيار حاليا مش كويسة بس احسن الوحشين الخامات قلت جدا وحجات كدة واغلب المصانع نقلت الصين واغلب المصانع بتجيب حجتها من الصين وتبعها اكنها طلعا من المانيا بس القطع دية بتعدى على رقابة قوية لقياس الجودة عشان كدة عندك الفيبى مثلا ممتاز وللاسف نزلة بضاعة مضروبة من فترة بس اتقفش قلى نزلها وتم تصفية السوق بس الختم بتاع فيبى مضمون وواضح فى اغلب الحجات على العموم انت استنة شوية وشوف العربية حلتها لو كويسة خلاص بلاش لقتها هتعمل مواقف بيخة خلاص غير بس حرام علية اقولك غير بس خدها منى نصيحة جيب قطع غيارك بنفسك متخليش حد يشتريلك حاجة لانة على ضمنى هيجبلك الردىء عشان يكسب وربنا معاك ومتزعلش ومتخفش

[tananybasha]

1. الدايكو ده كورى و بتاع النوبيرا او اللانوس و تعبان مووت مع الوبل و ده اللى سمعته
2. البلية الصح هى الكندى بس اكيد مش هتبقى كده و كورى يعنى دى مضروبة
3. صوت حكة الوش نفس المشكله عندى و حلها الوحيد انك تغير الوش البلاستيك كله من الجزئين و يتغير و للعلم غالى استيراد فوق 200 جنيه
4. طرمبة المية الصح فيبى و زى الفل او الجى ام و دى تجيبها من قدام توكيل مقار
بص يا باشا هو الشغل من بدايته غلط
المفروض انك تجيب قطع غيارك و انت رايح من مكان مضمون و معرفه و ربنا يسترها
و تامر رد قبليا بثانية

[Atef Saleh]

بالنسبه للبضاعه الفيبى فهى مش كويسه زى ما حضراتكم متخيلين و انا باقول الموضوع ده عن ثقه لأنى شغال فيها و مفيش حاجه اسمها اتقفش اللى كان جايب فيبى مضروب و لا حاجه اغلب الشغل الفيبى اللى فى السوق ان لم يكن كله مضروب و ده كلام عن ثقه فيا ريت تبعدو عن الفيبى كل البعد الا فى حاجات مالهاش علاقه بالموتور و بالنسبه لموضوع سوق اوروبيه فأى بضاعه حتى الالمانى لازم يتكتب عليها سوق اوروبيه مشتركه و بعدين اسم بلد المنشأ غير كده تبقى صينى اما بخصوص سيور الكاتينه فافضل سيور هى الجيتس و دى نمره واحد فى العالم و طلمبه المياه عندكم الهيبو و بعده الجيبا لأن دول المانى و محفور عليهم صنع فى المانيا مش مكتوب المانيا و بس .... ارجو انى اكون افدت حضراتكم

[daaark]

الله ينور يا رجاله .. هو الموضوع ميخصنيش .. بس معلومات مهمه ومفيده اوي

[daaark]

بالنسبه للبضاعه الفيبى فهى مش كويسه زى ما حضراتكم متخيلين و انا باقول الموضوع ده عن ثقه لأنى شغال فيها و مفيش حاجه اسمها اتقفش اللى كان جايب فيبى مضروب و لا حاجه اغلب الشغل الفيبى اللى فى السوق ان لم يكن كله مضروب و ده كلام عن ثقه فيا ريت تبعدو عن الفيبى كل البعد الا فى حاجات مالهاش علاقه بالموتور و بالنسبه لموضوع سوق اوروبيه فأى بضاعه حتى الالمانى لازم يتكتب عليها سوق اوروبيه مشتركه و بعدين اسم بلد المنشأ غير كده تبقى صينى اما بخصوص سيور الكاتينه فافضل سيور هى الجيتس و دى نمره واحد فى العالم و طلمبه المياه عندكم الهيبو و بعده الجيبا لأن دول المانى و محفور عليهم صنع فى المانيا مش مكتوب المانيا و بس .... ارجو انى اكون افدت حضراتكم

طب معلش سوال بس بما ان حضرتك شغال في موضوع قطع الغيار ده .. هو ايه احسن نوع اجيبه للاسطوانه والديسك والبليه بتوع الدبرياج علشان بيقولوا ان الجي ام الالماني مش موجود في السوق يا ريت تقولي بس الانواع الكويسه واللي تعيش حتي لو كان سعرها عالي مش مهم بس تعيش

[tananybasha]

نفس السؤال بالنسبة للدبرياج عشان عايز اغير و خصوصاً البلية و الطقم لسه لما افك اشوف اعمل فيه ايه
و انت كده خضتنى انا طلمبة المية و الفلتر بتاع البنزين فيبى

[tananybasha]

طيب ممكن يا عاطف باشا برضوا انك لو حد جالك تخدمنا فى الأسعار و الجوده ولا لأ

[daaark]

انا اصلا هاغير طقم الدبرياج كله مرة واحده .. ولسه سائل حالا بالتلفون عن طقم دبرياج اللوك الماني اسطوانه و ديبسك وبليه قالولي ب1050 جنيه هو ده فعلا السعر الصح ولا ايه .. اصل انا سمعت اسعار اكتر من كده بكتير ياريت حد يقولي بس الكلام ده صح ولا ايه

[tamertamer]

بالنسبه للبضاعه الفيبى فهى مش كويسه زى ما حضراتكم متخيلين و انا باقول الموضوع ده عن ثقه لأنى شغال فيها و مفيش حاجه اسمها اتقفش اللى كان جايب فيبى مضروب و لا حاجه اغلب الشغل الفيبى اللى فى السوق ان لم يكن كله مضروب و ده كلام عن ثقه فيا ريت تبعدو عن الفيبى كل البعد الا فى حاجات مالهاش علاقه بالموتور و بالنسبه لموضوع سوق اوروبيه فأى بضاعه حتى الالمانى لازم يتكتب عليها سوق اوروبيه مشتركه و بعدين اسم بلد المنشأ غير كده تبقى صينى اما بخصوص سيور الكاتينه فافضل سيور هى الجيتس و دى نمره واحد فى العالم و طلمبه المياه عندكم الهيبو و بعده الجيبا لأن دول المانى و محفور عليهم صنع فى المانيا مش مكتوب المانيا و بس .... ارجو انى اكون افدت حضراتكم

لا طبعا البضاعة الفيبى كويسة وهى من البضاعة الممتازة وبالنسب للسعر او الجودة الى حد ما كويسة اوى كمان وانا اعت مع مستوردها لانى اعرفة معرفة شخصية وهو موزع من موزيعين بوش المعتمدين غير طبعا حجات تنية وفعلا تم القبض على الناس قلى تم تقليد المنتج وتم تصفية السوق والكلام دة من مدة انا معرفش اذا كانت نزلت بضاعة مضروبة تانى ولا لا لان معظم البضاعة المضروبة صينى وبتتغلف فى علب فيبى ذى مسعتك عارف لكن جودة الخامة بينة جدا لمحترفى قطع الغيار وانا شفت البضاعة المدروبة والغير مدروبة فرق شتان انا جايب حجتى فيبى وزى الفل بقالى ماشى 58 الف كيلو زى الفل ولا قالت اى والمتور يعمل بكفاة ودة طبعا عن تجربة كمان مش كلام من غير استخدام وكمان الصناعة الحديثة بقت بيتحفر عليها كل حاجة بس مكن الحقن والاستنبات بينة طبعا لاى حد بيفهم شوية الصين بتعمل حجات تشيب بجد

[M.A.EL-SATAR]

والله يا جماعة من مش عارف اشكركم ازاي وانا الحمد لله كنت متاكد انكم هطمنوني
وانا دلوقتى ناوي اجيب قطع الغيارزي الطرمبة والبلية والحاجات دي على مهلي لان انا استعمالي للعربية مش كتير اوي بس عاوز اعرف فين محلات قطع الغيار اللي الواحد يشتري منها الحاجة المضمونة
معلش تاكد كمان هو اكيد الطرنبة المضروبة دي مش هتبوظ في يوم وليلة بس ايه خطورتها لو سبتها فترة كدة
شكرا جزيلا للجميع

[tamertamer]

والله يا جماعة من مش عارف اشكركم ازاي وانا الحمد لله كنت متاكد انكم هطمنوني
وانا دلوقتى ناوي اجيب قطع الغيارزي الطرمبة والبلية والحاجات دي على مهلي لان انا استعمالي للعربية مش كتير اوي بس عاوز اعرف فين محلات قطع الغيار اللي الواحد يشتري منها الحاجة المضمونة
معلش تاكد كمان هو اكيد الطرنبة المضروبة دي مش هتبوظ في يوم وليلة بس ايه خطورتها لو سبتها فترة كدة
شكرا جزيلا للجميع

بص اعراض بوظنها هتسمع صوت البلية وهى بتخشن وتبوظ متخفش خالص لسة قدمها مدة متخفش خالص
المحلات عندك فى التوفقية الشركة المتحدة فى مول التوفقة الدور الثالث وهى الافضل
وفى دمشق كذا محل كويسين بس غلين شيوية
وفى امركن استارز
انت اهم حاجة تبقا عارف النوع قلى انت عيزة وتسال علية وتجيبة

[tananybasha]

و اضيف عليهم سرور بس للأمانه بتوع المتحده و خاصة الشيخ حسن محترمين قوى

[daaark]

بردو ماقولتوليش هل السعر بتاع طقم الدبرياج ده كده كويس ولا دي كده تبقا لوك مضروبه

[tananybasha]

انا اللى اعرفه ان اللوك غالى طبيعى