إعـــــــلان

Collapse

.

,
See more
See less

حط نفسك مكانى

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    حط نفسك مكانى

    صباح الفل على الجميع
    كل سنه وانتم طيبين .. انا بفكر انى اسافر اسكندريه فى شم النسيم ونا زى مانتو عارفين انى عربيتى فيكترا
    طبعا اول مره اسافر بيها وعايزكم تساعدونى بشويه حاجات
    1- طبعا انتوا متبعنى فى حكايه الكاوتش والازاز - بعد رحله تصليح الكاوتش عن طريق الخوابير
    التيوبلس ولحام الكاوتش من الداخل
    هل اسافر بالكاوتش كده ولا عايز يتغيروا - لو حغيرهم .. عايز اعرف احسن نوع كاوتش ويكون حنين وتفتكروا فردتين كاوتش حيكلفونى كام ؟؟
    2- طبعا زى الاخوه مقدموا النصيحة اشتريت جنش للعربية وحبل 6 متر وحشترى وصله كهرباء
    علشان ابقى فى السليم
    3- ايه قطع الغيار اللى مفروض تكون معاى؟؟ لوقلنا سير كاتينة .. يبقى احسن نوع ايه؟؟ وبكام
    وهل موديل العربية وسنه انتاجها مهميين عند شراء سير الكاتينه ؟؟
    4- ايه تانى المفروض انه يكون معاى فى السفر ؟؟؟؟؟؟؟؟؟؟؟؟؟؟.. لانى مسافر مع الاولاد ويارب ميكونش فيه مشاكل
    5- السؤال الاخير المهم .. حط نفسك مكانى .. ماذا لوحدث عطل يستدعى ميكانيكى.. اعمل ايه فى الصحراوى
    واتصل بمين ينجدنى خصوصا انى عرفت ان مش اى ميكانيكى يشتغل فى الاوبل الاوتوماتيك

    معلهش انا بتقل عليكم ومستنى نصائحكم الغاليه.
    الكلمات الدلالية (Tags): ؟؟, ؟؟؟, ؟؟؟؟, ؟؟؟؟؟, ؟؟؟؟؟؟, ؟؟؟؟؟؟؟, ؟؟؟؟؟؟؟؟, ؟؟؟؟؟؟؟؟؟, ؟؟؟؟؟؟؟؟؟؟, ؟؟؟؟؟؟؟؟؟؟؟, ؟؟؟؟؟؟؟؟؟؟؟؟, ؟؟؟؟؟؟؟؟؟؟؟؟؟, ؟؟؟؟؟؟؟؟؟؟؟؟؟؟, ابقى, ابي, اتصل, احسن, اخوه, اخير, اذا, ار, اس, اسافر, اسكندر, اسكندريه, اشتر, اشتري, اشتريت, اعدونى, اعرف, اعمل, اف, اكل, الاخ, الاخوه, الاخير, الازاز, الاوبل, الاوتو, الاوتوماتيك, الاول, الاولاد, الت, التي, التيوبلس, الجميع, الخوابير, الداخل, السفر, السليم, الصح, الصحراو, الع, العر, العرب, العربي, العربية, الغيار, الك, الكا, الكاتينه, الكاوتش, الل, المفروض, النسيم, النص, النصيحة, الي, اليه, ام, انا, انت, انتا, انتاج, انتاجها, انتوا, انه, انى, انيك, او, اوبل, اوتو, اوتوماتيك, اول, اولا, اولاد, اى, اى؟, ايه, ا
  • #2
    المشاركة الأصلية كتبت بواسطة nourco123 مشاهدة المشاركة
    صباح الفل على الجميع
    كل سنه وانتم طيبين .. انا بفكر انى اسافر اسكندريه فى شم النسيم ونا زى مانتو عارفين انى عربيتى فيكترا
    طبعا اول مره اسافر بيها وعايزكم تساعدونى بشويه حاجات
    1- طبعا انتوا متبعنى فى حكايه الكاوتش والازاز - بعد رحله تصليح الكاوتش عن طريق الخوابير
    التيوبلس ولحام الكاوتش من الداخل
    هل اسافر بالكاوتش كده ولا عايز يتغيروا - لو حغيرهم .. عايز اعرف احسن نوع كاوتش ويكون حنين وتفتكروا فردتين كاوتش حيكلفونى كام ؟؟
    2- طبعا زى الاخوه مقدموا النصيحة اشتريت جنش للعربية وحبل 6 متر وحشترى وصله كهرباء
    علشان ابقى فى السليم
    3- ايه قطع الغيار اللى مفروض تكون معاى؟؟ لوقلنا سير كاتينة .. يبقى احسن نوع ايه؟؟ وبكام
    وهل موديل العربية وسنه انتاجها مهميين عند شراء سير الكاتينه ؟؟
    4- ايه تانى المفروض انه يكون معاى فى السفر ؟؟؟؟؟؟؟؟؟؟؟؟؟؟.. لانى مسافر مع الاولاد ويارب ميكونش فيه مشاكل
    5- السؤال الاخير المهم .. حط نفسك مكانى .. ماذا لوحدث عطل يستدعى ميكانيكى.. اعمل ايه فى الصحراوى
    واتصل بمين ينجدنى خصوصا انى عرفت ان مش اى ميكانيكى يشتغل فى الاوبل الاوتوماتيك

    معلهش انا بتقل عليكم ومستنى نصائحكم الغاليه.
    مادام انت عملت الصيانة فى مواعيدها خلاص متقلقش ملوش لازمة السيور والكلام دة انت مش راكب 128
    بالنسبة للعجل يستحسن انك تغيرة وبفرض مقدرتش رجعهم ورا وطلع اللى ورا قدام - البريدجستون مقاس الفكترا الفردة ب 380 جنية واكيد هتلاقى فى انواع تانية ارخص
    خلى معاك رقم تليفون عربية انقاذ للطوارئ

    ورحلة سعيدة ان شاء الله من غير مشاكل ومادام دى اول مرة تسافر بيها يبقى عايزينك لما ترجع تحكى تجربتك على الصحراوى

    Comment

    • #3
      مش مستاهله يا باشا ده كله ان شاء الله عربيتك مهما كانت هتكون زي الفل بعون الله ومش حتقصر رقبتك وبعدين دا مشوار 200 كيلو ولا حاجه ميستاهلش ده كله انا لسه راجع بالعربيه بالغردقه من كام يوم والصراحه العربيه كفاءه مقالتش بم بسم الله مشاء الله والمشوار حوالي 1100 كيلو

      Comment

      • #4
        ياجماعة العربية تقيلة وأكيد حيبقي معاه العائلة!!! الكاوتش ده لا أنصح أنك تسافر بيه خاصة إن الخوابير بتعمل جيوب هواء فى نسيج الكاوتش.

        تحياتي.
        خير الكلام ماقل ودل.

        Comment

        • #5
          ياباشا تروح وترجع بالسلامه ...انا مركب كاوتش جي تي اندونيسي الفرده في حدود 260 ج ممتاز -افضل انواع السيور الجايتس او البوش - انا شايل معايا طقم بوجيهات بالكابلات بتاعتها ,وش اسبراتير,شجره خراطيم ميه قديمه,توصيله بطاريه,حبل قطر غير شنطه عده محترمه كله للطواريء وطبعا معايا تليفونات اكتر من ميكانيكي وتليفون مركذ انقاذ والستار موجود بس للامانه انا اخر مره سافرت بالعربيه من دمياط لمرسي مطروح حوالي 1225 كم ماشاء الله العربيات دي تحفه في السفر وجرب وقوللنا وان شاء الله اجازه سعيده .
          اخوكم /فادي محمد عيد ..من مواضيعي المصوره للفيكترا بي ....

          [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
          [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
          [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
          [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
          [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

          hellboy سابقا

          Comment

          • #6
            ما تشلش هم قوى كدا قضى بس أنت أجازة سعيدة
            [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


            [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


            [/CENTER]

            Comment

            • #7
              الباشمهندس احمد
              ربنا يخليك والف شكر على المعلومات الجميله .. تعبناك معانا دى اول مرة اركب اوبل
              وبالنسبه للسفر كانت لى تجربه مريرة مع اول عربيه وكانت 128 ونا راجع من الاسكندرية
              ومعاى اولادى وكانوا صغيرين وفى الايام دى كانوا بيحذروا الناس من الطريق الزراعى
              لعصابه قطاع طريق.. المهم اتوكلت على الله وسافرت ونا فى نص المسافه العربيه مره
              واحدة العربيه وقفت ودخنت وتسلل الرعب الى قلبى خوفا على اولادى .. المهم فتحت الكبوت
              لاأرى الكابوس (سير الكاتينه مقطوع) الساعة كانت 5مساء وكنا فى الصيف .. حاولت اشاور
              للسيارات ان حد يعبرنى.. ابدا بدأ الوقت يمر ثقيل حتى توقف امامى عربيه نصف نقل مليانه خضار
              نزل السواق وحكيتله موضوع الكاتينه قاللى متخفشى محلوله انا عارف ميكانيكى كويس معاك فلوس
              للكاتينه لوممعكشى عادى احنا اخوات قلت له لا معاى قاللى طب يلا نروح نجيب ميكانيكى وتشترى
              الكاتينه .. رحت لمراتى قلت لها اقفلى عليكم الباب من جوه كويس وخللى حته مرفوعه تتنفسوا منها
              ولوشعرتى بقلق اقفلى ازاز العربيه للآخر ..
              ركبت العربيه بتاعة الخضار ونا مرعوب وخايف على الاولاد وقلت له على موضوع قطاع الطرق
              قاللى متخفشى عربيات البوليس على الطريق .. المهم مشى شويه وعدى الشارع لقيته بيكلم عسكرى
              واقف الناحيه التانيه ومعاه بندقيه والسواق طلع فلوس من جيبه وحطها فى جيب العسكرى وشاورله على عربيتى كأنه بيوصيه انه يخللى باله
              الوقت بيمر على بسرعة كأنى فى فيلم رعب وان السواق والعسكرى دول من العصابه المهم مشينا
              واحنا ماشيين الاقى ميكانيكيه على الطريق وااقوله الميكانيكى اهه يقوللى اصبر بعد السيربحوالى
              ربع ساعة وكل مانعدى على ميكانيكى ويسيبه اقول هو عايز يعملها اشتغاله وياخد فلوس منى
              المهم دخلنا يمين الى قريه وفى نهايتها ميدان مليان محلات سمكريه قطع غيار وميكانيكى الناس
              شافوا السواق اللى معاى والكل طلع يسلم عليه بالاحضان .. قلت اه هو ده زعيم العصابه ودول الاعضاء .. المهم قال لبتاع قطع الغيار عايزين سير كاتينه وخللى بالك من السعر الراجل ده قريبى
              وعطلان فى السكه بعد كده نده على الاسطى الميكانيكى علشان يطلع معانا وفعلا وبدأنا رحله العوده
              حتى وصلنا للعربيه وتم الاصلاح
              المفاجئه ان سواق النص نقل رفض رفضا تاما انه ياخد مليم واحد .. كذلك الميكانيكى رفض ياخد فلوس
              قاللى عيب انت قريب المعلم ولايمكن اخد منك حاجة... سواق النقل قاللى عبارة وهو ماشى ربنا يستر
              طريقك .. انا عايزك بس تدعيللى بالسلامة على الطريق لان كل يوم فى حوادث
              ودعيت له ولحد الان كل ماافتكر جدعنه ولاد البلد ااقوله ربنا يستر طريقك ويحفظك
              دى قصتى مع ال 128 على الطريق
              ولى حق فى الخوف
              اللى اتلسع من الفيات 128 ينفخ فى الاوبل فيكترا

              Comment

              • #8
                استاذى م.اسامه
                كتر خيرك على المعلومه وربنا يطمن قلبك والف شكر

                Comment

                • #9
                  قطاع الطريق فى عرب الرمل الى قبل قويسنا و أنت رايح إسكندرية أنا أعرف مندوب أدوية كان بيبقى معاه سلاح فى العربية و هو رايح هناك
                  [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


                  [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


                  [/CENTER]

                  Comment

                  • #10
                    المشاركة الأصلية كتبت بواسطة hellboy مشاهدة المشاركة
                    ياباشا تروح وترجع بالسلامه ...انا مركب كاوتش جي تي اندونيسي الفرده في حدود 260 ج ممتاز -افضل انواع السيور الجايتس او البوش - انا شايل معايا طقم بوجيهات بالكابلات بتاعتها ,وش اسبراتير,شجره خراطيم ميه قديمه,توصيله بطاريه,حبل قطر غير شنطه عده محترمه كله للطواريء وطبعا معايا تليفونات اكتر من ميكانيكي وتليفون مركذ انقاذ والستار موجود بس للامانه انا اخر مره سافرت بالعربيه من دمياط لمرسي مطروح حوالي 1225 كم ماشاء الله العربيات دي تحفه في السفر وجرب وقوللنا وان شاء الله اجازه سعيده .
                    اقسم بالله الكلام دة صح صح
                    انا عربيتى بت كلاب مصفى لانى عامل بيها 14000 كم فى سنتين
                    و دايما فى اعطال مستمرة
                    كانت بتخترف و عمالة تطلع دخنة سودة
                    و رحت خابطها مشوار 150 كم مرة واحدة و غاليتها على الاخر
                    عارف العربية بقيت بسم الله ما شاء الله زى الفل " من غير ما احط منظف دورة البنزين و لا محسن الاوكتان "
                    العربيات دى فعلا تبان فى السفر
                    و مش هقول اى سفر ......... لا ............ مسافات طويلة و على سرعة من 110 الى 140 كم / س
                    هتلاقى العربية ماشية مرتاحة و زى الفل
                    دة راى عن تجربة شخصية
                    الحمد لله الذى عافانى مما ابتلى به غيرى

                    Comment

                    • #11
                      الاخ هيل بوى
                      ربنا يوعدك بالجنه اشكرك على معلوماتك الجميله
                      وان شاء الله اقابلك السنه دى فى دمياط لانى بقالى 15 سنه بسافر سنويا رأس البر
                      شكرا

                      Comment

                      • #12
                        المشاركة الأصلية كتبت بواسطة nourco123 مشاهدة المشاركة
                        الاخ هيل بوى
                        ربنا يوعدك بالجنه اشكرك على معلوماتك الجميله
                        وان شاء الله اقابلك السنه دى فى دمياط لانى بقالى 15 سنه بسافر سنويا رأس البر
                        شكرا
                        احلي دعوه وربنا يتقبل منك ...هنتظرك ان شاء الله تعالي ..اخوك فادي محمد
                        اخوكم /فادي محمد عيد ..من مواضيعي المصوره للفيكترا بي ....

                        [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                        [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                        [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                        [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                        [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                        hellboy سابقا

                        Comment

                        • #13
                          الاخ كاى مان
                          اشكرك على المعلومة انا حسمع كلامك بس حاخد تليفونك قبل مسافر عشان لو حصل للعربيه حاجة
                          ياحلو انت اللى حتيجى تجرنى
                          اشكرك يابرنس

                          Comment

                          • #14
                            الاخ لانسر اشكرك على معلومة قطاع الطرق فى عرب الرمل الى قبل قويسنا
                            اوعدك فى المكان ده حشغل ال اسبورت موود وربنا يكفينا الشر

                            Comment

                            • #15
                              المشاركة الأصلية كتبت بواسطة hellboy مشاهدة المشاركة
                              ياباشا تروح وترجع بالسلامه ...انا مركب كاوتش جي تي اندونيسي الفرده في حدود 260 ج ممتاز -افضل انواع السيور الجايتس او البوش - انا شايل معايا طقم بوجيهات بالكابلات بتاعتها ,وش اسبراتير,شجره خراطيم ميه قديمه,توصيله بطاريه,حبل قطر غير شنطه عده محترمه كله للطواريء وطبعا معايا تليفونات اكتر من ميكانيكي وتليفون مركذ انقاذ والستار موجود بس للامانه انا اخر مره سافرت بالعربيه من دمياط لمرسي مطروح حوالي 1225 كم ماشاء الله العربيات دي تحفه في السفر وجرب وقوللنا وان شاء الله اجازه سعيده .
                              السيور البوش الأصلي بتتباع فين لو تكرمت؟

                              Comment

                              السابق 1 2 template التالي
                              Working...
                              X