مساعده من عصابه الأوبل في معاينه عربيه فيكترا 2000 سي سي اوتوماتيك

[ahmedpharma]

الأول ازيكم يا شباب

أنا رايح بكره أتفرج على عربيه اوبل فيكتر 2000 سي سي اوتوماتيك cd موديل 2002

أنا لسه ما شفتش العربيه بس صاحبها بيقول العربيه ممتازه و فابريكه دواخل و رشه من الخارج رفرف و باب فقط لا غير

انا أول مره اشتري عربيه اوبل مستعمله فمش عارف ايه الحاجات اللي المفروض أكشف عليها و أنا بتفرج على العربيه

طبعا أنا مش بتكلم على صاج العربيه و الدواخل لأني واخد معايا سمكري أنا بتكلم من ناحيه الميكانيكا و الكهربا والحساسات
و الفتيس و الحاجات دي اللي أنا ما اعرفش عنها أي حاجه تماما

و كنت عايز كمان أعرف متوسط سعر العربيه دي في السوق كام
لأن صاحب العربيه ما اتكلمش معايا في سعر لحد دلوقتي

[islambana]

اولا تبص علي التكييف لو فيه كلمه ماتاخدهوش وماتخدهوش غير وهو شغال بكفاءه
2-تبص علي علبه الدريكسيون علشان بتبوظ وغاليه اـاكد انها مش بتجيب زيت في الدواسه او من احد الجانبين وده عن طريق انك تقف بالعربه في حته ناشفه وتلف الدريكسيون يمين وشمال للأخر كذا مره وتشوف هل فيه زيت عند رجلك او تحت العربيه
ثالثا تجري الكشف العادي بتاع اي عربيه مستعمله
تشوف حاله الماتور والفتيس والعفشه
واستني باقي الاعضاء

[Mo Saleh]

بص يا باشا من الآخر
اكشف عليها ف التوكيل عند مقار مثلا
و دى أضمن حاجة و تريح دماغك حالص
و مش مهم 200 أو 300 جنيه مقابل انك تبقى ضامن العربية اللى انت راكبها

[islambana]

بص ياباشا انت ممكن تكشف كشف مبدأئي الاول وبعدين تروح لمقار تعمل كشف شامل ب275 جنيه بس اهم حاجه تروح بدري اوي اوي ومش مهم تحجز
وممكن تكشف عليها بواسطه السمكري بتاعك وتوح بنزينه تكون بتقيس كبس الموتور وبرضه تخلي عفشجي او بتاع زوايا يبص علي العفشه وتجرب التكييف كويس

[mahmoudselim]

في عربية اوبل فيكترا لسة شايفها امبارح والله تحفة الماتور ماتحطش فية مفك وحالة الصالون زيرووو عربية من الاخر تحس انها جديدة. وتكيفها تلاجة بمعني تلاجة علي 2 كمان. هي موديل 98 2000 . هي رشة برة بس ودواخلها سليمة . تعملها كام العربية دي؟

[hardman20060]

في عربية اوبل فيكترا لسة شايفها امبارح والله تحفة الماتور ماتحطش فية مفك وحالة الصالون زيرووو عربية من الاخر تحس انها جديدة. وتكيفها تلاجة بمعني تلاجة علي 2 كمان. هي موديل 98 2000 . هي رشة برة بس ودواخلها سليمة . تعملها كام العربية دي؟

لو فعلا حالتها ممتازه زي ما انت بتقول من 50 ل 55 حسب هي رشه ايه بره

[tananybasha]

ال 2002 اكشف فى مقار بعد ششنى من ناس بتوعك مش ناس فى المنطقة اللى انت رايحها الكشف ب 275 جنيه بس لو فيها مسمار ناقص هيطلع فى التقرير زى ما حصل معايا قالوا ان العربية ناقصه طبتين بلاستيك بتوع مسامير الجنب و ناقصه طاسه و مفيش فيها ولاعه
بالنسبة لمحمود سليم نفس الكلام بس اكشف عليها و انا عارف انك بتجيب اسعار غريبة يعنى ممكن تقول معروضه عليك ب 38000 و لا حاجة

[hardman20060]

بخصوص العربيه ال 2002 اعتقد ان سعرها من 65 ال 70 تقريبا

[tananybasha]

السعر عادل جداً حسب حالتها

[ahmedpharma]

متشكر جدا يا شباب على اهتمامكم و معلوماتكم دي
ما شاء الله الناس هنا في عصابه الأوبل متعاونه جدا

اللي أنا استنتجته أن لازم أروح بالعربيه للتوكيل عشان هو يكشف عليها
و الحاجات اللي أنا أقدر أكشف عليها بنفسي التكييف و علبه الدركسيون

ممكن يا شباب طيب تقولولي ايه تاني ممكن اعمله في الكشف المبدئي قبل ما أروح مقار
و ايه أهم حاجات ابص عليها في الكشف المبدئي ده؟؟

و شكرا لكل أصحاب الردود اللي شاركوا في الموضوع ده

[hardman20060]

ممكن في الكشف المبدئي اللي انت هتعمله تجرب العفشه وتشوف حاله الكاوتش وتشوف حاله الصالون حاله الصاج مثلا لو في بارومه وتفتح الكبوت تشوف مثلا لو في زيت مرشح علي جسم الموتور وممكن كمان تبص تحت العربيه تشوف في زيت حوالين الكارتيره او عند الفتيس مثلا وتشوفها مثلا مخبوطه من تحت ولا لا.ممكن كمان لما تشغلها تسمع صوت الموتور بيخبط ولا لا ممكن تبص علي الحراره .يعني شويه حاجات كده ممكن تساعدك علي تقييم مبدئي للعربيه.

[mahmoudselim]

[QUOTE=hardman20060;3872548162]لو فعلا حالتها ممتازه زي ما انت بتقول من 50 ل 55 حسب هي رشه ايه بره[/QUOTE

هو فعلا طالب 55الف ومش عاوز ينقص جنية واحد.. كبس الماتور 14/16
ومش راشة سقف .. العربية بجد ماشاء الله

[hardman20060]

حاول تنزل معاه اي حاجه واتكل علي الله سعرها مش وحش