تسعير اوبل فكترا 2003 بالصور

[ahmedmaklad]

كلامك الف مليون فى المية صح يا احمد يا مقلد
و زى ما قلتلك راى فى العربية بتاعتك
75000 جنية
و لو فى النية تستنى
اقسم بالله العلى العظيم ااخدها منك
بس بالكتير كام شهر كدة
و السلام عليكم و رحمه الله و بركاته

شكرا يا باشا يا رافع معنوياتي بس والله انا في السوق بقالي فترة عشان اصحابي بس مش سوق الجمعة يعني ببص في كونتكت و الوسيط و بننزل نشوف و نتفرج يعني حتى مش بنسمع بس
و بعدين العربية مفتاحها يكون عندك بكرة لو عايز

[tamertamer]

تامر انا شفت الـcdx اللي كانت عند عبد الله دي مش cdx اصلي دي متعدله و كانت بتاعة عبدالله اصلا و هي اصلا موديل 2000 باين انا عارفها من زمان كل حاجة فيها متعدلة و متركبة مش اصلها يعني انا شفت cdx موديل 2003 هايلة و عايز يبيعها بـ 90 بس بصراحة العربية زيرو
اما بالنسبة بقي للشكل الجديد انا لسه كنت عند صابر كان عندة 2007 مخبوطه من قدام و معمولة ايزي ترونيك و صاحبها عايز 95
انا بدور على اوبل جديد اقل حاجة شفتها اللي بـ 95 دي لو انت شفت واحده بـ 80او 85 قولي فين و انا اروح اشوفها ادخل على كونتكت او الوسيط او حتى السوق مفيش الاوبل 2007 ام 80 و لا 85 دي و في خالد هنا معانا معاة فكترا سي ممكن يقول رايه
انا مش بهظر والله و بتكلم جد لو في عندك فكترا 2007 مانيوال او ايزي ترونيك عل 85 مش 80 كمان قولي و انا هبيع عربيتي بـ 65 زي ما انت قولت مش بـ 70 كمان و اشتري التانية

قلى انا شفتها اصلية وانا اعرف اميز اوى ما بين الاصلى والتقليد وحتى فلنفرد يعنى متعدلة cdx 65 الف كويسة لانها موديل 2002
حاضر من عنية لو وقعت قدامى وحدة 2007 هبعتلك رسالة خاصة لان مع الاسف ان سمعت السعر دة كذا مرة كان اخرهم فى شهر 2 خلصت وحدة على 82 الف

[volcanooo]

انا ليا استفسسار صغير انا معايا اوبل استرا كامله فتحة سقف موديل 2000 و 1200 سى سى نفس شكل الموتور ده مع انى كل المواتير اللى بشوفها لموديل الاسترا ده بلاقيه متغطى بكفر فبر كامل

وعلى فكره المسطره الفبر اللى مغطيه مسطرة الرشاشات اللى عليها كلمة ايكوتك مش موجوده يا ترى الموتور اللى عندى ده ايه وهل كفر المسطره ده يركب عندى

[ahmedmaklad]

قلى انا شفتها اصلية وانا اعرف اميز اوى ما بين الاصلى والتقليد وحتى فلنفرد يعنى متعدلة cdx 65 الف كويسة لانها موديل 2002
حاضر من عنية لو وقعت قدامى وحدة 2007 هبعتلك رسالة خاصة لان مع الاسف ان سمعت السعر دة كذا مرة كان اخرهم فى شهر 2 خلصت وحدة على 82 الف

انا متاكد مليون في المية انها متعدلة و عبد الله نفسة قايلي كده لانة كان بيقنعني اعدل بتاعتي و الفرق ما بين cd و الـ cdx سهل و بتاع بس انا مش بحب العب في العربية و بعدين دي موديل 2001 1600 مانيوال و هو غير الموتور و كل حاجة و راشة بره كلها
انا عربيتي بموتورها الاصلي مش مسقظة مفيهاش لعب و موديل 2003 و فابريقة كلها و اللي عايز يقلبها cdx اسهل كتير عشان هي جاهزة شوية سنسور هتركب مش ضفيرة من الاول و لعب
النهاره لسة نازلة واحدة في الوسيط موديل 2007 مانيوال وعامله 60 الف كيلو تاني يد و بيقول مش محتاجة حاجة و بيعمل صيانتها في مركز متخصص في الحرفيين (هو بيقول كده مش عارف مركز ايه المتخصص لاني عارف الحرفيين حتة حتة هي مش مراكز يعني) و بـ 95 من الاخر لكن 82 صعبة ممكن يكون لقطة مزنوق في فلوس لا قدر الله

[د.محمود صلاح]

ربنا يوفقك في البيع .. وحاول تحتفظ بيها لو مش تاعباك في حاجة لأن البايع دايما خسران

[sniperfox]

ان معايه فيكترا 95 عرضها للبيع لو تستنه شويه اخودها منك انشاء الله

[ahmedmaklad]

ان معايه فيكترا 95 عرضها للبيع لو تستنه شويه اخودها منك انشاء الله

العربية موجودة و كل شيء نصيب انا مش عايز ابيع لقطة و مش عايز اشتري لقطة برده انا في قدامي بي ام دلوقتي بس يعني مش داخلة دماغي قوي فيعتبر انا لسه مفيش حاجة قدامي دلوقتي

[rabbat5]

لو سمحت يا استاذ اشتريت منين المساعد المونرو عشان عايز أغير الجوز الخلفى ؟ و هل ليهم رقم او مواصفات معينة تتوافق مع العربية؟

[ahmedmaklad]

يا جماعة العربية بعد مراجعة السعر مع الاصدقاء و الميكانيكية الاصدقاء برده اجمعوا على ان السعر للي عايز يشتري مش يتاجر 75 الف العربية فعلا مش محتاحة اي حاجة في الدنيا حتي الصيانة العادية مش محتاجاها فانا عارض عربيتي على السعر ده عشان انا في عربية تانية قدامي و ربنا يوفق الجميع ان شاء الله تليفوني 0100062695

[ahmedmaklad]

الحمد لله العربية اتباعت امبارح والله اتباعت لاول واحد شافها هو راجل محترم من اسيوط
هو شافها بوم الخميس اللي فات و قالي دي بتاعتي و استلمها امبارح
انا كنت عملت عليها اعلان في كونتكت و اتضح ليا بجد ان الاوبل مطلوبة جدا انا في كمية ناس كلمتني كتييييييير جدا يعني محدش يقول سوق الاوبل واقع
المهم في الموضوع السعر عشان الناس تصدق هنا ان الاسعار اللي بتتقال هنا دي مش اسعار اوبل نضيفة مش متهانة و دي اسعار عربيات سوق الجمعة اللي متبهدلة الحمد لله العربية اتباعت بـ 73500 يعني مش بـ 60 و 65 و الحاجات و الارقام الغريبة اللي سمعتها من ناس كتير هنا
الحمد لله ربنا يباركلة و يكفيه شرها و يباركلي في عربيتي الجديدة انا الحمد لله ربنا وفقني و جبت مازدا 3 موديل 2008 بتاعة واحد صاحبي يعني انا ما سبتش العصابة و الناس المحترمة اللي هنا بجد اللي استفدت منهم كتير جدا

[فادى محمد]

الف مبروك يااحمد بيه ..ربنا يملهالك بركه ويحفظك .

[ahmedmaklad]

الف مبروك يااحمد بيه ..ربنا يملهالك بركه ويحفظك .

شكرا يا فادي ربنا يخليك و الله اللي خدها راجل محترم جدا ربنا يباركلة و يكفيه شرها

[tamertamer]

بجد سعر بجد بجد فوق الخيال اهنيك بجد ومبروك على العربية على فكرة انت كنت سالتنى على فكترا 2007 فى وحدة قدامى صحبها طالب فيها 88 الف تنزل كام باكو كمان

[lancerevolution]

ألف مبروك يا باشا

[ahmedmaklad]

بجد سعر بجد بجد فوق الخيال اهنيك بجد ومبروك على العربية على فكرة انت كنت سالتنى على فكترا 2007 فى وحدة قدامى صحبها طالب فيها 88 الف تنزل كام باكو كمان

انا مش هعرف احكم بالسعر لان مستحيل تتكلم على الاوبل في السعر بس
يعني حالتها ايه اول يد و لا اية
التكييف يعني حاجات كتير عشا اعرف احكم و ياريت رقم التليفون
بالنسبة لسعر عربيتي فده مش سعر فوق الخيال ده سعر العربيات النضيفة يعني كان في عربية بتاعة واحد مستشار قاعد في فيلا في زايد موديل 2002 ايكوتك 2000 سي سي كانت بـ 72000 شفناها العصر تاني يوم بنكلمة قال اتباعت يعني الراجل اللي باعها ده اهبل و لا اللي اشتراها اهبل بس صدقوني ده سعر العربيات النضيفة
انا الراجل شاف عربيتي يوم الخميس اللي فات قالي دي بتاعتي و كانوا 3 و فحصوا كل حتة فيها و بعدين رحنا لميكانيكي بتاع اوبل في الهرم فحص كل حتة فيها محدش قال حاجة و لا الميكانيكي قال كده وكمية الناس اللي بتتصل دي لحد النهارده برده محدش قال السعر ده خيال
على العموم ربنا يكرم الجميع