ترموستات كوعة الماء ...

[SrOrR4EvER]

السلام عليكم............................................. ...................
زى ماحضراتكم عارفين ان فيه حاجة اسمها ترموستات داخلى بتركب داخل كوعة الماء الخارجة من الموتور ودى بتشتغل وتفتح وتقفل بناء على درجة حرارة الماء الموجود داخل المحرك...
البتاعة دى طلعت مهمة جدا جدا...
المطلوب بقى هو انى عاوز اعرف سعرها جديدة كام الخاصة بالموتور ال2000 سى سى ايكوتيك 2 كامة....وهل بتيجى جديدة لوحدها ولا بتنزل داخل الكوعة الصغيرة بتاعتها؟؟؟ وارخص سعر ليها ايه وموجودة فين؟؟؟؟؟؟؟؟؟

[helmy537]

انا اسمع ان الكوعه دى بتتلغى لانها بتعمل مشاكل وبيقفلوها بسليكون بس ازاى وليه مش عارف

[SrOrR4EvER]

لا ياباشا مينفعش تتقفل بسيلكون لأنها اللى الماء بيخرج منها من الموتور بعد مايبرده يرجع على الراداتير عشان يتبرد تانى فى دورة الماء....
المعلومة اللى مش كتير يعرفوها ان الترموستات دى شديدة الاهمية جدا سواء فى التبريد اثناء سخونة الجو او فى المحافظة على درجة حرارة العربية اثناء البرودة الشديدة....الجزء التانى اكيد الكل عارف ليه لأنه طبعا بيخلى الهواء يدخل للماء اللى فى كل الدايرة بسرعة اكتر وطبعا الهوا بيكون بارد فبيسهل تبريد العربية جدااا.....انما الجزء الاول بخصوص الصيف واثناء الحر الشديد فالناس فاكرة انهم لما يشيلوا الترموستات دى هيبرد العربية احسن وده كلام غلط ..لأن الهواء اللى بيدخل على الرادتير بيكون هوا سخن جدا فبيزود حرارة الماء والماء مش بيلحق يتبرد كفاية فى الراداتير وبالتالى لما بيرجع تانى داخل الموتور بيكون سخن ومش بيساعد على تبريد الموتور كويس....هنا بقى تظهر فائدة الترموستات دى لأنها بتحافظ على الماء لأطول وقت ممكن فى الراداتير عشان ياخد تبريده كفاية وبالتالى ييقدر يبرد الموتور على قدر المطلوب وفى نفس الوقت فى حدود درجة الحرارة الطبيعية اللى هى مابين 88-92 فى المواتير الايكوتيك...
وبرده فى انتظار الرد على سؤالى

[tamertamer]

هى فعلا بيتم الغئها بس قلى انا اعرفة انها بتعمل على تسخين السيارة بسرعة او حاجة قريبة من كدة
انت جبت المعلومات دية من فين يريت تقولى المظدر

[SrOrR4EvER]

بص ياتامر باشا....هى فعلا وظيفتها انها تحافظ على درجة حرارة العربية ثابتة عند درجة معينة او فى حدود معينة....وده فى الصيف او فى الشتاء زى ماشرحت قبل كدة....وطبعا بتساعد على انها تسخن العربية للدرجة المناسبة اسرع من العادى...اما بالنسبة للجزء الخاص بتبريد العربية فدى معلومات انا جبتها من مهندس ميكانيكا اعرفه كويس هو اللى شرحلى فايدتها وقالى جرب عملى انك تشيلها من عربيتك وامشى مشوار طويل جدا يعنى 400 كيلو متواصل مثلا...قالى جرب بيها وجرب من غيرها...هتلاقى ان عربيتك على المدى البعيد فى المسافات الطويلة بتسخن وهى مش موجودة نتيجة ان الماء زى ماقولتلك بيسخن ومش بيلحق يتبرد خصوصا فى الحر الشديد نتيجة ان الماء مش بيلحق يستنى فترة كافية لتبريده فى الراداتير والهواء السخن غير كافى لتبريده مقارنة بنسبة سرعة مروره فى الراداتير....اما فى حالة وهى راكبة فى العربية فالماء بياخد فترة تبريد كويسة فى الراداتير وبعدها يدخل مكان الماء الساخن فى الموتور فيساعد على تبريده اسرع.....وبالتالى على المسافات الطويلة هتلاقى العربية بنفس حرارتها....على فكرة انا جربت عملى فعلا الكلام ده وطلع مظبوط جداا....حاجة كمان انها بتحافظ على المراوح وبتخليها تعيش فترة اطول نتيجة انها بتشتغل على قد مايحتاجه الموتور فعلا من تبريد مش شغالة وخلاص نتيجة ان الماء مش بيلحق يتبرد.....

[tananybasha]

والله انا قلت الكلام ده يجى من سنه و محدش اقتنع بالموضوع ده
انا مقتنع بيه جداً خصوصاً انى لقيته فى العربيات الخليجى

[فادى محمد]

مع احترامي للجميع بس ترموستات الكوع مهمتها انها تحافظ علي درجه حراره الموتور (حراره التشغيل) لما تكون مقفوله بتبقي حابسه الميه جوه الموتور ولو الحراره زادت عن الحد المطلوب بتفتح علشان الميه تكمل دورتها للرادياتير ثم الاربه وهكذا .. الناس اللي بتشيلها بتشيلها علشان بيقوللك الاوبل بيسخن جامد والترموستات السبب ,وفعلا الموتور اللي متشال منه الترموستات بيبقي حرارته اقل بس خد عندك مشاكل تانيه وهي استهلاك بنزين عالي نسبيا لان الموتور بارد والسحب طبعا بيقل لان الاوبل عربيات بتشتغل بكفاءه عند درجه حراره عاليه ,انا مغير الكوع بالترموستات بنفسي من حوال سنتين وكانت الكوعه الانتيمون ب25ج-الترموستات ب90ج .
عاوز بقي تعرف الترموستات عندك شغال ولا لا ؟؟
دور الموتور وزود بنزين وانت واقف من الاكسراتير وبص علي القربه المفروض ان الترمو تكون مقفوله والعربيه بارده زي ماقلنا .معني كده انك مش هتلاحظ تدفق ميه من الخرطوم الصغير اللي جاي من الرادياتير وداخل ع القربه .تمام ... لو ده حصل يبقي الترمو شغال (قافل) ولو لقيت ميه نازله منه للقربه يبقي الترمو عطلان(مفتوح) ...

[sniperfox]

انا معايه فيكترا a والترموستات دى متشاله فيها من ساعت مشترتها
الاعراض فى الشته على السرهع بتبرد اكتر من الازم وفى الصيف بتسخن اكتر من الازم نيجى للسوال الاهم اجبها منين واقول للى حشتريها منه ايه

[Opelvectra]

ياباشا انا العربية عندي كانت بتسخن و لما شلت الترموستات دا العربية اتظبطت الحرارة بتاعتها و انت لو بتتكلم علي المسافات الطويلة اوي دية محدش بيمشيها كل يوم ياعني الافيد انك تشيلها لو هتقلل درجة الحرارة و ميتهيقليش ان الحرارة هتبقا قليلة اوي انها تاكل بنزين علشان الجو اصلا في مصر عالي ياعني مش تلج و كدة انا كنت شايلها من عربيتي و كانت ماشية زي الفل :)

[A.Elsheikh.01]

الى اعرفه عندى فى الاسترا انها بتيجي الكوعه بالسرموستات بتاعتها
والسرموستات بتبقى متوصله بالكمبيوتر بتاع المراوح لما الحراره بترفع بتقوم مشغله المراوح وملهاش اى صله بساعه المراوح على فكره
وتمنها فى الاسترا 190 جنيه جديد استيراد 150 جنيه وطبعا الجديد احسن فى الوضع دا
ومهمهههههههه
علشان مع الزمن لو الساعه بتاعه المراوح مظبوطه مثلا على 93 كحد اقصى هتلاقى المراوح بتشتغل بعد ما الحراره بترفعه وبالتالى مع السخونه الزايده مع الزمن هتلاقى مشاكل كتير بتحصل

[م.أحمد_حماد]

على فكرا يا جماعه
ممكن تكون سخونه العربيه و عدم لقط المراوح و تبريد العربيه بشكل كافي ميكنش في الكوعه ولا في المروحه
دي كابلات البطاريه وحشه تخلي التبريد وحش و كابلات العربيه الأوبل بكا أنواعها مهم جدا يبقى فبريكه حتى مش متغير القواطيش بتعتوا لأن دا بيعمل لووووز و مقاومه للتيار.
و علشان تعرف أن عندك المشكله دي و لا لأ......
شغل العربيه على السلانسيه و زود و أفتح التكييف لحد ما السرعه العاليه تقوم و بغد كده جس كابل الكهربا الأول و بعدين الأرضي لو لقيت واحد فيهم بيسخن جامد لدرجة أنه بيلسعك ...
الحل:
لو كبل الأرضي هات وصلة بطاريه و وصلها من الموتور لجسم العربيه بس حته معلهاش دوكو لو لقتها بتشرز كهربا دا معناه أن المقامه داخل الكبل الأرضي الرئيسي عاليه و بتالي فرق الجهد كبير .
لو كبل الكهربا جس القطاش لو لقيته بيسخن جامد زي ما أحنا قولنا يبقى لازم يتغير.
و صدقوني يا جماعة أنا عملت الموضوع دا لناس كتير الحراره 90 أو أكتر شويه 91.
دا يخلي المراوح تشتغل صح و يرد على كل الناس اللي مابتفهمش و تقول أن الأوبل بجميع أنواعه بيسخن.... الكلام دا مش مظبوط
م/ أحمد حماد

[hostook]

على فكرا يا جماعه
ممكن تكون سخونه العربيه و عدم لقط المراوح و تبريد العربيه بشكل كافي ميكنش في الكوعه ولا في المروحه
دي كابلات البطاريه وحشه تخلي التبريد وحش و كابلات العربيه الأوبل بكا أنواعها مهم جدا يبقى فبريكه حتى مش متغير القواطيش بتعتوا لأن دا بيعمل لووووز و مقاومه للتيار.
و علشان تعرف أن عندك المشكله دي و لا لأ......
شغل العربيه على السلانسيه و زود و أفتح التكييف لحد ما السرعه العاليه تقوم و بغد كده جس كابل الكهربا الأول و بعدين الأرضي لو لقيت واحد فيهم بيسخن جامد لدرجة أنه بيلسعك ...
الحل:
لو كبل الأرضي هات وصلة بطاريه و وصلها من الموتور لجسم العربيه بس حته معلهاش دوكو لو لقتها بتشرز كهربا دا معناه أن المقامه داخل الكبل الأرضي الرئيسي عاليه و بتالي فرق الجهد كبير .
لو كبل الكهربا جس القطاش لو لقيته بيسخن جامد زي ما أحنا قولنا يبقى لازم يتغير.
و صدقوني يا جماعة أنا عملت الموضوع دا لناس كتير الحراره 90 أو أكتر شويه 91.
دا يخلي المراوح تشتغل صح و يرد على كل الناس اللي مابتفهمش و تقول أن الأوبل بجميع أنواعه بيسخن.... الكلام دا مش مظبوط
م/ أحمد حماد

والهي معلومة قيمة جدا انا عندي العيب ده بظبط كده وكنت مره احاول ادور مفيش لقيت السلك بتاع القطاش مقطوع قمت جايب بتاعة نحاس كده من ام تعريفة ومركبها ومن ي=ساعتها والعربية متعفرته تصدق ممكن يكون هوه ده العيب والبطارية فعلا بتسخن جام جدا والكهرباء مش مظبوطة خالص بس مدي تاكدك من الموضوع ده اهه.

[م.أحمد_حماد]

والهي معلومة قيمة جدا انا عندي العيب ده بظبط كده وكنت مره احاول ادور مفيش لقيت السلك بتاع القطاش مقطوع قمت جايب بتاعة نحاس كده من ام تعريفة ومركبها ومن ي=ساعتها والعربية متعفرته تصدق ممكن يكون هوه ده العيب والبطارية فعلا بتسخن جام جدا والكهرباء مش مظبوطة خالص بس مدي تاكدك من الموضوع ده اهه.

مساء الفل ياباشا,
مدى تأكدي من هذه المعلومه هو أني مهندس و عندي مركز صيانه لأوبل

[م.أحمد_حماد]

والهي معلومة قيمة جدا انا عندي العيب ده بظبط كده وكنت مره احاول ادور مفيش لقيت السلك بتاع القطاش مقطوع قمت جايب بتاعة نحاس كده من ام تعريفة ومركبها ومن ي=ساعتها والعربية متعفرته تصدق ممكن يكون هوه ده العيب والبطارية فعلا بتسخن جام جدا والكهرباء مش مظبوطة خالص بس مدي تاكدك من الموضوع ده اهه.

بص يا جميل الأطاش اللي أنت جبتوا دا في الغالب مدهون لون نحاسي بس هوا ألومينيوم و دا بيبان مع تمليح الأطاش سواء الكهربا أو الأرضي و دا يعمل أفظع مقاومه للتيار و فظيع كما لو أنت مشغل النور لما المراوح حتقوم حتحس أن في كهربا أتسحبت من نور التابلوه و المقاومه دي ليها أضرار لأنها بتعمل راجع كهربا يسخن كل أداة شغاله في نفس اللحظه يعني:
لو المراوح هي اللي أشتغلت = الفيشه بتعتها تتحمص من الحراره
لو النور العالي أو الواصي = دراع النور يسخن
لو مشغل الكاسيت = يفصل و أنت بدور العربيه
لو أنت مدي الإشارات و فاتح نور الصالون أنا عايزك تتفرج عليه حيعمل أيه
دا بأه عير أن لمبه البطاريه (شحن الدينامو انديكيتور) حيسري (منور خفيف أوي) و غيرو و غيروغيرو.
شكرا ليك.

[tananybasha]

بجد الله ينور عليك يا مهندس احمد