يا فرحتى

[Ahmed_lol2007]

ازيكم يا أحلى عصابة
دلوقتى أنا كنت سامع صوت خبط فى العربية من تحت (العفشة) وديتها لميكانيكى المهم قالى كله تمام بس محتاجة بطاحتين وفى بوش فى علبة الدركسيون
البطاحتين مفيش مشكلة هجبهم عادى لكن البوش اللى فى علبة الدركسيون دة أنا مش حاسس بيه أبدا
مش عارف جابه منين انتو ايه رايكو مفيش حل للموضوع دة
وياريت اللى يعرف تمن البطاحات الامامى كام يكون نوع نضيف
معلش أنا تعبتكو بس انا هتجنن من موضوع البوش دة

[tananybasha]

خليه ياخد بوش العلبة
مسمار فى اسفل العلبة هيقرط علية شوية و شكراً
بس هتحس الدركسيون تقيل شوية
اوعى يدخلك فى حشو و بلاوى سودا

[Ahmed_lol2007]

ما هو يا طنانى المشكلة أنى مش حاسس انه فى بوش
يعنى ممكن أخليه يأخد بوش من علبة الدركسيون

[tananybasha]

قله خدلى بوش العلبة لو فيها بوش
طالما العربية ما بتجبش زيت و لا بتخبط من جواها و لو بتخبط على فكرة لازم تجيب زيت
قله كده بس

[Ahmed_lol2007]

هو فى تخبيط يا طنانى بس دى بتظهر مع المطبات بس لكن لما بلف العجل مفيش اى اصوات ولا غيره

[tamertamer]

مدام انت مش حاسس ان العلبة فيها مشاكل خلاص بلاش تعمل فيها حاجة
البطحات هات فى كذا نوع (اسبانى - صينى - الامانى - تركى )
هات الاسبانى او الالمانى بيعملو الفردة فى حدود 65 الى 90 ج

[tananybasha]

منور يا تمور
و حتى لو العلبة فيها تخبيط يا احمد قله يقرط على مسمار بوش العلبة هو مفتاخ 28-30 مش فاكر قوى الباور هيتقل سنه و هيرجع بعد اسبوع ينعم تانى

[Ahmed_lol2007]

مشكورين يا شبااب على الرد وفعلا طالما أنا مش حاسس بأى مشكلة فى الدركسيون هخليه يأخد البوش منها وبس وأشترى بطاحتين وأكبر دماغى

[tananybasha]

كده صخ و زى الفل

[N.a.j.d]

ما صح الا الصحيح الله ينور يا رجاله
اشتري وشوف الفرق
ربنا يوفقك

[Ahmed_lol2007]

مشكور يا نجد باشا

[N.a.j.d]

شكر لله ياباشا